Psychologue - Rhizlane Benabbou

Psychologue - Rhizlane Benabbou Lalla Madame🌺
Femme psy…et le cancer fait partie de mon histoire🎀
Santé mentale, résilience & vie du quotidien.
📍Séances sur RDV 06 60 51 46 26

25/09/2026

نهار باين زوين إن شاء الله….كتشرب قهيوة و قدامك حضانة : سمعتو "ب، ت، ع…" ديال طلبة العلم الصغار؟😁
جمعة مباركة🌺


21/09/2026

بغيتي أمورك تتبدل؟
عقلي على 2 حوايج :
👈 التغيير كيجي من الداخل،
👈 الأهداف و التقييم هما اللي كيساعدوك تعرفي واش كاين تحسُّن🌺

أنا يمكن كنستعمل بزاف الذكاء الاصطناعي، ما عمر هضرت معه على شي حاجة شخصية (العلاقات، العائلة، أذواقي، قنعاتي، أشنو كيعجب...
20/09/2026

أنا يمكن كنستعمل بزاف الذكاء الاصطناعي، ما عمر هضرت معه على شي حاجة شخصية (العلاقات، العائلة، أذواقي، قنعاتي، أشنو كيعجبني…)، أو على الأقل هادشي اللي كنعتقد😁، و لاحظت أنني ما كنتحتتش معه (يعني ما نجمعش معه)، كنخدمو أساسا على قبل خدمتي و مجالي، و مرضي، أو باش يشرح لي شي حاجة في مجالات مختلفة (السياسة، الاقتصاد، الفلسفة…)

هادي ثاني مرة كنلعب و كنجرب شي حاجة مع ChatGPT في les tendances اللي كيكونو : هنا طلبت منه يلون هاد la boîte vide، و يعمرها بشي حوايج كيعجبوني😇، و صراحة تفاجئت من النتيجة!

وخا هو "اصطناعي"، و لكن راه بحال في العلاقات الإنسانية، غالبا الناس كيشوفونا و يقدرو يوصفونا بواصفات مختلفة على كفاش حنا كنتخايلو راسنا و كنتخايلوهم كيشوفونا.

فاش كتستعملو AI؟ و واش سبق لكم جربتو بحال هاد "اللعب" (اللي عنده علاقة بشخصكم ماشي بحال صور الثمانينات😁) مع AI اللي كتخدمو بزاف؟



20/09/2026

GMT
و أخيرا رجعنا كائنات عايشة في تناغم مع بيئتها❤️

علاش مزيان تبداي العلاج النفسي؟👈 باش تسمِّي (تعطي كلمات) داكشي اللي ضارك و مقصحك.👈 تفرقي ما بين شكون أنتِ، و كفاش الآخري...
19/09/2026

علاش مزيان تبداي العلاج النفسي؟

👈 باش تسمِّي (تعطي كلمات) داكشي اللي ضارك و مقصحك.

👈 تفرقي ما بين شكون أنتِ، و كفاش الآخرين بغاوك تكوني.

👈 تفهمي علاش شي مرات، كتعاودي ترجعي لداكشي اللي ضرك من قبل.

👈 تتعلمي تفرقي ما بين أشنو كتحسي، و أشنو كتظني أنك خاصك تحسي به.

👈 تعرفي تحطي حدود بلا ما تبقاي كل مرة تحسي بتأنيب الضمير.

👈 تفهمي ردود أفعالك، باش ما تكونيش غير كتعيشيهم و كتتحمليهم.

👈 تتصالحي مع ذاتك (مع أجزاء منك)، كنت كتضيعي وقتك و أنتِ كتحاربهم.

👈 ما تكونيش غير كتعاودي في نفس أنماط التفكير،و أنتِ ما فهماش علاش كيتعاودو.

👈 ما تبقايش كتهزي الحمل غير بوحدك : المسؤوليات، الأسرار، الصراعات…

👈 ما تخليش جروح قديمة هي اللي تقرر و تختار لك علاقاتك🌺

Photo : The Moroccans World



اللي منع الناس يوكلو الحيوانات في الزنقة، الله ياخذ فيه الحق! تسبب لعباد الله في أزمة أخلاقية و نفسية، و هما ما ناقصهمش!...
19/09/2026

اللي منع الناس يوكلو الحيوانات في الزنقة، الله ياخذ فيه الحق! تسبب لعباد الله في أزمة أخلاقية و نفسية، و هما ما ناقصهمش!!!😡😡

Photo : You Can Save Me
(هادو شباب في أگادير، كيديرو خدمة زوينة بزاف مع الحيوانات، تقدرو تعاونوهم)

Et oui mon ami/e! 🌺
18/09/2026

Et oui mon ami/e! 🌺


17/09/2026

"ثم تكتشف أنك رائع
في بيئة أخرى"🌺

المرض كيخلينا نواجهو ضعفنا و هشاشتنا.و هو المرض كذلك تجربة مهمة، كناخذو منها دروس، و كتعلمنا : 👈 نتقبلو حدودنا، و بأن جس...
16/09/2026

المرض كيخلينا نواجهو ضعفنا و هشاشتنا.

و هو المرض كذلك تجربة مهمة، كناخذو منها دروس، و كتعلمنا :

👈 نتقبلو حدودنا، و بأن جسمنا ما يمكنش يبقى دائما واقف، و في الواقع، ماشي حنا اللي كنتحكمو فيه 100%.

👈 نحبسو، نوقفو، نقصو من الوتيرة باش غاديين. و كنفهمو بأن "التوقف" ماشي "فشل"، هو راحة، إعادة الحسابات، و ترتيب الأولويات….ménage في حياتنا.

👈 نتقبلو المساعدة، حيت ماشي ضعف، بالعكس، هي قوة، و بحال اللي موالفين نعطيو، كنقدرو ناخدو.

👈 ما نبقاوش نقَلبو على "السيطرة"، عادي ما يكونش كلشي بين يدينا.

👈 نسمعو للجسم ديالنا : جسمنا دائما كيهضر معنا و كيصيفط علامات اللي بزاف منا ما كينتبهش لهم بكري أو قبل "الانهيار".

👈 بزاف ديال الحوايج و الناس، فجأة، ما كتبقاش عندهم أهمية👀

👈 القوة ما كتعنيش ما عمرنا نخافو، و لا نبكيو، و لا نحتاجو للناس.

👈 نكونو حنان و doux مع راسنا، plus de bienveillance🩷

👈 النهار "العادي" كيولي نهار زوين😍، و عنده قيمة.

👈 قوتنا كتتبدل، كتاخد شكل آخر : القوة ما كتبقاش دائما في المحاربة و المواجهة، كترجع في الصبر، في التأقلم، في القدرة باش نعاودو نبداو من جديد.

👈 ضعفنا كيعلمنا نشوفو و نحسو أكثر بمعاناة الناس.

👈 يمكن أصعب حاجة كيقدر يعلمها لنا المرض هي : نعاودو نفكرو في هويتنا : "شكون أنا؟"، خصوصا فاش كيكون المرض خلا آثار باينة في جسمنا و في حياتنا.

🎀 مع التقبل، المرض كيقدر يعلمنا أن قيمتنا ما كتنقصش فاش قُدراتنا كتنقص🎀

نهاركم زوين، تهلاو في الصحيحة🌺



Address

Casablanca

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+212660514626

Website

Alerts

Be the first to know and let us send you an email when Psychologue - Rhizlane Benabbou posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Psychologue - Rhizlane Benabbou:

Shortcuts

Share

Category