24/10/2025
شتي الاغلبية الساحقة لا أعمم طبعا، إن صح التعبير فهاد سكان لي كاينين فالكرة الأرضية كل واحد كايشوف راسوا انه هو ملائكة من ملائكة الرحمان، حسب الاعتقاد ديالو. كايمثل البراءة والرحمة والإجابية. كولشي باغي الأمن والسلام.كولشي تيكره النميمة والحضية والهضرة على اعراض الناس. اذن شكون هاد ولاد الكلاب حشاكم لي مرونين لينا هاد العالم ديالنا. وشكون هوما هاد الأشرار لي منوضين لينا الفتن والحروب. لي فيهم الحضية والحقد والبغض. كولشي كايداعي المثالية..
والخلل فين كاين هوا هذا بحد ذاتو، راه كولشي كايشوف راسو مثالي يعني هادشي سميتو غرور ماشي شي حاجة خرى.
شتي راه كلنا كانديرو شي حاجة خايبة وكانساو نشوفو راسنا. كانشوفو غير لي حدانا. تقدر انت لي كاتقرا هاد البوسط حضاي وماجيب لدنيا خبار وكايحساب ليك من الدرجة الأولى أن هادشي لي كادير زوين وعادي. ولا تكون محساد وكايحساب ليك داكشي عادي.
شتي نقولها ليك راه كل واحد فينا فيه جانب مشرق وجانب مظلم. وجانب إيجابي وجانب سلبي. غير هو خاصنا نركزو بزاف على الجهة لي ضارها باش كولشي اتقاد.
