محتوى

محتوى ☚ متــابعــة ليصلــك كل جديــد ☛

☚ فـيديـهـات متنوعــة 🎥
☚ اخــبـار حـصــريـة 🖨
☚ نصـائـح و توجيـهات ➶
(6)

03/12/2025

✍️ الملصقات الادارية في مرحلة التعليم الاولي ✅️👨‍🏫

#التعليم #الاولي #المغرب #الشفوي

✍️ ايلا كان فرزقك مقعد بين هذه المقاعد ..حتى واحد مغايحيدو لك ... لا انتقاء ولا اختبار كتابي ولا شفوي ...توكل على الله و...
02/12/2025

✍️ ايلا كان فرزقك مقعد بين هذه المقاعد ..حتى واحد مغايحيدو لك ... لا انتقاء ولا اختبار كتابي ولا شفوي ...توكل على الله وخدم مزيان 🤲👨‍🏫

بالتوفيق للجميع 👨‍🏫

#مبارة #التعليم #تسقيف #السن #المغرب #الديداكتيك #علوم #التربية

✍️ التجربة رقم 5 : شفوي مباراة التعليم ✅️تجربتي نهار الشفوي بحكم أنني ولد مدينة فاس عطاوليا الشفوي ف مدينة صفرو كان عندي...
01/12/2025

✍️ التجربة رقم 5 : شفوي مباراة التعليم ✅️

تجربتي نهار الشفوي بحكم أنني ولد مدينة فاس عطاوليا الشفوي ف مدينة صفرو كان عندي مع 6 ديال العشية وكان شويا ديال الشتا وظلام دغيا كايطيح مهم وصلتني نوبة مع 8 د لعشية ناداو بسميتي طلعت عندهم مهم قبل ماندخل دعيت شويا لله سبحانه وتعالى وزولت الخلعة وتقت فراسي ودخلت. دخلت لقيتهم كاياكلو قلت السلام و بصحتكم ردو عليا السلام وقالو اجي تشارك الطعام قلت مرحبا وشاركت طعام فهاذيك لحضة لكنت معاهم كنت انا لي كانسولهم كيف دايرين كيف راكم مع البرد والشتاء... منبعد گلست ف بلاصتي امامهم. كانو 3 مفتشين و مفتشة قالتليا قدم لينا راسك بالفرنسية قدمتو فش كنت كانقدم راسي دويت علا جوج حوايج ساعدوني اولا قلتلهم بلي كانتقن اللغة الألمانية تاني حاجة عندي شهادة ف المعلوميات informatique منبعد قالي ختار نص من نصوص لي حداك وقراه كانو بالفرنسية قريتهم سولاتني علاياش كايدوي بالعربية جاوبتهم منبعد قالي علاياش كايدوي ولكن بالفرنسية منبعد سولوني علاياش كايدوي نص وشكون الكاتب وشمن مستوى يقد يكون هاذ نص.. منبعد قالي واحد فيهم بحكم انك حاصل علا شهادة الاجازة شعبة البيولوجي شنو هما المواد لي ماتبغيش نسولك فيهم بزاف قولتو العربية. منبعد قالي نوض للسبورة وبداو كايفتيو عليا شي جمل بالفرنسية وانا نكتبهم وشي أرقام بحال 578 واكتبها بالفرنسية منبعد قالي كيفاش كاتقسم السبورة انا كنت اول حاجة درتها كتبت تاريخ وقسمت سبورة قبل مايطلبوها مني منبعد دزنا للرياضيات قالي غاتجاوب ف جدول التحويلات ونرسمو انا منبعد دزنا للعربية نكتب فقط واحد الجمل بش يشوفو الخط ديالي كيف داير و فالجملة كان كايركز علا *إلا* و *إلى* فوقاش نكتبها ف الجملة منبعد طلبو مني نجلس و سولوني ف علوم الحياة والأرض اي نشاط العلمي قالولي عطي لينا دورة علا كل واحد وعلياش كايتغدا منبعد سولني شي أسئلة ف التخصص ديالي بحال *دورة كريبس* منبعد قالي شنو الاضافات لي تقد تزيد لينا ف المؤسسة مع العلم انك حاصل علا شهادة ف المعلوميات
ف المعلوميات ماسولوني حتا سؤال حيت قلتلهم بلي حاصل هلا شهادة
فالخير قالولي شكرا لك وكانتماو ليك توفيق.

ملاحظة وهي أنك خاصك توزع النظرات ديالك عليهم كاملين و السبورة تعطيهم بالجنب ماشي بالظهر والابتسامة ضروري واخ يقولكم شي هضرة لي تقد تجرحك بحال انت ماشي وجهك وجه التعليم.... الخ

وبالتوفيق 🙏🏻

30/11/2025

✍️ المهارات الاساسية في مرحلة التعليم الاولي 👨‍🏫🥼

✍️ التجربة رقم 4 : شفوي مباراة التعليم ✅️السلام عليكممعك خالد. م استاذ التعليم الابتدائي تخصص مزدوج فوج 2021 جهة خنيفرة ...
30/11/2025

✍️ التجربة رقم 4 : شفوي مباراة التعليم ✅️

السلام عليكم

معك خالد. م استاذ التعليم الابتدائي تخصص مزدوج فوج 2021 جهة خنيفرة بني ملال.......
اود مشاركة تجربتي في الاختبار الشفوي اولا بعد اعلان النتائج النهائية للامتحان الكتابي وجدت اسمي ضمن الناجحين لله الحمد . صبيحة الثلاثاء حيث كنت على موعد مع الاختبار الشفوي. توجهنا نحن ومجموعة من الاساتذة الى قاعة تضم المترشحين بعد، بضع دقائق دخلت علينا لجنة الاختبار الشفوي حيث عملنا القسمة( القرعة) بعد الفرز جاء من نصيبي اللجنة رقم 3 بعد لحظات توجهت الى القاعة وبعد لحظات أذن لي بالدخول ...اللجنة تتكون من اربعة اساتذة استاذ في اللغة العربية واستاذ في اللغة الفرنسية. واستاذ في علوم التربية واستاذ في الرياضيات . طلبوا مني التقديم باللغة العربية وبعدها باللغة الفرنسية بعد ذلك طلبوا من اعراب بعض الكلمات كانت موجودة في السبورة وبعد طلب مني استاذ اللغة الفرنسية قراءة النص باللغة الفرنسية واستخراج بعض الافعال مع تحديد زمن تصريفها والفكرة العامة للنص وبعض المرادفات وطلب مني استاذ الرياضيات تحديد محيط المثلث ومساحته وماهي احزاء المتر ومضاعفته وبعدها طلب مني استاذ اللغة الفرنسية انجاز جذاذة لمكون conjugaison شفويا وطلب مني استاذ علوم التربية بعض البيداغوجيات التي يمكن استعمالها في المستوى الاول ربما نسيت بعض الامور ولكن انا تطرقت الى ماهو اهم
هكذا كانت المقابلة الشفوية

✍️ التجربة رقم 3 : شفوي مباراة التعليم ✅️بعد الدخول والتحية، وتقديم النفس، بدأت الأسئلة تتقاطر من كل ناحية حول بحث الإج...
30/11/2025

✍️ التجربة رقم 3 : شفوي مباراة التعليم ✅️

بعد الدخول والتحية، وتقديم النفس، بدأت الأسئلة تتقاطر من كل ناحية حول بحث الإجازة بتفاصيله الصغيرة والكبيرة، وبحكم تخصص اللسانيات، واجهت كم هائل من الأسئلة التي لها علاقة بهذا المجال وعن رائده السويسري دي سوسير، مرورا بالصوتيات، والصواتة، ثم المدارس اللسانية، البنيوية والوظيفية، فالسلوكية، ثم أخيرا التوليدية مع نعوم تشومسكي بمصطلحاتها، الفطرية واللغوية، بعدها جأني سؤال حول طريقة تحليل قصيدة شعرية ما تحليلا لسانيا من خلال الجانب الصرفي والتركيبي والتداولي والدلالي، ثم بعد ذلك مناقشة القليل من ما له علاقة بالسرد من قبيل الشكلانيين الروس من هم؟ والحديث أيضا عن جنس المقامات مع ذكر بعض النماذج لا زلت أذكر أعطيتهم مقامة بديع الزمان الهمذاني، والحريري، لتنصب من جديد أسئلة متعلقة بالمقامة الهمذانية نحو من هو راويها، ثم دردشة حول اللغات السامية، كان السؤال عن اللغة السامية الأم ولماذا؟ ومن هم أبرز الذين برعوا وكتبوا في هذا الصدد، ثم الانتقال إلى قضية اللفظ والمعنى عند الجاحظ والجرجاني مميزا بين أنصار اللفظ وأنصار المعنى، ثم أسئلة أخرى متعلقة بالصرف، وتحليل بعض الأمثلة من الإستعارة، ثم شيء من مادة العروض، وأسئلة أخرى لها علاقة بالمستجدات وعلوم التربية، من قبيل الحديث عن المقاربات والفرق بينها، وما هي المقاربة المعتمدة حاليا؟ لماذا إخترت مهنة التدريس؟ ماذا ستظيف لهذه المهنة؟ كيف ستدرس لمتعلمي العصر الراهن عصر التكنولوجيا القصائد الشعرية الجاهلية بالنظر إلى صعوبة فهمه من طرف متعلمي هذا الزمن، أذكر مجالس المؤسسة، ثم قراءة فقرة من كتاب باللغة الفرنسية وتطرح عليا أسئلة بصددها من قبيل ترجمة بعض المصطلحات، أسئلة لها علاقة بالمعلوميات حول كيفية توظيفها في مهنة التدريس، ثم في الأخير النهوض إلى اللوح وتقديم درس ما في مكون من المكونات، اقترحوا علي تقديم درس في قصيدة شعرية للشاعر عنترة ابن شداد.
إستغرقت المباراة ساعة ونصف بالتمام والكمال.

30/11/2025

✍️ لي مدازش فالكتابي فمباراة التعليم..فاعلم أن رزقك لم يكن خيرا هناك هاته السنة✅️
أدام الله عليكم الصحة والسلامة وراحة البال ❤️🤲

✍️ التجربة رقم 2 : شفوي مباراة التعليم ✅️السلام عليكم نعاود ليك على التجربة ديالي الفاشلة وديال صاحبتي الناجحة ديال العا...
30/11/2025

✍️ التجربة رقم 2 : شفوي مباراة التعليم ✅️

السلام عليكم
نعاود ليك على التجربة ديالي الفاشلة وديال صاحبتي الناجحة ديال العام لي فات
*تخصص فرنسية
تجربتي :
اول حاجة دوزت انا اخر وحدة مع 17 جينا صباح قبل 8 خاص تقلب على سميتك تشوف فوقاش غادي دوز صباح ولا عشية واشمن لجنة عندك كل لجنة كان عندها تلاتة ناس فالواقع ساعة لكل واحد اول حاجة مشينا دوزنا الرائز لي صراحة ساهل عبارة على مواقف تقدر طيح فيهم ونتا داخل القسم او المدرسة وكيكون فيه اختيارات طبعا كاين موجه كيوريك كلشي المهم سااهل من بعد كتمشي لعند اللجنة ديالك دخلني غنختار ورقة وكلشي كان مقلوب اي انني مكنشوف حتا حاجة كان texte narratif texte descriptif poésie theatres على ما اظن انا جا فيا theatre كتمشي لقاعة اخرى كتكون عندك ساعة على حساب ما عقلت المهم كتوجد الدرس قاعة فيها بزاف ديال الناس من بعد ما كتسالي كتمشي تقدم الدرس اول حاجة كيفول ليك عرفي براسك عطاوني كاس ديال اتاي ههههه من بعد بقاو كيسولوني على المشار الدراسي الخدمة اشنو كندير فاش خدامة قالو ليا قدمي الدرس قدمتو سولوني تما على الدرس على اساس هما تلاميذ وسولني حيت الدرس لي قدمت ملقيتش متال من الحوار لي جا فيا حيت صراحة مكنتش وجدت ليهوجدت دروس اخرى رجعت بقاو كيسولوني اسئلة عامة السؤال لي بصح مكانش خاص نجاوب عليه بهاد الجواب هو اشنو كتفضلي شكون حسن التعليم الابتدائي ولا التانوي قلت ليهم لا التانوي لي حسن قالت ليا الاستاذ مكيقولش هكا حيت كلشي فحال فحال كانو تلاتة الناس فاللجنة
تجربة صديقتي تجربة ناجحة الحمد لله أسئلة عادية تقريبا فحال ديالي الدرس طبعا كان مختلف
نصيحة حاولو متخلعوش عادي ووجدو لاكتر من درس ما يسمى ب fiche pédagogique متعطيوهاش قيمة كبيرة حيت لا انا لا الصديقة ديالي مشافوهاش من عندنا نهائيا و الصديقة ديالي قالت ليهم استاذة ديال المركز لي كانت فيه بلي مكيشوفوش اشنو فراسك نهار الشفوي اكتر مكيشوفو شخصيتك حبت هما ختابروك فالكتابي وقالت ليها حنا من الكتابة ديال التاريخ كنعرفو لي غيقدر يشرح للتلاميذ ولي لا حيت واحد كيكتب وهو كيترعد وكيكت وكيمسح مغيقدرش يشرح، الله يوفق الجميع.

✍️ التجربة رقم 1 : شفوي مباراة التعليم ✅️جرعة أمل مهم أنحاول نعاود ليكم تجربة ديالي مع الشفوي من بعد نجاحي في الكتابي م...
30/11/2025

✍️ التجربة رقم 1 : شفوي مباراة التعليم ✅️

جرعة أمل
مهم أنحاول نعاود ليكم تجربة ديالي مع الشفوي من بعد نجاحي في الكتابي
مهم انا نهار الكتابي كنت مرضت بزااف يعني دوزت او انا باغيا غير فوقاش نمشي نعس دوزت دورة استثنائية او كان سيسيتم كناديان أو انا معتامدتش عليه
صافي كنت قلت موحال واش انجح داز كتابي بقيت غير كنرتاح او كنت كنمشي نقرا كنت سنة ثانية ماستر

دازت مدة طويلة عاد تحطوا نتائج ديال كتابي مكنتش مهتمة يلاه انطفي تلف ونعس قلت اجي ندير طليلة نشوف اوا انا نلقا الاسم ديالي مجبد في لائحة معرفتش باش تبليت بقيت كنتحقق من الرقم الامتحان بقيت كنقول واقيلا غير طالعة ليا السخانة ا كانت هادي أول مرة نجح في الكتابي من بعد اربع مرات ديال الاجتياز مهم قررت انني أنسكت او منقولها حتا واحد ونعست فقت قلتها ماما بحدها قلت ليها خلي هادشي بيني او بينك. كنت انا اندوز حتا نهار الاخير كنت عندي خمس أيام ديال المراجعة مهم درت واحد الاعتكاف في الدار مبقيتش خرجت توصيف الشفوي كامل خدمتوا بالدروس ديالو او الجذاذات او خدمت على التقديم مزيان باللغة العربية والفرنسية وكنت كنجي قدام المراية كنلبس طالون او لافيست او كنبدا نقدم الدروس لي وجدت او شحال كنت مركزة على عناصر الحكاية كنت كنحماق على هذاك الدرس لي كيدخل عندي البيت مكيفهم والوا كيقولوا واقيلا حماقت
صافي نهار لي كنت غاديا فيه كانت شتاء في صباح مبغاتش تحبس عاصفة واحد الرأس كيقول ليا ندوز نعس او واحد راس كيقولي سيري مهم وصلت اسيادي فازكة مزيان شبعانة برد
كنت دوزت في مركز التكوين الأساتذة بالرباط دخلت عطيتهم تلف وكلست في واحد القسم مع المترشحين كل واحد كيتسنا النوبة ديالوا ونتوما عارفين الخلعة والفقصة والبرد وجاني الجوع كلشي تخلط عليا حاجة لي كنت كنجبد هيا الجذاذة ديال عناصر الحكاية كنراجعها ونتكمش شويا نضت عند للمترشحين قلت ليهم انطرح عليكم الأسئلة او نتوما جاوبوا خلقتها حتا نسيت علاش انا تماك بقيت كنشرح ليهم او لي كيسول علي شي حاجة كنجاوبوا صافي كروب ديالي كان هوا اخر واحد حتا خمسة عشية عاد وصلات النوبة ديالي كنت انا الاخيرة من تزور اللجنة دوزت راءز لي محملتوش ودخلت نختار درس اول حاجة هزيت لقيت بلي انقدم درس في اللغة العربية واحد شوية هزيت نختار درس تخيلوا جاو فيا عناصر الحكاية المستوى الثاني يارب هذيك الفرحة لي حسيت بيها تحسوا بيها كاملين مهم قالوا لي نمشي نوجد الدرس قالوا لي فوقما ساليت نجي خرجت من عنهم صايبت الجذاذة ودخلت قالي واش واجدة قدمي راسك باللغة العربية والفرنسية صافي عطاوني نقرا واحد النص بالفرنسية او سولوني على الفعل في انا زمن مصرف سولوني بعض أسءلة في مادة الرياضيات ،العربية او قالو لي نكتب شي حاجة في سبورة ..
او قدمت الدرس مهم اللجنة اعتابرتهم متعلمين مفهموا
طولت شويا في درس حيث حسيت بيهم عجبهم الحال فاش ساليت عطاوني بعض الملاحظات لي ضروري منها او قالي واحد فيهم استمتعنا خصوصا انا نص حكاية كتبتوا من عندي درت ليهم عنوان مولود جديد وبقيت كنهضر ليهم على الشخصيات لي احتافلوا والأحداث . .
صافي فاش ساليت كلست معاهم وعطاوني كاش من الشاي وبعض الحلويات قالوا ليا بالتوفيق

كانت هادي هيا التجربة ديالي في الشفوي كنتمنا تاخدو منها عبرة هيا انه لكانت مكتابة ليك شي حاجة ربي كيسر فيها الله يسهل عليكم جميعا وتفرحوا الواليدين ديالكم
الأرزاق بيد الله

30/11/2025

🔴✅ لا جديد بخصوص نتائج كتابي مباراة التعليم دورة نونبر 2025

📌 شبكة التنقيط الخاصة بالاختبار الشفوي بالتوفيق للجميع 🤲 #الشفوي #مبارة #التعليم #التنقيط
29/11/2025

📌 شبكة التنقيط الخاصة بالاختبار الشفوي بالتوفيق للجميع 🤲

#الشفوي #مبارة #التعليم #التنقيط

🚨 حين تقف أمام اللجنة لتقديم الدرس، تخيل نفسك في قسم به تلاميذ، ابدأ بتحية التلاميذ تحية تربوية رسمية تُظهر حضورك وهيبتك...
28/11/2025

🚨 حين تقف أمام اللجنة لتقديم الدرس، تخيل نفسك في قسم به تلاميذ، ابدأ بتحية التلاميذ تحية تربوية رسمية تُظهر حضورك وهيبتك.
بعدها انتقل مباشرة إلى تسجيل الغياب وكأن المتعلمين أمامك فعلا، فذلك يعكس قدرتك على ضبط القسم وتنظيمه.
▪️ثم افتح باب التقويم التشخيصي بأسئلة قصيرة ذكية تقيس مكتسباتهم السابقة وتُظهر كفايتك البيداغوجية.
▪️تفاعل مع “تلاميذك” كما لو كانوا حاضرين، واسأل، وعلّق، وأظهر مهاراتك في التنشيط.

▪️كن على يقين: إذا أحسنت هذه المراحل الثلاث، فستستوقفك اللجنة للمناقشة، لأنك أثبت أنك أستاذ قبل أن تنال المنصب.
▪️هذا هو السر الذي يميز الممتحن الواثق عن غيره.

♥️ يصلك المزيد ✅️

Address

Casablanca

Website

Alerts

Be the first to know and let us send you an email when محتوى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category