07/11/2024
مرة لقيت اعلان لشركة تبي موظفين ، توكلت عالله ومشيت قدمت ، عندي خبرة وفاهم واموري طيبه ، قبلوني اني ومجموعة من الشباب وكان نص توكه والمرتب المبدئي 1500 ونسبة، اليوم الاول كساد مافي شي وزعوا علينا شيت هكي غلضه فيه قانون عقوبات الشركة التاني كذلك ، بعدين دارولنا يومين تدريب والامور تمام لعند وصلنا في الجديات ، المرتب تغير الكلام وطلع الف بس ، شوية والنسبة من 250 عالحاجه ولت 100 وعندك تارقت لو ماوصلتاش يخصموا من المرتب اللي هو الف 🤦🏻♂️ اغلب اللي قابلينهم فرش مش خادمين هلبا ، اكتشفت انه يجيبوا في الناس يمشوا بيهم في مرحلة ويحرثوا عليهم ويسيبوا من التعب والا من الخصومات لانه التارقت خرافي ، وزادت تأكدت المعلومة اليوم الكلام ليه فوق السنه وكل ثلاته شهور نلقى في نفس الشركة ناشره نفس الاعلان بنفس الوظائف ، الحصيلو لما تلقى اعلان خدمة ابحث عالشركة قبل تقدم
