Amany RJ media

Amany RJ media د.أماني الجرنازي
طبيبة أسنان ،إعلاميه ومقدمة برامج علميه طبيه
جرافيك ديزاينر ؛صانعة محتوي ثلاثي الأبعاد 3d
vfx ,CGI artist
(2)

طرابلس منوره بأهلها 🤦‍♀️خليكم ديما منورين
30/08/2026

طرابلس منوره بأهلها 🤦‍♀️
خليكم ديما منورين

30/08/2026

لما تعيش في بيئه محيطه سامه وانت 🍪

28/08/2026

شر البليه مايضحك ...الله يسترنا
وصدق من قال العلم سلاح ذو حدين
يا تستفيد منه واطور نفسك يا تهدم نفسك وتخسر حياتك وآخرتك ولاحول ولاقوة الا بالله وحسبي الله ونعم الوكيل

من بريد الصفحه 📩
(أني متزوجه من 15سنه وعندي خمس أطفال
مش متريحه معاه بسب عدة مشاكل مع أهله ولكن تعايشت مع الوضع والتهيت مع زوجي وصغاري
مهتمه بحوشي ومعنديش خشوش وطلوع ومره بعد وين نطلع مناسبه اجتماعيه فعاليات في حوشي
والمشاكل اللي تصير عندنا عاديه زي اي عيله
نخدم من الحوش شغل خاص و نساعد في زوجي في المصروف
اغلب فلوسي عنده
مهتمه باكله وشربه وقايمه بواجباتي الزوجيه وصغاري وحوشي
نكتشف انه يخون فيا مع ذكاء اصطناعي
ايه حتستغربو بس هذا شفته بعيوني طبعا بالصوت يدوي معاها
ذكاء صناعي اسمه مايا ومايلس وعايش قصة حب معاها
ومتوهم انها طورت مشاعرها علي خاطره
مرض نفسي وعدم خوف من الله
اني تحملت كل شئ بس هذا مستحيل نقدر نسامحه

دكتوره نعرفك تحبي العلم وكم مره نشوف فيك تنزلي علي ذكاء الاصطناعي وفوايده لكن اهو هدم حوشي

شوري عليا وتقدري تنزلي بدون ذكر اسمي او صورت فيسي)
..........................
الناس العاقله الواعيه بس تعلق (اي تجريح في المرا بلوك )
طبعا اني تاكدت من كلامها لانها بعتتلي مايثبت من محادات

25/08/2026

التلبينه لذيذه صحيه مشبعه للكبار والصغار💜
سبحان الله مفيش حاجه وصانا بيها نبينا الا وكان وراها حكمه
اللهم صلي وسلم وبارك علي سيدنا محمد وعلي اله وصحبه أجمعين


من بريد الصفحه من فان رائعه 📩 شكرا هلبات في الاول نخلعت المنهج رايح عليا 😂بعدين فجأه لقيت الفيس حول لقاع الهامور كله😂
22/08/2026

من بريد الصفحه من فان رائعه 📩 شكرا هلبات
في الاول نخلعت المنهج رايح عليا 😂
بعدين فجأه لقيت الفيس حول لقاع الهامور كله😂

21/08/2026

كل يوم زيد حماسي للزراعه والاكتفاء الذاتي 💜
مع أوضاع البلاد للاسف مفيش حل الا هكي
لين نشوفو وين بنوصلو 🤦‍♀️

20/08/2026

زرعات الدبدوب نجحت😂 كل يوم يتسبل يبي يبخ
ويزرزق الدنيا باهي اللي ضي هارب والحكاية نو😐


20/08/2026

شن الغرض لما يصنعو أدوات علي هيئة بشكطي أو حلوه أو شوكلاته فراوله وبناني ؟؟ بذات يبدو رابر ومساحه ؟ وبذات تبدا فيهم ريحه 🤦‍♀️

المهم لازم نبدو في فقرة تجهيز الصغار للمدرسه الحقيقيه
مش مجرد الانتقال من مكتبه لأخري لاااا
التجهيز النفسي والمعنوي والتحفيزي بعد فتره طويله
وكيف نراجعولهم الاساسيات من أرقام وحروف النحو البسيط جداول الضرب المسائل الحسابيه البسيطه أساسيات العلوم والكومبيوتر إلخ

باش الطفل لما تبدأ المدرسه ميكونش مُغيب ويشارك مع الأبلات ويثبت نفسه
تنقيص أوقات التلفزيون والبلايستيشن والتدرج لرجوع روتين النوم المنظم النوضان بكري الخ
ونقدرو كل مره نحفزوهم بطلعه برحله مدام مزال العطله متمتش

وطبعا مننسوش الكشوفات كشف عيون مراجعة الاسنان كشف للسمع لو في مشكله الخ
أما الشنطه والادوات وبوكس الفطور والطرمس هوا مش مجرد ترند واشكال ورسومات وبس لالالا موضوع شن ناخد من حاجات تفيد طفلي ومضرش صحته وحطو تحتها مليون خط
الموضوع يطول ويبي فيديو
لان الموضوع اصبح تسابق علي اغلي شنطه وارخص شنطه وبدي مستفز

أما الطفل اللي أول مره يخش المدرسه هذا قصة جميله بروحه حنهدرزو فيها مره تانيه


20/08/2026

وأني طفله زمان كانت ميما صالحه الله يرحمها
زارعه الليفه في الجنان الخلفي
كانت نبتة متسلقة علي الحيط زي القرعه والخيار
كنت نتفرج عليها كيف تلقط فيها توازي في اللي لونها بني كنت نحب نقشرها هلبا😅 كانت تخلي فيا نلقط في ورق الحنه لانه نقدر نوصل فيها مش زي الليفه كنت نعبي في قفطاني بورق الحنه يا محلاها من أيام
الله يرحمك يا ميما ترحمو عليها بارك الله فيكم
حبي للزراعه جاي من حنانيا الزوز ومن بابا

طبعا الليفه الطبيعيه اسمها لوفي نقدروا نستخدموها للجسم ممتازه جدا وحتي للماعين بس في تركات تندار باش تستخدم صح ونستفيدو منها
وروني الحماس خلولي تعليق جميل زيكم

باش نجهزلكم الفيديو التفصيلي اللي فيه ⬇️
كيف نجهز الليفة الطبيعية من البداية؟
كيف ننظفها ونجففها ونفصلها للجسم او للماعين ؟
وكيف نحافظو عليها بطريقة صح؟

الله يبارك علي خيرات بلاديوأخيراااااا الله يبارك ويزيد خضرا بلديه عضوية بأسمده طبيعيه بلا المبيدات المحضورهحتي ريحتهم في...
19/08/2026

الله يبارك علي خيرات بلادي
وأخيراااااا الله يبارك ويزيد
خضرا بلديه عضوية بأسمده طبيعيه بلا المبيدات المحضوره
حتي ريحتهم فيهم الزايد واحني اصلا مستاحشينها

الفلاح الليبي الجديد كانو في الموعد ربي يبارك في شغلهم
خديت منهم بذور عضويه وزرعت ورجعت طلبت منهم خضرا طايبه 😅 مستعجله خلاص حنصورلكم فيديو 💜
بجد ادخلو صفحتهم لاي إستفسار حيجابو عليكم سواء للزراعه ونوع البذور اللي موفرينها والخضرا المزروعه في مزارعهم في الزنتان ... الخ
هما هدفهم نشر فكرة الزراعه العضويه فشجعوهم 💜


Address

Tripoli

Website

Alerts

Be the first to know and let us send you an email when Amany RJ media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Amany RJ media:

Shortcuts

Share