أيــة-Abdo

18/09/2025

ﻛﺎﻧﺸﻮﻑ ﺍﻟﺤﻨﺎﻥ ﺩ ﺍﻟﻮﺍﻟﻴﺪﺓ ﺩﻳﺎﻟﻲ ﻭﻛﻴﻔﺎﺵ ﻛﺎﺗﻌﺎﻣﻞ ﻣﻌﺎﻳﺎ .. ﻭﻛﺎﻧﺒﻘﺎ ﻧﻔﻜّْﺮ ﻛﻴﻔﺎﺵ ﻏﺎﺩﻱ ﻧﻌﻴﺶ ﺑﻼ ﺑﻴﻬﺎ .. ﻭﻛﻴﻔﺎﺵ ﻋﺎﻳﺸﻴﻦ ﻫﺎﺩﻭﻙ ﻟﻲ ﻣﺎﺗﻮ ﺍﻷ‌ﻣﻬﺎﺕ ﺩﻳﺎﻟﻢ .. ﺻﺮﺍﺣﺔ ﺍﻻﻣﻨﻴﺔ ﺩﻳﺎﻟﻲ ﺍﻟﻮﺣﻴﺪﺓ ﻓﻬﺎﺩ ﺍﻟﺤﻴﺎﺓ ﻫﻲ ﺍﻧﻨﻲ ﻧﻤﻮﺕ ﺍﻧﺎ ﻗﺒﻞ ﻣﺎﺗﻤﻮﺕ ﺍﻷﻡ ﺩﻳﺎﻟﻲ ﺍﻟﻠﻪ ﻳﺴﻤﺢ ﻟﻨﺎ ﻣﻦ ﺍﻟﻮﺍﻟﻴﺪﻳﻦ .. ﻭﺍﻟﻠﻪ ﻳﺨﻠﻴﻬﻢ ﻟﻨﺎ ولي ﻓﻘﺪﻫﻢ ﺍﻟﻠﻪ ﻳﺮﺣﻤﻬﻢ ﻭﻳﺠﻤﻌﻬﻢ ﺑﻴﻪ ﻓﺎﻟﺠﻨﺔ ان شاء الله يارب .. ♥️👑🙌🏻

17/09/2025

✅

كتكون حزين ومعصب وگاعي وكتقلب غير على شي حاجة دخل عليك شوية ديال البهجة والفرحة وتنسيك ديك الهموم والتفكير اللي دايرين بيك .. شوية كتسمع "الله أكبر" كتمشي توضأ وكتصلي وفالسجود ديالك كتقول ياربي لقد مسني الضر وانت ارحم الراحمين اللهم إني أعوذ بك من الهم والحزن وغلبة الدين وقهر الرجال يارب فرجها عليا وفتح ليا بيبان دالخي .. كتسالي صلاتك وكتشد كتاب الله وكتقرا ماتيسر من القران الكريم وكتخرج من ديك الدوامة ديال الهم والتفكير بواحد إحساس فشكل زوين بزاف وقلبك مرتاح بحالي كونتي غير كتحلم .. الحمدلله على نعمة السجود الذي يزيح الضيق ويزيل الهموم .. 🧡🤲🏻

✍️

12/09/2025

❤️❤️

فاش تقوليك الواليدة ديالك "راه تواحد مغيبغيك قدي" غير تيق بيها والله .. واخا تعيا تقلب على الحب والحنان وتسارى بلدان العالم كاملين 🌏 ماغديش تلقا بحال الحنان والحب د ميمتك تهلا فيها الله يحفظ جميع الأمهات ولي ماتوا الله يرحمهم .. 💔🤲🏻

11/09/2025

على نيتكم ترزقون ☺️❤️

"علاش غير أنا ياربي" استغفر الله العظيم تقريباً الأكترية كيقول هاد الجملة ياك .. 💔😓
فاش كتوقع ليك شي حاجة او كتعكس ليك شي حاجة كتقول علاش غير انا بالضبط اللي كيوقع ليا العكس من دون گاع الناس .. ؟!
- خاصك تعرف بلي ربي كيبغيك حيث ختارك نتا مابين الخلق ديالو باش يبتليك .. عَوض كلمة علاش انا بعلاش لا .. او استعن بالله فهادشي لي كتعيش .. او دير فبالك بلي كل حاجة كدير ربي كيشوفها .. قال تعالى ( "وعلى نياتكم ترزقون" ) يعنى اللي كانت النية ديالك زوينة ربي ماغديش يخيبك شكون قال بلي مع كثرة العمل والدعاء ربي يفرجها عليك اليوم قبل غدا ؟ حتى واحد ما عارف .. ولكن انا عارف ونتا عارف .. بلي ورا هادشي اتولي إنسان آخر ! إنسان متفائل .. إنسان عارف إنسان مسالم .. او الأكثر من هادشي هو أتولي إنسان قوي .. ماشي مشكل انك طيح او تعااود الطيح ! المشكل هو ملي طيح متنودش ماحدك كتفيق كل صباح خاصك تقول الحمدلله ربي عطاك فرصة جديدة باش تبدل المفهوم ديالك وتقول الحمدلله على گاع النعم اللي عطاهم ليك الله ودير فبالك ماحد نيتك زوينة وقلبك بيض كتبغي الخير للغير ما عمرك تخاف من الدنيا غاتوصل لداكشي لي بغيتي بجهد الله .. ❤️

.. 🤍

08/09/2025

كانت العربُ لا تنامُ على ثَأر..😞

07/09/2025

لا تحكي لأحد عن قيامك لليل ..
لا تحكي لأحد عن قراءتك للقرآن ..
لا تحكي لأحد كم تحفظ يوميا من القرآن ..
لا تحكي لأحد عن عباداتك اليومية ..
لا تحكي لأحد كم يوما تصوم تطوعا ..
لا تحكي لأحد عن مقدار ذكرك لله يوميا ..

صدقني لن تقوم بها مرة ثانية 🗝💭

( لا أحد سيفهم كلامي إلا من حدث له الأمر و مر به) 📖💔

06/09/2025

نهار تعزل راسك غادي تفهم بزاف دالحوايج .. 🏠❤️
فاش كاتسكن بوحدك وكاتشري شي ماعن جداد وهاذي مقلة ديال الطياب مكاتلصقش والاخرى ديال البيض وعاد كاتقدر تفرق بيناتهم عاد كاتفهم علاش الواليدة ديالك كاتشد فيك فاش كاتشوفك كاتكرَّط المقلة بالموس ولا بالفرشيطة وتزعف عليك الا طيبت البيض فالمقلى ديال البغرير وفاش عاودتاني كاتسيق ولا كاتخمل الدار وكاتحس بديك الراحة من بعد وهي نقية عاد كاتفهم الواليدة ديالك علاش كاتزعف عليك فاش كتدخل للدار بسبرديلتك موسخة بالغيس حتال لݣاع الدار وفاش كاتمشي تتقذى وتولي تفهم انك تفرق مابين القصبر والمعدنوس وتتشطر فاثمنة الخضر وطيب طيابك لراسك ماتبقاش تنكل غي على الواليدة ديالك وتعرف تصبن حوايجك وتفرق مابين الحوايج لي يكشافوا بجاڤيل والحوايج لي مايكشافوش هاذشي طبعا الرجال لي كايردوا البال لهادشي وكايعجبهم النقا والمسؤولية فراه تسكن بوحدك غادي تبقى تجربة واعرة لأي واحد خاص يفوت منها وتحياتي الخالصة لجميع الزوافرية وينما كانوا .. ❤️

05/09/2025

من وجهة نظري حنا اكثر جيل مضغوط نفسياً و جسدياً .. 💔😓
ما كاينش شي جيل دازت عليه ظروف بحال هادي ديال دابا .. ظروف هاد الجيل ديال التسعينات والعشرينيات صعيبة بزااف .. التفكير ف المستقبل صعيب .. الخدمة صعيبة .. تخرج برا البلاد و تسافر صعيب .. دير مشروع تعيش منوا و يصدق ليك صعيب ..العيشة صعابت .. و التفكير بحد ذاتو ولا صعيب و مرهق .. ولينا اموات واخا حنا أحياء .. زيد عليها كل واحد گالس بوحدوا كل واحد كيلغي بلغاه .. ولينا عايشين غير فالهم و الحزن والمشاكل مابقات لا صلة الرحم ولا والوا .. ماكين شد فيا نشد فيك قطع عليا نقطع عليك .. ولينا كنجمعوا حتى نهار كيموت شي واحد .. عايشين في روتين قاتل .. هزينا هم الدنيا وحنا مزال صغار .. تخلينا على ديك الأجواء العائلية .. وتبعنا هاد العالم الإفتراضي اللي طريق ديالوا كولها شوك .. ولكن باش نكونوا واضحين وصاريحين مع بعضياتنا السبب الرئيسي فهاد الشي هوا أبتعدنا عن الله مابقاش عدنا السلاح باش نوجهوا صعوبات الحياة ولا الريح اللي جا كيدينا حتى لقينا راسنا تالفين بدون هوية الله يدير شي تاويل دالخير وسلام ربي كبير الحمدلله .. 💔🤲🏻

🖤.. 🤍✍🏻

04/09/2025

هاذي الواليدة ديالي مسكينة .. 💔 كنت خارج جيت معطل لدار دخلت مع هاد البرد لقيت الواليدة متكية فبلاصتها.. مع الدخلة سولتني واش فيك جوع أولادي..؟ قولت ليها لا لا شبعان الحمدلله اميمتي الله يحفظك ليا .. قالت ليا لا والوا غادي نسگي ليك الرزيزة بالحليب حيث كتعجبني وقالت جات غزالة ضروري تكل منها شوية .. قولت ليها واخا اميمتي انا غادي ندخل لكوزينة نسخن الحليب غير رتاحلي ليا مع راسك .. قالت ليا لا والوا انا غادي نوض گعما بغات حيث شافتني شاد التليفون فيدي داخل لباج كنكتب ليكم واحد بوسط كما العادة وبالي مشغول.. قالت ليا غير رتاح أولادي كمل على العمل ديالك ماحدك كتبغي الخير للغير ما عمرك تخاف من الدنيا شنوا مخبيالك قول الحمدلله حيث مزال عندك ميمتك في الدنيا مايخصك حتى خير .. صراحة الدموع تغرغروا ليا فعيني ﻛﺎﻧﺸﻮﻑ ﺍﻟﺤﻨﺎﻥ ﺩ ﺍﻟﻮﺍﻟﻴﺪﺓ ﺩﻳﺎﻟﻲ ﻭﻛﻴﻔﺎﺵ ﻛﺎﺗﻌﺎﻣﻞ ﻣﻌﺎﻳﺎ .. ﻭﻛﺎﻧﺒﻘﺎ ﻧﻔﻜﺮ ﻛﻴﻔﺎﺵ ﻏﺎﺩﻱ ﻧﻌﻴﺶ ﺑﻼ ﺑﻴﻬﺎ .. ﻭﻛﻴﻔﺎﺵ ﻋﺎﻳﺸﻴﻦ ﻫﺎﺩﻭﻙ ﻟﻲ ﻣﺎﺗﻮ ﺍﻷ‌ﻣﻬﺎﺕ ﺩﻳﺎﻟﻢ .. ﺻﺮﺍﺣﺔ شعور صعيب بزاف والله العظيم ﺍﻟﻠﻪ ﻳﺴﻤﺢ ﻟﻨﺎ ﻣﻦ ﺍﻟﻮﺍﻟﻴﺪﻳﻦ .. ﻭﺍﻟﻠﻪ ﻳﺨﻠﻴﻬﻢ ﻟﻨﺎ ولي ﻓﻘﺪﻫﻢ ﺍﻟﻠﻪ ﻳﺮﺣﻤﻬﻢ ﻭﻳﺠﻤﻌﻬﻢ بيه ﻓﺎﻟﺠﻨﺔ ان شاء الله يارب .. ❤️🤲🏻

#الأم .. 🖤✍🏻

03/09/2025

عارنا اثقل من ان تحمل 😞

03/09/2025

700 يوم من الح،رب
700 يوم من الألم
700 يوم من الخذلان
😞😞

03/09/2025

خوتنا
راه كيموتو
مساكن كل نهار بالجوع
😢😢😢😢😢😢😢