07/09/2023
🔴 في الدين ديالنا اخوتي لا يجوز للمرأة ابدا انها تسافر بدون محرم دبا ولينا كنشوفو النساء كيسافرو بزاف بدون محرم و متبرجات من لفوق بل كين لي كتوصل بيها الوقاحة انها تسافر مع رجال اجانب عليها و تخرج معاهم فالرحلات كنهضر على داكشي ديال trip و...
مكينش شي عصر ظهر فيه قلة الحياء و الانحلال بحال هاد العصر لي كنعيشو فيه راه فالجاهلية و كان الحياء فالنساء دبا كتقولك انا مسلمة و الحياء في جيه و هي في جيه و خلق هاد الدين هو الحياء
راه المشكل فينا حتى حنا لي مكنهاوهمش على المنكر لي كيديرو فيه مكين غير شوف و سكت حنا ماشي أمة ديال شوف و سكت حنا أمة ديال الأمر بالمعروف و النهي عن المنكر سبق و قلتها السكوت على المنكر خيانة و غتعرف بالخطورة ديال هاد الأمر حتى توقف عند ربي تحاسب
دبا سؤال لهادوك لولاد لي كيخرجو مع لبنات في الرحلات واش ترضى شي واحد يخرج ليك مع ختك ايلا كنتي راجل راك مغاديش ترضى اما ايلا كنتي ديوتي عندك هانية فأنت على خطر عظيم لأن الديوت لا يدخل الجنة
ربي كيحذرنا بالآيات ديالو و حنا للأسف ولات القلوب ديالنا بحال الحجارة مكتأثر فيها لا موعظة لا الآيات لي كتدل على غضب الله علينا لا والو غيبقى حتى يجي شي عذاب من عند الله يفني كلشي ميبقى حتى واحد ايلا مرجعناش لله بهاد التحذيرات راه غيجي العذاب الأكبر
اتقاو الله يا عباد الله خافو من الله لبسي الحجاب الشرعي ديالك و بقاي فداركم اختي كوني مسلمة راه الإسلام ماشي غير بالهضرة خاصك تبينيه بأفعالك براكة من الغفلة فيقو قبل ميفوت الأوان و تندمو و هاديك الساعة مينفعكم الندم بوالو
