12/11/2020
اليوم كنت في زيارة لصديق مقيم في فندق كمبنسكي إسطنبول Kempinski Istanbul ذو الخمسة نجوم
والمطل على نهر البوسفور ...
بالصدفة فات من قدامنا شخص بنظارات وانا تفاجأت وقتله يشبه ل... وانا ما كملتهاش وصديقي ضحك وقال ايه هو هو..
قالي هذا "محافظ مصرف ليبيا المركزي"
الصديق عمر الكبير !
قال راه يقولوا مقيم هنا وموجود هنا من اكثر من 3 شهور بالفندق ويدير في المصرف عن بعد من اروقة هذا الفندق الفخم ( خمس نجوم ) المطل على نهر البوسفور وجسر إسطنبول ...
بصراحة جاني فضول اني نشوف كم سعر
الفندق في الليلة الواحدة وهنا كانت المفاجاة !!
سعر الليلة الواحدة بفطور بس ( 442 دولار ) !!
وسعر الليلة الواحدة وجبتين ( 600 دولار ) !!
يعني الشهر في الفندق هذا ب 12,000 دولار ما يعادل 76200 دينار ليبي والثلاثة شهور 228 الف دينار
( مايقارب ربع مليون) والحسابة بتحسب والمدعو
الصديق الكبير " مقيم فيه " رسميا ...
يا ليبي يا مريض بالكلى وتغسل ويا اللي عندك ورم ومحتاج كيماوي ويا اللي محتاجين دواء ومش ملحقين
على حقه فلوسكم ماشيات عند #الكبير وغيره من المسؤولين الي ساكته عليهم الحكومة ..
الناس جاعت يا خوي والمرضى ماتوا بين العيادات وفيه الي ما قدر يدير عملية على خاطر ناقصينه 200 دينار وفلوس نفط الليبيين ورزقهم يوزع فيهم الكبير وغيره على اقاماته ونزواته الفارغة ...
الراجل موجود كان ما طلعش الليلة وبامكانكم تتاكدوا
من كلامي واذا فيه مراقب مالي على مصروفات
مصرف ليبيا المركزي بالله شوفوا مصروفات اخر ثلاثة
شهور ورزقكم وين ضايع ...
وفي الاخر ...
( حسبنا الله ونعم الوكيل فيه وفي غيره )
