الجوكر Joker

13/03/2025

لو انت متابع جيد للمسلسلات ..

شن تتوقع الاحداث الجاية .. وشن علاقة الاشخاص اللي في الصورة ببعض ؟

اكتبولنا ف التعليقات خلي نشوفو الحس الدرامي متاعكم 😁

08/09/2024

التوهامي ومرته فتحية خشو الفندق لمدة عشرة ايام ..ولما جو مروحين امشي التوهامي باش يدفع الحساب فقاله مدير الحسابات "حسابك 2000 دولار". تعجب التوهامي وسأله عن التفاصيل .
فقال له 500 أجرة حمام السباحه .
فقاله التوهامي اني لا مخشيتله ولاهويته حمام السباحه .
فقاله حمام السباحه كان قدامك من منعك.
فقاله التوهامي باهي وباقي الفاتورة
فقاله مدير الحسابات 700 أجرة الألعاب.
فقال التوهامي: اللطف ياربي والله ما قربتهم الألعاب.
فقال مدير الحسابات : الألعاب كانت قدامك من منعك
فقال التوهامي: موافق .بندفع الحساب بس بنحي منهم 1900 دولار..فقاله مدير الحساب علاش الخصم ان شاء الله . فقاله التوهامي أجرة معاكستك لفتحية. فقال مدير الحساب والله العظيم ما عاكستها ولا جيت جهتها. فقاله التوهامي.
كانت واقفة قدامك من منعك ..

26/07/2024

تخيل ان تستيقظ صباحاً وتجد خارج النافذة هدا الجو🌨🌨❤

26/07/2024

قالت حناي .

ثلاثة انساهم
الدلاع الطويل . واحترام الشيابين والفراشية
وخود حذرك من إثنين
جاهل حفظ سطرين ... وجاعان دار قرشين
وحط كلب يحمي دارك وحط قط ياكل فارك وضيف ليلة ماتوريه عارك وغير أمك وبوك ماتعطيش أسرارك
وقالت
إللى فى قلبى على لساني ... وإللى مش عاجبه ينساني .وماحد خيره علي غير اللي وكلني وشربني وكساني
ومش كل ورد ينشم .... ولا كل الناس تنفدى بالدم .غير ولد أمك وبوك كان لزم
وما عاد فينا الصالح .. وكل الناس ولت مصالح . ويوم طيحتك ياكلك المالح .وكان ناسك من لحمك ودمك بايعينك .. ماتلومش على اللى لبارح عارفينك ...والضيقة توريك .. من يبيعك، ومن يشريك .
وكان درت رزق ينادوك الحاج .يهابوك هيبة بن هلاج .يصاحبك الغني ويطيعك المحتاج .
وكان مادرت
خلي فلوسك حلال...تكون سيد الرجال ...لاخانب لاكاذب لامحتال ..عمرها ما الريح ... تحرك الجبال 👌

والله يرحم عزايزنا وشيابينا في هالساعة وكل ساعة 🤲

26/07/2024

رضاء الام....

26/07/2024

26/07/2024

الدنيا تغيرت لدرجة حتى شهر سبعة بيكمل و ما حسيناش بيه .🙂

26/07/2024

العقل الباطن ل الشعب الليبي يقول ان لو تسلّفت فلوس من حد مرتاح مادياً مش لازم تردهم لأن هو ظروفه كويسة مش محتاج تردهمله ! 🇱🇾

26/07/2024

الكاتينة حديد اللي قاريين فيهم اثبت وجودك 😁👌

27/04/2024

بادروا بمقاطعة شراء البيض27\4\2024
#تعميم لجميع المواطنين
مقاطعة البيض ولحم الدجاج تبدأ من اليوم السبت وتستمر لمدة اسبوع خلوه يفقص عندهم 🐣
نرجوا التقيد والحاضر يعلم الغايب

12/02/2024

#ليبيا أول دولة في العالم تعتمد #المستكة 🍫 ،
#عملة بدل الربع و الخمسين قرش في المحلات 😯

12/02/2024

نشكر مصنع الأسمنت على لم شمل الليبيين .🤝