22/08/2026
اسمعوا القصة هاذي وخودوا العبرة😮💔😔
بعد ماكملت حوشي ودرتله اتاته قلت لأمي تخطبلي لاكن الغريب في الوقت هداكا اللي تخطبها امي أهلها يرفضوو مكنتش عارف شن السبب لا اني ولا عيلتي رغم انه كنا من اعز الناس وسمعتنا الطيبه المعروفه لين في يوم قاتلي أمي ياولدي خلاص اللي نمشولها ترفض والناس بدت تدوي عليناا أجل الموضوع سنه وبعدين ندورلك تاني اني بعد ماكنت متحمس وفرحان اجلت الموضوع وطلعته من راسي كنت نبات كل ليله في حوشي بروحي ومتحسر ع اللي صاير قعدت ساهر واني نفكر ونراجع في نفسي
اني شن مداير وبالك غالط لين اذن عليا الفجر قلت انوض نتوضأ ونمشي للجامع نصلي ونرتاح شوي واني ماشي فالطريق ع رجلياا نلقا في الطريق مرا وبنتها ماشياات للجامع ويمشو قدامي اني استغربت شن فالوقت هادا زوز نساوين طالعات جوو وقفوو قدام باب الجامع وقعمزوو
اني بديت نشبحلهم قلت نكلمهم وبعدين قلت لاا بالك يستنوو في الشيخ او عندهم حاجه وخشيت صليت دعيت لربي وكملت واني طالع ملقيتهمش ومع هكي قبل مانخش ركزت عليهن بيش بعد مانطلع نشوفهن لقيتهن مهنااش واني فايت فالطريق فاضيه قريب بنوصل للحوش نحس في حد يمشي وراي تلفتت شفتهن هنا لاتنين الام كانت تبكي والبنت تضحك اني استغربت من وين طلعوو هادو كملت طريقي لين وصلتت للحوش واموري تمام وارقدت نضت الصبح نزلت لأمي لقيتها فرحانه وتضحك وتقولي هات البشاره اني شنوو
قاتلي واخيرا ربي جبر بخاطرناا لقيتلك عروس يا ولدي اني فرحت كيف ربي جبر بخاطري ومن دعوت امس
تحقق اللي في بالي قلتلها مني؟؟قاتلي بنت الخياطه فالشارع اللي ورانا من خيرة الناس قلتلها باهي ربي يكتب لفيه الخير اني مكانش همي لا جمال و لا شكل ولافلوس اهم شي اخلاقهاا وسمعتهاا بعد يومين مشت امي خطبتلي وحددت العرس بعد شهر وكل شي مشي تمام ومن يومها واني انوض ونمشي للفجر ونصلي فيه فالجامع حاضر وكل يوم نلقى فالمرا وبنتها وبنفس الطريقه الام تبكي والبنت تضحك ليوم العرس وهوا يوم الدخله العروس لا شفتها لا سمعت صوتها لاشي اسمهاا بس لكنت نعرفه
تم اسبوع الفرح وجي يوم الدخله واني خاش لدار نسمع في صوت ضحك مش غريب عليا فتحت الباب و...........يتبع
تبو نعرفو شنو صار هنا ترند كويشات .
# سوق الدهب في ليبيا اول باول 🕝
