13/08/2026
Dacia Sandero
---
*الاخوان عاونوني فهاد المشكل ديال الكليم ❄️*
السلام عليكم
عندي مشكل فالكليم ديال الطوموبيل ودوخني
*المشكل هو:*
الكليم خدام مزيان والبرد ناضي منين كنكون واقف ولا غادي بشوية 40km خدام ما يقطعش بمرة يخدم ناضي
ولكن منين كنطلع فالسرعة وكنجري فوق 80 الكليم كيقطع بوحدو وكيولي يخرج السخون.
منين كنقص السرعة ولا نوقف كيرجع يبرد عادي.
*شنو درت حتى دابا:*
1. *بدلت الكمبريسور*
2. *بدلت الكابتور ديال الضغط* اللي كيكون حدا الردياتور
3. *لقيت واحد الكبتور داخل مع الشوفاج دايرين ليه سكوتش وحيدتو* ورجعتو بلاصتو كيف كان فالاصل ديالو
4. *نقيت الردياتور ديال الكليم* من برا ومافيهش الغبرة
درت هادشي كامل والمشكل بقا هو.
اللي داز من نفس التجربة ولا عندو شي فكرة فين ممكن يكون الخلل يفيدنا الله يرحم الوالدين 🙏
---
