12/05/2025
خوووتي لي كيعشقو ايام نينتندو الجميلة ديال نينتندو قبل ماتولي مول الشكارة 😴
شكون عاقل على Chrono Trigger؟!!
هادي لعبة جوهرة لعبناها فصغرنا على Super Nintendo، إييه داك الكونصول الرمادي لباقي عاقل على ريحتو المتميزة لليوم فهمنا انها الريحة ديال صناعة الالكترونيك ديال اليابان في زمانه
وخا مكانش عندي مع انواع jrpg هادي صبرت عليها شوية بسبب عمق القصة و تنوع طريقة اللعب لتقدر تلعبها action لبغيتي تصعب اللعبة، و انا كنت لعبت معطل في اللعبة حيت كنت سيغاوي قح 😅 ولاكن كرونو، مارلي، لوكا، و فروك و الموسيقى لي باقا كتدور فودني دابا عمري نساهم ، القصة لي كتخليك تبكي وتضحك، وبالخصوص السفر عبر الزمن لي كان خربق ليا عقلي ديك الساعة 😁 لحظات متعة غايمين لا تعوض.
وإلا ما لعبتهاش من قبل… راه خاصك تعيش هاد التجربة، راه تحفة فنية ديال بصح!!
بالنسبة للكونصول هادي راه r36h اصدار جديد من الكونصول الشعبية في المغرب r36s، دابا شوف شي وقت دير ليها تيست و اينبوكسين.
#نوستالجيا
