Med kamal lbacha

30/06/2025

🔴 أنا هي البنت الكبيرة في دار عندي خويا مي صغير بزاااف انا كنت كنقرا في ثانوية اول عام ليا فيها تعرفت على واحد لولد مكانش كي قرا غير كيجي تما دوزت معاه عامين من صارحة انا كنت باغاه او هوا كان ناويني لحلال حتا واحد نهار كنت مخاصمة مع دار بسبب شي مشاكيل او مشيت عندو لدار صاحبو صاحبو مكانش كنت غير انا وياااه أو معلينا طرا لي طرا مي أنا باقا بنت فهمتيني مي هو عندو تصاور ديالي انا وياه و دبا تفارقت معاه مي انا لي بغيت معرفتش علاش مبقيتش حاملاه حيت كي دير شي فعايل خايبين دبا هاد شي داز عليه عام او هو واخا مفارقين حاضيني منتصاحب منتخطب موالو او تصاوري انا وياه عندو دبا جا واحد دري خطبني او صارحة بغيتو إلى سهل الله ، مي واش نقول ليه الحقيقة كاملا انا دبا خفت غير تصاور اجي اوريهم ليه او لدارنا مع العلم الدري لي جا خطبني كيسكن غير حدانا او هوا كي عرف دارنا او بلا متحكمو عليا ..

#رسائلكــــــــم

29/06/2025

البنات أنا متزوجة هادي شهرين ، هاد سميانة مشينا دوزنا نهار زوين أنا وراجلي عند دارنا، جلسنا شوية مع بابا وماما وخوتي. منين جا الوقت باش نمشيو راجلي قالي يلاه نرجعو لدارنا عندي الخدمة غدا ، بابا قال ليه خلي البنت تبات عندنا
راجلي قالو لا خاصها ترجع معايا، وبابا رفض وقالو ما غاديش تخرج.
راجلي مشى وصيفط ليا ميساج قالي عندك جوج سوايع تكوني فدار إلى ما جيتيش ما تحلميش دخلي ليها مرة اخرى
أنا بقا فيا الحال وقلت ليه تفاهم مع بابا وبقيت فدارنا.
فجأة لقيتو دفع عليا دعوى طلاق ، ما فهمتش علاش دار هكا، علاش قاسح معايا بهاد الطريقة، واش أنا اللي غلطانة ولا بابا ولا هو؟؟ بغيت غير تفهموني وتعطوني الرأي ديالكم بصراحة… شنو تديرو فبلاصتي؟ وشكون اللي فعلا غلطان؟ عفاكم قولولي اش ندير ؟

#رسائلكــــــــم #مشكلتي #الزواج

28/06/2025

🔴 دابا دازت 3 سنين على النهار اللي تزوجات فيه صاحبتي لي بحال ختي وأنا كنت ديما معاها خطوة بخطوة من نهار خطبوها حتى نهار العرس، كلشي وجدت معاها الحوايج، التحضيرات، كلشي درتو من قلبي، شي مرات كان راجلها حاضر معانا، وشي مرات كتقولي سيري عندو باش نجيب شي حوايج وبالصدفة كرا دار قريبة ليا، حيث هي خدامة وأنا لا، وليت كنمشي عندها نعاونها فدارها نطيب، نغسل، ندير كلشي حتى يجي راجلها من الخدمة ونمشي فحالي.
شوية بشوية حسيت رقلبي بدا كيضرب من جيهتو، ومن تصرفاتو حسيت حتى هو عجبو الحال. ما بغيتش نتسرع حتى جا النهار اللي كنت كنتمناه، عيط لي وقال لي بغى يشوفني مشيت عندو وصدمني، قال لي باللي عجبتو كيشوفني زوينة، طبيعية، ماكلتي بنينة، ومرتو ما بقاتش كتعجبو كتخرج بزاف ما مهلياش فيه وهو ولى كاره. وقال لي غير قولي اه، والله حتى يطلقها ويجي يخطبني.
دبا أنا محتارة من جهة صاحبتي اللي عشرة عمر، ومن جهة هو اللي قلبي مال ليه وليت كانبغيه بزااف شنو ندير؟ جاوبوني بلا تجريح، راه القلب ماكيشاورش.

#رسائلكــــــــم #استشارة

27/06/2025

20/06/2025

🔴 سلام عليكم بغيت نستاشر الناس اللي متزوجين ، الزوج ديالي فيه واحد الطبيعة مرة تيكون مزيان فجأة كيتغير ويهاجر الفر.اش الزوجي علما انني معاملتي مكتغيرش، يتكلم معاي تايكل كلشي عادي الا الفراش هادا تيخلي بزاف الخصومات متتاليه حتى نقولو انا رجع بلاصتك وهكدا تبقى الحياة في دوامة مدة تمانية سنوات (اكتشفت الاب ديالو والاخوه ديالو كيعاملو زوجاتهم بنفس الطريقة)، المهم مؤخرا انا ولدت ما سلم عليا ما عنقني ما والو دابا هادي مدة ثمانية اشهر (مقلتش ليه رجع المكان ديالك) بقا فيا الحال بزاف وانا في بلد الغربة لا ام ولا عائله ياربي نلقا شي حل وشي حد يفهمني

#رسائلكــــــــم

16/05/2025

🔴 السلام عليكم ورحمة الله وبركاته، أنا شاب مغربي عندي 27 سنة، تعرفت على امرأة مطلقة عندها 30 سنة وولد صغير، ودازت بيناتنا علاقة حب قوية. لكن العائق الكبير هو أن عائلتي ما غاديش يوافقو على هاد الزواج بسبب وضعها.
للأسف، وقع بيناتنا خطأ وكانت علاقة غير شرعـ.ية، ونتج عنها حمل، ولكن الجنين توفى. دابا أنا نادم بزاف على هاد الطريق، وبغيت نصلح الوضع ونتوب لله عز وجل، ونتزوج بها في الحلال، ولكن بدون علم عائلتي سؤالي: واش هاد الزواج يجوز من الناحية الشرعية؟ وشنو تنصحوني ندير؟
بغيت نسمع آراء الناس اللي عندهم تجربة فالحياة، ونصائح من القلب.

الله يجازيكم بخير.

13/05/2025

🔴 البارح فالليل، جا راجلي وكان باين عليه معصب شوية فتحت ليه الباب، حطيت ليه العشاء وخليتو ياكل، وأنا دخلت لبيتي باش نرتاح شوية. منين سالى، مشيت جمعت الطبلة ومشيت تكيت فبلاصتي.
جا حتى هو وبغا يهضر، وأنا سولتو واش كلشي مزيان، ولكن كان كيهدر معايا كانت هدرتو ثقيلة. ما جاوبتوش سكت و نعست..
شوية بدا كيهضر قال ليا نلبس شي حاجة، ندير الماكياج، وبدا كيقول كنشري لك حوايج و ماكياج ونتي غير حاطاهم ديكور ، وقال بلي أنا غير فدار ومرتاحة، بينما هو خدام، وبأنني كنبان عيانة كتر منو، وزاد وقال شحال خايبة من مرأة لي راجلها يرجع وما يلقاهاش قدامو ولا حتى تنعس حداه.
هضرتو جرحاتني بزاف، وما لقيتش ما نقول، مشيت سكت ومشيت ننعس فبيت آخر. فالصبح، ما هضرتش معاه وما خرجتش من البيت، وهو مشى لخدمتو وأنا بقى فيا الحال ومازال متأثرة بكلامو.