19/12/2025
مسكين مـ..ـاتو ليه ربعة ولادو في فاجـ..ـعة فاس 🇲🇦🥺
هاد السيد سميتو محمد كيعاود القصة ديالو وعينيه مغرغرين بالدموع عاش لحظة فاش طاحت بيهم دار نجاه الله بأعجوبة، محمد كيقول بقلب مجـ..ـروح كنت جالس مع وليداتي العائلة مجموعة ضاحكين وفرحانين بيناتنا والزوجة ديالي كتوجد العشاء حتى بدينا كنسمعو واحد صوت في الحيط بحال شي سرسار جا عندي ولدي قال ليا يلاه بابا نخرجو نشوفو اش واقع، لمهم بقينا هابطين مع دروج و ولدي سابقني يلاه بغا يخرج مع الباب ديال دار هو يهبط عليه السقف قدام عيني كنت من وراه ما فهمت والو حتى كنلقا راسي وسط ردم ومابقيتش كنبان طاح عليا داكشي وحصلت تما بقيت كنغوت ونعيط على مراتي و ولادي حتى داز شوية لوقت كنسمع صوت ديال ناس حدايا بقيت كنغوت لهم حتى عرفوني فين كاين جاو كيعونوني و رجليا حصلو وسط ردم بقيت مقـ..ـاتل مع الحجر وتراب كنحيدهم بإدي وكندير لي فجهدي وانا مزال مفاهم والو دزت من واحد المحنة تحت ردم صعيية بزاف مايمكنش نوصفها لكم ماخرجت من تما غير بزز وملي طلعت لقيت مشات ليا بنتي وختها وبنت بنتي و ولدي باقي صغير يلاه دفع العسكر في الحاجب كيتسنا غير ميساج يجيه هادشي لي عطا بقيت غير انا والزوجة ديالي نجانا الله إنا لله وإنا إليه راجعون 💔😭
