09/07/2025
قسماً بالله مهزلة حقيقية!
أكثر من 6 ساعات طرح أحمال يوميًا في مدن مثل زوارة والجميل، بدون أي سبب فني واضح أو تبرير منطقي.
لكن الحقيقة بدأت تتضح من خلال مصادر داخل الشركة العامة للكهرباء:
📞 “الطرح يتم بتعليمات مباشرة من مقر الشركة في طرابلس”، حرفيًا يقولولهم:
“صكر الضي”، من غير حتى توضيح!
ولما المشرفين يسألوا: “علاش؟”
الرد الجاهز:
“ما عندكش علاقة.. واخدم خدمتك!”
شنو معناها؟ معناها:
🔌 طرابلس عندها عجز في التوليد؟ بسيطة.. غطّي العجز من المدن الثانية!
🚫 زوارة، الجميل، صبراتة،
وغيرها.. “اقطعوا عليهم 6 ساعات”
وفي المقابل:
🏙️ العاصمة مرتاحة، كهرباء، إنارة، مشاريع، استثمارات..
طبيعي لإنها الأكثر سكانًا، والأكثر تأثيرًا في الرأي العام!
لكن بالله عليكم:
أين العدالة؟ وأين التوزيع المتوازن للطاقة؟
هل المواطن اللي في زوارة أقل قيمة من المواطن اللي في طرابلس؟
هل التهميش هو الحل؟ هل هذا اسمه وطن واحد؟
✋ ندعو جميع المواطنين والمسؤولين والناشطين في المنطقة الغربية لوقفة جادة وصوت موحّد،
حتى نضع حدًا لهذه المهازل، ونطالب بحقنا في العدالة الكهربائية.
📢 حقوقنا مش منّة من حد.. حقوقنا ناخدوها بصوتنا، بموقفنا، وبوحدتنا
أحباب زوارة الاحتياطية
