30/07/2025
الله يبارك في صحة كل أم✨️
اجتهدت وخافت الله في أعظم مسؤولية رزقها بيها : الذرية.
لكل أم دارَت اللي عليها، وزادت فوق طاقتها بحب ورضا وفوقها حبة مسك و عطر من الحنية.
لكل أم كانت صارمة في حدود الدين، الأخلاق، والعلم.
لكل أم ما خلت الشارع يربي أولادها، وكانت السند والظل والدرع قدام كل مغريات الدنيا.
لكل أم حافظت على بناتها، وكانت ليهم الصديقة والرفيقه بشخصيه قويه تعرف امتي وقت تقول لاااا وأمتي تعطي حن الدنيا كلها
و وقت مافي حد من صغارها يغلط ترده للصواب بحزم وحنيه
لكل أم جمعت صغارها على المحبة والتسامح والتغاضي.
لكل أم زرعت في أولادها معنى العيلة، وغرست فيهم حب الأرحام والتغاضي عن الزلات باش يدوم الود وتستمر صلة الرحم.
أنتِ عظيمة... أنتِ الشمس اللي منوّرة حوشك وعيلتك.
الله يحفظك ويمتعك بالصحة، ويبارك في حسناتك.
أمي... حبيبتي، أمي مأمني وأماني،
اليوم فرحتها بنجاح آخر العنقود اختي💜، ودموعها ذكرتني بأيامنا أنا وخوتي، كيف قريتونا، وكيف تخرجنا واشتغلنا، وفتحنا طريقنا في الحياة.
ربي يحفظها ويحفظ بابا... قداش تعبوا وتعذبوا، وكانت لحظات زي هذه أكبر هدف ليهم.
ربي يحفظ أمهاتكم وآباءكم جميعًا ويرحم الله كل من توفاهم ويجعل الفردوس الاعلي بيت ليهم
وان شاءالله ديما منورين 💜
