13/05/2026
بوست اليوم زي مطلبتو عن قشور السيليوم او سيليوم هاسك
هما عباره عن قشور بذور القاطونه
ومش نفسهم النخاله لانه نلاحط بعض تعليقات عندي تتلخبط بينهم
اللي يشوفها يقول "قشور وخلاص" لكن العلم يثبت إنها أقوى من مجرد ألياف عادية لعدة أسباب منها إنها
الكولاجين الطبيعي للمعجنات الصحيه المصنوعه من أنواع دقيق اللي مفيهاش جلوتين زي دقيق اللوز
ودقيق الشوفان ودقيق السمسم وغيرها
به شنو هو الجلوتين أصلاً؟
الجلوتين هو بروتين موجود في القمح والشعير وغيره. لما نخلط الدقيق بالميه ونبدأ نعجن الجلوتين يتكوّن كشبكة مرنة تعطي العجينة تماسك ليونة، ومرونة ➝ يعني السبب الرئيسي اللي يخلي المعجنات تطلع طريه بدل ما تكون يابسه وتتفتت.
اهني قشور السيليوم دارت الحل إنها تكون في محل
الجلوتين في المخبوزات الصحيه وغيرها
وهكي أصبحت "نجمه" في صناعة الخبز الصحي والـ Gluten-free baking 🌾🚫
لأنها تمتص الميه💧 وتتحول لجل هلامي يشبه الجلوتين و تخلي العجينة متماسكة وطرية بدل ما تتفتت زي ماقلنا مبكري
طبعل هذا غير الفوائد العلمية ليها زي:
إنها تنظم حركة الأمعاء وتعالج الإمساك والإسهال
تساعد على ضبط سكر الدم لأنها تبطئ امتصاص الكربوهيدرات.
تقلل الكولسترول وتدعم صحة القلب.
تعطي إحساس طويل بالشبع ➝ سلاح فعّال في أنظمة إنقاص الوزن.
❌ الأضرار إذا أُسيء استخدامها:
الاعتدال والتوازن وااااااجب لأنها
ممكن تسبب انتفاخ وغازات لو خُدت بكمية كبيرة فجأة.
خطيرة للي عندهم انسداد معوي أو مشاكل بلع.
لازم تُشرب معاها كمية ماء كافية (على الأقل كوبين ماء) وإلا تسبب إمساك شديد.
🙆♀️طريقة الاستخدام الصحيحة
في المخبوزات: يضاف عادة 1–2 ملعقة كبيرة لكل كوب من أي دقيق الخالي من الجلوتين.
توا ديرو مشاركه في صفحتكم باش تعم الفايده وتساعدوني و
اكتبولي البوست شن علي شن تحبوه يكون
وخليكم ديما منورين 💜
