03/10/2025
خطبها و رفضاتو حيت فقير ودار المستحيل باش ادير الفلوس و مشى حتى الامارات فاش دار لباس تزوجات بيه و قتلاتو هي و العشيق ديالها
شن هي قصتهم ؟؟؟؟؟؟؟
فالنواحي ديال مدينة مكناس كان عايش واحد السيد هو و مراتو ووليداتو كانو عندو ستة ديال الوليدات وكان انسان بسيط بزاف على قد الحال للاسف مراتو اللولة مات هادشي لخلاه يتزوج مرة خرى باش تعاونو فهادوك الوليدات وكان كيخدم عند واحد السيد ميسور لباس عليه فالفريمة ديالو كيقابل ليه الكسيبة و الحرث و يقابل الفيرمة المهم السيد كبر فالعمر و لا يجيب معاه ولدو الكبير باش اعاونو للاسف مقراش ولادو ربما حيت كان فقير معندوش ربما بالجهل هاد ولدو كان كيخرج الكسيبة ديال هاد مول الفيرمة ترعى و تسرح فالاملاك ديال مول الفيرمة طبعا وكان كيدوز كل يوم حدا واحد الدار كتكون قدامها واحد البنت هو كيعرفها حيت دائما البادية كيكونو العائلات شي كيعرف شي وكان كيبقا يتمازح معاها ولعب معاها حيت حتى هو كان باقي فسن صغير المهم الولد كبر وكبر هداك الاعجاب بهاد البنت و كان بعد المرات كيقول ليها نكبر نتزوج بيك وهي كيطلع ليها الدم و تبقا تعايرو حتى ولاو شبان والولد فعلا كيبغي هاد البنت حتى عيا مشا قالها الوليد ديالو وحتى الوليد ديالو دار فيه قالو اشمن زواج ونت معندك خدمة وحنا على قد الحال المهم فالتالي دارلو خاطرو مشى خطبها ولكن هي رفضاتو وعائلتها رفضوا و مها تغوت اش بغا عندها ابعد منها بقا صغيرة صافي سدو هاد الموضوع من بعد مدة مول الفيرمة قرر يبيع الملكات ديالو حيت ولادو عايشين برا وهو مراتو بوحدهم وهو عيا جمع الخدامة لي عندو وقال ليهم القرار ديالو وواعدهم بلي مغيضيعهمش فعلا عطاهم مبلغ مالي وولد السارح لكان عندو قالو نت غندخلك العسكر فرح بزاف وفعلا ووفى بالوعود ديالو و دخل الولد العسكر و مشى كيخدم عادي وجي يطل على عائلتو حتى الواحد نهار جات بعثة باش شي عسكر غيمشيو للامارات وكان هو واحد منهم مشا الامارات وكان كيجي يشوف عائلتو و زور حتى عائلة هاديك البنت عام على عام دار لباس ولا برزقو و بخير عليه رجع تاني طلب من والديه امشي يخطبها فعلا مشا عوتاني رفضاتو ولكن عائلتها هاد المرة و قفو ضدها قالو ليها مالو برزقو خدام و باغيك و هادي المرة الثانية باش جا يخطبك يكما دايرا شي فضيحة يكما كدا المهم فالاخير تزوج بيها تزوجو ولا كيمشي الامارات و جي ولدات ليه ولد وبنت حتى بنا واحد الدار ثلاثة طبقات فيها الكراجات التحت والديور الفوق المهم الكراجات واحد كراها الواحد السيد دار فيه بيسري مواد غذائية و الكراج الثاني كراه الواحد الخياط صافي السيد كيمشي كيسيفط ليها المصروف ديالها مع الوقت مراتو ولات فعلاقة مع الخياط ولا كيطلع عندها ولات تصايب ليه اتاي و تهبطو ليه المهم دخلو فالفساد و الحرام حتى الواحد نهار جا هو من الامارات بحال إلى شي حد بركك براتو و دخل ليه الشك فيها جا قالها هاد الخياط انا غنخرجو منهنا وعلاش كيدي الولد الروض علاش تخليه وعلاش تخليه يطلع البوطة المهم السيدة غبقات على راجلها بالكلام لا الناس غير كتهضر والسيد غير كيبغي يدير الخير وجيب لينا تقدية وحدو الباب المهم بقات عليه حتى بقا كيقول ربما الناس كتزيد فيه وصافي صافي بقاو على هاد الحال واش هو عاقةبيها ودار عين ميكة حيت كيبغيها واش هو غير نية دغيا كيتيق الله اعلم دازت عشر سنوات وهو فالامارات صافي دار رزقو قرر يدخل المغرب السيدة فاش قلها ليها تصدمات و تزيرات فعلا رجع ولا خدام فمكناس فاش كيسالي كيمشي الدارو وهو كان باني فنواحي مكناس وكانت كتستغل هديك الخائنة الغياب ديالو و كتكلس مع الخياط و تقصر معاه كمل العامات ديالو فالخدمة صافي شد تقاعد كانت عندو 45عام مراتو صافي كملات حيت غتسد عليها الطريق بمرة بقا لآخر الخياط كيهددها انا غنمشي انا غنخوي من هنا غنسمحلك فكولشي بقات كتقولو حقا نهربو انا وياك ... حتى تفقو فالاخير اصفوها ليه وحيدوه وعيشو بجوج عادي و تزوجو
واحد الليلة كان الراجل مسكين لفدار غافلون ناعس مبيه معليه حتى جات كتفيقو نوض رآه الضو طفل معرفت مالو غتخسر ليا الخضر غيخسر ليا اللحم نوضاتو مسكين داايخ بالنعاس هو جا هابط فالدروج يلاه هبط وهو ينقز عليه الخياط فوق منو وطيحو الأرض و قجو بسلك حتى مات لبسو ليه حوايجو عادي و خرجوه رماوه فجنب الطريق بحال إلى شي حد سرقو ولا ضربو بليل بقا هكاك مسكين مرمي ميت حتى طلعات الشمش شوية كانو جايين واحد البنات كيتمشاو مع صباح و كانت من بينهم ختو شافو شي حد من بعيد مرمي مشاو كيجريو اشوف شكون لقاتو خوها بقات تغوت علمو البوليس علمو عائلتو تجمعو الناس فلان لقاوه مقتول احسن عوان مراتو وحاملة مسكينة حيت هديك الوقيتة كانت حاملة مشا شي من عائلتو علم مراتو دارت رأسها مصدومة جات بشوية عليها حيت مستقلة و حاملة واحد البوليسي حيت شافها هكاك متقلة خاف عليها جا كيجري عندها قالها غير رجعي رتاخي متخافيش رآه مماتش هو على نيتو خاف توقع ليها شي حجا معارفش بلي هي المجرمة اوا السيدة رجعات كتجري سحاب ليها كلام البوليسي بصح دقات على الخياط قالت ليه السيد رآه مماتش الخياط تلف جمع حوايجو و هرب ولكن واحد من البوليس تبعها وشاف كولشي و دخلو الشك و مشا بلغهم جابوها حققو معاها عتارفات بكولشي و مشاو جابو حتى الخياط وخا هرب المدينتو كان هو تطواني جابوه و تشدات هي وياه ضيعات رأسها ضيعات ولادها و دارت جوج كبااائر والعياذ بالله الزنا و القتل
مفهمتش كفاش بنادم كيفكر واش كيكون معمي الهاد الدرجة
قضايا بزاف و ملفات بزاف لي كيعجبوه الملفات البوليسية واقعية يدير متابعة مزال بزاف قضايا صادمة
