وجهات نظر - different views

وجهات نظر - different views لكل منّا نظرة مختلفة في هذه الحيَاة، فما هي وجهة نظرك؟

09/05/2025

كيف ما تبوش صغاركم يقلدوا أو يتفرجوا ع الأجانب ما دام انتم في حد ذاتكم كل ما شفتوا شخص اجنبي ( الشي الوحيد اللي فيه ان عيونه زرق حتى لو إنجازاته صفر ) مدحتوه وصغاركم 24/7 تذموا فيهم؟

10/11/2023

مش معناها الشخص طالع ع الميديا معناها تقدروا تقولوا فيه ما تبوا وتذموا وتطلعوا في اشاعات عليه، الشخص هذا زيه زيكم عنده حياته ودائرته الاجتماعية وبيئته العلمية فَ معاش تجي تقول ماتبّي وتفرّغ ضغوطات مرضك النفسي عليه في صفحاته!

اتقوا الله فيما تقولون!

03/07/2023

من المفرُوض منك أن توضّح مشاعرك وارتباطك ومدى فهمك للطرف الثاني وكميّة الثقة أو حتى كمية عدم الثقة... في كُل العلاقات الاجتماعية لتكُون أنت صريح وتكون العلاقة فيها شفافية تامة، الحاجات اللي ليك معروفة والحاجات اللي عليك معروفة كذلك، ومتخشوش في متاهات مليهاش أي داعي ولزمة...

19/05/2023

مهما كانت الحياة قاسية عليك أو الأيام اللي تجي ضدك أكثر من اللي معاك ومهما كنت متعب وأنت تعافر في طريقك اللي تمشي فيه؛ تذكّر تحمد ربي على كل هذا، فيه اللي يقولك: "نحمد ربي على تعب وقسوة أيام، بالله على شن بنحمده؟"
احمده ايي، احمده على صحتك اللي مخلياتك تقدر تعافر باش توصل، احمده على رجليك اللي مخلينك قادر على وصولك لمكان دراستك أو عملك لأنه غيرك مشلول أو مقعد على كرسي يتمنى يمشي على رجليه، احمده على البصر، السمع، الإحساس وغيرهم من النعم التي لا تعد ولا تحصى، احمده على المسكن -مهما كان حتى لو مكانش قصر- اهم شيء أنه يحميك في البرد ويحمي فيك من الحر ومستور تحت سقفه لأن غيرك قاعد بين الشوارع لأن معنداش مسكن يلجأ ليه، احمده على كل لقمة وكل رشفة حتى الماء لأن غيرك محتاج حتى بقايا طعامك، لو نقعد نعد في النعم اللي ربي ناعمهم علينا مش ح نكمل ولا نحصيهم أساسا، كوننا بشر منعمِين بكل هذا فمن واجبنا حمده على كل نعمة، لو في الثانية حمدناه ألف مرة مش ح توفي، احمدوه باش يزيدكم، "ولئن شكرتم لأزيدنكم" كونوا ممن يحمدونه ليزيدكم أضعافه.

- بوست للتذكير؛ لعل بعضنا أخذته غفلة هذه الدنيا.

07/05/2023

مفِيش حاجة اسمها شخص حُكمت فيه الظروف، فيه شخص استسلم للظروف وخلاها تُحكم فيه وتسيّرله باقي حياته.
*احذر تكون منهم؛ لأنك حتتعب*

03/05/2023

تقلِيد أفكار غيرك عمرها ما حتصنع منك شيء جديد أو حاجة مُبهرة حتى لو نجحت فيها حتقعد مجرد تقليد...

03/05/2023

عُمرك ما تقول:"أنا حزين "، ولاعمرك تربط شعور -وخاصّة الحزن والسلبي منها- بذاتك؛ لأنك هنا حتبدأ تلقائيًا تستجوب مع هذه الفكرة، وتعِيش في أجواء كآبة وغيوم سوداء مع نفسك بنفسك، ومن هنا حتبدأ تبعث فيها لمحيطك مع أسلوب يومك وتصرفاتك مع المحيطين بيك من غير ما تشعر؛ لأنك تحس بروحك أن *هادي طبيعتي ولازم الكل يحترمها*.
من مجرد موقف عابر أو نتيجة مؤقتة جاتك خلاتك تشعر بالاستياء والحزن -اللي المفروض كانت ليه فترة زمنية معينة ويتلاشى- وصلاتك لمرحلة خلاتك فيها شخص موهوم بعواطف حزينة وعايش في دوامة سوداء لانهائية مع ذاتك، فكانت النتيجة عبور الموقف اللي خديت منه هذا الشعور وبقائك على حالك حتى بعد انحسار الموقف.
من هنا نقول أن لازم تتعلم كيفية السيطرة على مشاعرك وأيضًا طريقة أو كيفية التعبير عنها.

02/05/2023

طالما مازلت تقيس قراراتك بمقياس الحلال والحرام؛ فأنت في خير كبير.

30/04/2023

إعطاء حقوق الشخص أصبح يُمثّل تحتَ مصطلح الإكرامية والصّدقة!

- أترَى هذا؟

Address

Tripoli

Website

Alerts

Be the first to know and let us send you an email when وجهات نظر - different views posts news and promotions. Your email address will not be used for any other purpose, and you can unsubscribe at any time.

Shortcuts

Share

Category