28/10/2024
1 - فاش تنزل من الطاكسي ديما شوف فبلاصتك عاد سد الباب تقدر تكون طيحتي بزطامك ولا تيليفونك ..
2 - ملي ايوقف عليك شي بوليسي ونتا فكرشك العجينة ماتقولش ليه الشاف..قولي خويا ولا أستاذ وتصرف بعفوية .
3 - فاش تتفكر شيحاجة وتجيك البكية حاول ماتشوفش فالأرض ديما هز راسك .
4 - إلى تحطيتي فشي موقف محرج حاول تقلبها ظحك وخرج راسك بأقل الأضرار .
5 - إلى كنتي معروض لشي بلاصة بعيدة عنداك تلبس شي سبرديلة جديدة ولا سباط جديد .
6 - إلى بغيتي تكذب بلا ماتحلف حيث غاتدخل للطرف التاني فكرة أن كلامك مشكوك فيه داكشي علاش كاتعزز هضرتك بالحلوف ديالك .
7 - إلى سولك شيحد على شيحاجة نتا مباغيش تقولها واجهو وقوليه هادي مسألة شخصية ماعندها باش تفيدك .
8 - بغيتي دير شيحاجة بلا ماتتردد يا إما ديرها ولا ماديرهاش .
9 - تعلم تشكر الناس على أي خدمة قدموها ليك .
10 - عجباتك شيحاجة شي صفة فشيحد قولها ليه أمام الملئ ماعجباتكش شيحاجة فشيحد قولها ليه بينك وبينو .
11 - جلستي فشي قهوة ونسيتي الفلوس فالدار قول للسيرفور ايحط ليك التيلفون فالشارج وغطي القهيوة ديالك وخرج جيب الفلوس ورجع بلا ماتحرج راسك .
12 - عساس ، بائع السجائر ، حلاق ، سائقي الطاكسيات ماتخليهمش إيجرو ليك لسانك .
13 - ولاد الدرب والجيران نقص معاهم الهضرة باش ايبقى بيناتكم واحد الإحترام .
14 - تعلم تقول لا بطريقة لبقة .
15 - فاش إيعيط ليك شيحد باش تخرج معاه تقدر ترفض إلى مكانتش راشقة ليك حيث هو حتى سالا شغلو عاد جا عندك .
16 - كاتخاف من شيحاجة ديرها باش ماتبقاش تخاف منها .
17'- ديما الشخص الي كايدويو عليه بالسوء إلى تقربتي منو كاتلقاه من أطيب خلق الله .
18 - إلى خرجتي فموعد مع شيحد أول مرة بلا ماتظحك حتى تبان ليك ضرسة العقل غير إبتسامة خفيفة ماتبقاش غاكاتفرنس .
19- فاش تعجبك شيحاجة قريتيها ..قراها مرة أخرى غاتزيد تكتاشف حويجات جداد .
