Mohamed -Vision

03/07/2026

كنسمعو بزاف بلي "الوحدة صعيبة" ولكن الحقيقة هي أن الوحدة إلى فهمتيها مزيان كتولي أقوى سلاح عندك و أكبر تحرر ممكن تعيشو.
الوحدة ماشي هي تكون محاصر و مقطوع من الدنيا. الوحدة لي كنهدر عليها هي أنك تختار تسكت شوية و تبعد على الصداع باش تسمع صوتك نتا. هي ديك اللحظة لي كتكون فيها مع راسك بلا تمثيل، بلا ما تحاول ترضي شي واحد.
فامنين كتولف تكون مع راسك، كتبدا تعرف رسك نتا كفاش دير ، وسط الناس كنبقاو نلبسو أقنعة ، وحد باغي يبان قاصح، واحد باغي يبان فهايمي، واحد غير كيضحك باش يغطي دك الحزن لي فداخل ديلو ، ولكن فالوحدة دك صورة كيطيح كامل ، كتوقف قدام المراية ديال روحك و كتسول: "شنو باغي؟ شنو ؟ شنو الحلم لي مخبيه؟" و هنا كتبدا القوة ، حيت لي عرف راسو، ما يقد حتى شي واحد يلعب ليه على عقلو.
و كتجي الحرية من موراها ، منين ما كتبقاش محتاج لشي وحد باش تحس بقيمتك، كتولي حر ، حر فالقرار ديالك، حتى إلا كانت غالط. حر فالوقت ديالك، كدوزو كيفما بغيتي. ما كتسناش تليفون، ما كتخافش من "شنو غيقولو الناس". نتا وليتي القبطان ديال سفينة لي كدقود حياتك.
الناس و الضجيج بحال الباطري ديال التليفون، كيفرغوك بشوية ، الهضرة، المشاكل، المقارنات... كلها كتستنزف طاقة ديالك بلا شعور هنا والوحدة كرجع فحل الشارجور ديالك.
وأصعب حاجة فالوحدة هي فاللول، حيت كتواجه راسك بلا هروب. ولكن منين كتعود عليها، كتولي ما خايفش تخسر الناس. و منين ما كتخافش، كتبان ليك الحقيقة. كتعرف شكون صاحبك بصح و شكون غير مدوز بيك الوقت. كتولي نتا لي كتختار، ماشي هما لي كيفرضو عليك فين دكون وشنو دختار...
فالاخر، لي كيهرب من الوحدة كيولي عبد لرضا ديال الناس، عبد للخوف، عبد للروتين. أما لي عانق الوحدة وفهمها كيولي ملك ديال راسو...
Mohamed -Vision
@

16/06/2026

صفحة Mohamed -Vision تتمنى لكم سنة هجرية سعيدة وكل عام ونحن أمة واحدة.
#فاتح
#محرم

14/06/2026

14/06/2026

الجولة الأولى من دوري المجموعات كأس العالم. #امريكا⚽
#كندا⚽
#المكسيك ⚽
نهاية مباراة المنتخب المغرب نظيره البرازيلي..
تعليقكم على مجريات اللقاء..

13/06/2026

فهد الوقية ولا التيليفون بحال شي عصا سحرية. ملي كتشدو، كتحس براسك وليتي وزير، وطبيب، وفيلسوف، ومحلل سياسي فدقيقة وحدة. المشكل ماشي فالمعلومة اللي كتقرا، المشكل فـ الوهم اللي كيخليك تظن باللي قريتي كتاب وليتي بروفيسور.
#جنون
#العظمة
#العامة
#للجميع
Mohamed -Vision

12/06/2026

المكيافلية هي فكر جبها الفيلسوف الإيطالي نيكولا مكيافيلي فاعصر النهضة من خلال كتاب ديالو المشهور "الأمير". هاد الراجل هضر على السياسة بالطريقة اللي كاينة فالواقع ماشي بالطريقة المثالية لي كتقال فالكتب، قبل منو كانو الفلاسفة كيقولو للحاكم "خاصك تكون عادل ورحيم وتخاف الله". مكيافيلي جا وقال ليهم "هد الهدرة خويا ، السياسة عندها قوانين بوحدها".

الفكرة لي هزات الدنيا عندو هي: "الغاية تبرر الوسيلة". يعني إلا كان الهدف ديالك هو تحافظ على الدولة والسلطة ديالك، فكلشي مباح باش توصلو. تقدر تكذب، تخدع، دير القسوة، ، المهم فالآخر الكرسي ديالك يبقى ثابت والبلاد ما تطيحش. هو ما قالش "كون شرير"، هو غير وصف كيفاش كيحكمو الملوك الناجحين فالحقيقة.

ونصح الأمير باش ما يكونش طيب بزاف حيت الطيبوبة فالسياسة كتخلي الناس يكلوك ، قال ليه خاصك تكون بحال الأسد باش تخوف أعداءك بالقوة، وبحال الثعلب باش تدوز على الماكرين.
فعلاش المكيافلية خطيرة؟ حيت هي أول واحد فصل السياسة على الأخلاق والدين. من بعدو ولات السياسة كتساوي المصلحة والخداع، وهادشي هو الأصل ديال بزاف ديال الأنظمة الإستبداد والديكتاتورية لي كنشفوها.
فالخلاصة، مكيافيلي هي مراية كتورينا وجه السياسة، الرسالة ديالو للملوك كانت واضحة: "إلا بغيتي تحكم مزيان، نسى المثالية وخدم بعقلك".
#مكيافلي
#المكيافلية
#السياسة Mohamed -Vision

11/06/2026

تُعد الديستوبيا أو المدينة الفاسدة النقيض المباشر لليوتوبيا، فهي تصور لمجتمع مستقبلي يبدو من الخارج منظماً ومتقدماً تقنياً، لكنه في جوهره قمعي وخانق للحريات. ويقوم هذا العالم على مجموعة من المميزات أبرزها سيطرة سلطة شمولية مطلقة تراقب الأفراد في أدق تفاصيل حياتهم كما في رواية 1984 لجورج أورويل، حيث يتحول "الأخ الكبير" إلى عين لا تنام. كما تعتمد الديستوبيا على غسل أدمغة المواطنين منذ الصغر وتلقينهم فكرة واحدة ومنعهم من التفكير أو مساءلة التاريخ الذي يُعاد كتابته كل يوم لخدمة مصلحة الحاكم. بالإضافة إلى ذلك، يسود فيها نظام طبقي قاسٍ يحرم الأغلبية من تكافؤ الفرص بينما تنعم قلة قليلة بالرفاهية، وتُسخر التكنولوجيا الحديثة كوسيلة للتجس والسيطرة بدل أن تكون أداة لتسهيل حياة الإنسان.

ولا يكتب الأدباء عن الديستوبيا من أجل التخويف فقط، بل يقدمونها كتحذير مباشر للمجتمعات. فهم يريدون أن يقولوا لنا أن السكوت على أي شكل من أشكال القمع البسيط اليوم قد يؤدي غداً إلى تحول المجتمع كله إلى كابوس. ففي رواية "عالم جديد شجاع" مثلاً، يمنح الحاكم الناس السعادة عن طريق حبوب مخدرة لكنه في المقابل يقتل فيهم المشاعر الحقيقية والإبداع والاختيار. وهكذا تصبح الديستوبيا مرآة نضعها أمام واقعنا لنفهم خطورة التنازل عن الحريات.

وإذا نظرنا إلى واقعنا اليوم نجد أننا لا نعيش في ديستوبيا كاملة، لكن بذورها موجودة من حولنا. فالمراقبة بالكاميرات في كل مكان، وتأثير الإشاعات على الرأي العام، وإدمان وسائل التواصل الاجتماعي التي توجه تفكيرنا، كلها مظاهر تقترب بنا من العالم الكابوسي. وهنا تتضح أهمية أفكار دوركايم حول "الوقائع الاجتماعية" التي تفرض نفسها على الفرد، فالديستوبيا هي النتيجة القصوى عندما تتحول هذه القوانين الاجتماعية إلى سلاسل تقيد الإنسان. الديستوبيا ليست مستقبلاً بعيداً بل هي احتمال قائم إذا غاب الحوار والنقد. فالحرية ليست منحة دائمة بل مسؤولية يجب الدفاع عنها يومياً، لأن الجنة التي تُفرض بالقوة والخوف تتحول في النهاية إلى جهنم لا يطيقها أحد.
Mohamed -Vision
#ديستوبيا
#افاكر
#مختلفة
#للجميع

10/06/2026

#ظاهرة


Mohamed -Vision

08/06/2026

يعيش الإنسان تناقض غريب: يقضي نصف عمرو كيبني واقعو وكيغرس جذورو فيه، والنصف الثاني كيقلب على طرق للهرب منو. و"الهروب" هنا ماشي غير هروب بالرجلين، بل هو بنية سيكولوجية عميقة كتحكم العلاقة ديالنا مع رغباتنا وخيباتنا، ومع الحياة اللي عايشينها مقابل الحياة اللي كنحلمو بيها.

وحسب آدم فيليبس، الهروب هو آلية دفاعية ضد "ثقل الألفة" وضد التوقعات. كنحسو أن مواجهة رغباتنا ولا حتى الفشل فيها كتشكل عبء نفسي لا يُطاق، فكنهربو من التجربة المباشرة ونحتميو فـ "حيوات موازية" خيالية. كنوهمو راسنا أن الغياب عن اللحظة هو اللي غيحمينا من صدمة الاحتكاك بالعالم.

هاد الرغبة كتاخد شكل "الإفلات" Getting away with it، يعني الإفلات من الالتزام ومن مسؤولية الذات. وكتبان واضحة عند الشاعر فيليب لاركن اللي دار من "المكان الآخر" ومن مغادرة البيت وتجنب الحميمية فلسفة كاملة. عقلية لاركن كتقول: الهروب هو شرط البقاء، والتخلي هو الطريقة الوحيدة باش نحسو أننا متحكمين فوسط عالم كيهدد يبلعنا.

وفرويد كيزيد يعمق الفكرة ويقول أن "الكبت" نفسه شكل من أشكال الهروب الداخلي. كنتهربو من رغباتنا اللاواعية حيت مواجهتها كتخلق قلق مميت. ومن هنا كيجي "العُصاب" كملاذ: كنمرضو، كنساو، كنوليو لامبالين، ماشي حيت بغينا، ولكن حيت المرض ولا النسيان هو الهروب الوحيد من صراع أقسى مع الواقع.

ولكن قدام هاد النزوع كيوقف "مبدأ الواقع" ديال فرويد اللي كيطالب الأنا بمواجهة الحقائق وتقبل الإحباط كشرط للنضج. الصحة النفسية عنده هي تفكيك آليات الهروب والاصطدام بالواقع بشجاعة. في المقابل، كيجي وينيكوت ويقول: لا، الهروب ماشي ديما مرض. أحياناً "الذات الحقيقية" خاصها تخبى وراء "ذات زائفة" باش تحمي نواتها الهشة من تطفل العالم. بعض الهروب ضروري، هو المساحة السرية اللي كنرممو فيها أرواحنا.
Mohamed -Vision