عالم القصص

عالم القصص قصص الأحلام،أساطير والقصص،حكايات خيالية،رحلة عبر الحكايات
(3)

17/08/2025

#رسائلكم

17/08/2025

السلام عليكم خويا نشر القصة ديالي بلا ذكر الاسم انا نسكون فطنجة ومراتي فتطوان مع باها
الاب ديال الزوجة ديالي مريض مرات جالسة معه تقابلو هي وختها باقا بنت وماماها ب كايدوشو ليه وينقيوه ويديرو ليه ليكوش دابا شهر وهي فدارهم واش عادي تغسل لباها وهي مزوجة

#رسائلكم

17/08/2025

أنا من الشرق تزوجت لشمال كانمشي لدارنا كانجلس 15 يوم مرة فلعام ،عندي 7 سنوات زواج منين تزوجت راجلي كيركبني فطاكسي وكانمشي بوحدي لدارنا مرة فلعام هو مايمشيش معيا خدام ميصلاحش ليه يمشي معيا 7 سنوات راجلي مدخلش دار بابا ،فلعام السابع مشيت ضيفة لدارنا كلعادة مرة فلعام مشيت فخمسة فغشت ورجعت لدار راجلي فعشرين وفصباح ثلاثة وعشرين فنفس شهر يعني تلتيام منين رجعت لداري ناض راجلي فصباح من نعاس قاليا زيد نمشيو أنا وياك ولولاد لداركم قلت ليه علاش عاد تلتيام منين رجعت قاليا غير زيدي نمشيو مشينا وصلنا لدارنا دارنا تفاجئو وحارو قالو يمكن توحشنا مرحبا بيكم راجلي قال لهم أنا حلمت فلمنام عليها جيت قال حلمت ضروري نجيو اليوم بدات وأنا عندي خويا ساكن ففرنسا حكى معنا هديك ليلة فلكميرا شافنا كامل فدار غير هو الغائب وصباح ناض راجلي قال لينا حلمت خوكم جاي من فرنسا وفلعشية جا خويا بصح فجأة من فرنسا فرحنا كامل وغدليه ناض بابا خرج لبرا وجنا خبارو بلي مات وعندنا ملي كيموت الواحد كيدفنوه فهداك نهار ميستناوش لقريب ديالو لساكن بعيد حتى يجي وتماك فين تأكدت بلي ربي بغاني نشوف جنازة بابا ربي سبحانو لجعل راجلي يديني قبل ما يموت بابا باش نشوف الجنازة ديالو لوكان بقيت فداري كنت غادي نجي روطار نلقى بابا مدفون ربي يرحمو الحمد لله على رحمته علينا...


#حكايتي #ترند

17/08/2025

انا هيا لي ڪنت مع واحد عامين اوا ولبارح مشيت لواحد العرس وجات عندي وحد المرأة قالتلي بنتي واش مخطوبة قلتلها لاممخطوباش قالتلي نديڪ لولدي قلت ليها ايه لي فيها الخير هي لي غتكون وعرفتها بلي مامات هداك الدري لي راني معاه انا كنعرفها وهيا مكتعرفنيش اوا وهدرات معا ماما وغير جيت لدار حليت باش نقلهالو لقيتو صيفط لي مساج قالي صافي داكشي لي بيناتنا سالا وانسايني ماما خطباتلي وقالتلي البنت زوينة ما شاء الله وقالي نتي معندي مندير بيڪ 🙂
الاقتراحات (خيرولي)
1-نقولو بلي انا هيا
2-نقول ليهم راجل ميشوفني منشوفو حتى نهار العرس ونخلعوو
3- نخليه يجي ونديرو شوفة شرعية ومنبعد نرفضو ونخليه في صدمة 🙂✅ اش بان ليكم 🙂
#منقول

السلام عليكم ... ٲنا كاري في واحد الدار فيها غير الكراي ... كاري بيت وكوزينة ... وكاري معانا فهاد الدار واحد السيد هو وم...
16/08/2025

السلام عليكم ... ٲنا كاري في واحد الدار فيها غير الكراي ... كاري بيت وكوزينة ... وكاري معانا فهاد الدار واحد السيد هو ومراتو عندهم 2 بنات ...
هما قدام عليا في الدار ... وما مٲكدش واش هما كاريين ولا راهنين ولا شاريين ... المهم كيكولوا دار فيها غير الكراي ... دبا المشكيل هو واحدة من هاد 2 بنات .. كتحاول تقرب مني ... شحال من مرة .. كدير بزاف ديال الٲمور باش تقرب مني ... وما عرفتش واش ذاك الشي حب ولا عندها شي ٲهداف وخطط اخرى ... بعد المرات غير كتعرفني جيت وكتسمعني كنجبد السوارت كتنزل تفتح لي الباب ... حتى كتلقى الباب تفتح ... كنهز راسي كنلقاه تفتح وكنلقاها واقفة قدامي كتبتسم لي ... كنبتسم ليها وكنكوليها شكرا ليك بزاف وخا ٲنا ما فاهم والو ومتعجب!! بعد المرات كتدق عليا في شي ٲوقات ماشي هما هدوك باش تسولني على الوراق ديال الضو ولا شي حاجة اخرى ... مع ٲنه ماشي هي اللي خاصها تسولني ... الوالد ديالها هو اللي خاصو يجي عندي ويسولني ... ٲما بنت تنزل عندك وتدق عليك وغير نت وياها الراس فالراس ... شي حاجة ما مقبولاش .. تطور ذاك الشي وولات كتجيب ليا الماكلة خصوصا نهار الجمعة ... كتجيب ليا الكسكسو ... وٲنا ما نكدبش عليكم ... ما كنثيقش ... كنرمي ذيك النعمة في الطارو ديال الزبل .. الله يسمح لينا ... تعدينا على ذيك النعمة .. ولكن راه صعيب ثيق فهاد الوقت ... حيت السحر كثر بزاف والعيالات والبنات ديال هاد الوقت ... ولى فيهم الكفر بالله وكيتعاملوا مع الدجلة والمشعوذين والسحرة من البشر خَدم الشياطين ... راه خاصكم تعرفوا واحد القضية .. هدوك السحرة والمشعوذين اللي كيسميوهم للٲسف بسبب الجهل "فقيه" حاشى واش يكونوا ذوك الكفرة فقها ... الفقيه هو اللي كيفقه الحلال والحرام وكيفقه الٲوامر ديال الله والنواهي ديال الله ... هدوك السحرة راه ما كيتحكموش في الشياطين ... هداك غير قالب دايرينو الشياطين لهاد السحرة الكفرة باش يصحاب ليهم راسو شي حاجة .... الحقيقة هي ٲن الشياطين اللي كيستعملوا هاد الكفرة الفجرة كوسيلة باش بني آدم والبشر يضرو بعضياتهم ويؤذيو بعضياتهم .... هذي الحقيقة .. المهم الإخوان والٲخوات ... وقعات الكارثة .... بقات معايا هكذا حتى طيحاتني في الشبكة ... بالهضرة واللباس وشي حركات ... حتى ولات كدخل للبيت عندي .. وولينا ٲنا وياها بحال شي جوج مزوجين ... راكم عارفين شنو كنقصد ... ودخلت بيها بلا زواج ... ودخلنا للحرام ووصلنا للحرام ... ولكن هي السبب ... المهم في كل مرة كيسافر باها ومها وختها لعند الوالدين ديال باها وكيجلسوا شي ايامات تماك ... هي غير كيمشيوا كتنزل عندي بالتخبية ... إوا وكندوزوا ديك الٲيام بحال رجل ومراتو ... من كل شي ... حتى من الماكلة كناكلوا مع بعضياتنا ... مشات شارت الكينة ديال منع الحمل ... وولات كتشربها ... في الحقيقة كانت عندها ... هي كانت مستعدة لهاد العلاقة المحرمة ... شرباتها في النهار الاول ديال العلاقة الجنسية .... المهم واحد النهار ناضت بكري وطيبات الفطور ... ولكن ملي نضت وما زال حتى ما غسلت وجهي باقي في الفراش ... بدات كتسولني شي ٲسئلة في شكل ... بحال ما غاديش تتخلى عليا ياك ... وكالت ليا نتوما غير كتلعبوا بالبنت كتخلاو عليها ... ٲنا ضحكت وخا ما زال دايخ بالنعاس ... كلت ليها وٲنا كنضحك ضحكة مستفزة .... وراك نتي اللي بغيتي هاد الشي نهار الاول ولا نسيتي ... كان كيبان من وجهها مقلقة وماشي حتى لهيه ... ٲول مرة كتفيق بكري ... كنت كنوض كنخليها ناعسة وكنمشي للخدمة ... وزادت تقلقت كتر ملي كلت ليها ذيك الهذرة ... المهم هي دارتها بصح ... ٲنا كنت غير كنضحك ... ٲنا كنت ناوي ومقرر نتزوج بيها .. ولكن كلت ماشي دبا ... كلت تدوز غير شي عامين بينما نجمع شي شوية ديال الفلوس ونخطبها ونتزوج بيها وخا بدينا هاد الزواج الحلال بالحرام .. ٲخيب حاجة تبني زواجك بالحرام ... بحال شي طاجين ديال اللحم والبرقوق .. طاجين حلال مزيان ... ولكن مرقتيه بالويسكي ...بشي قرعة ديال الخمر .. ولا شي قصعة ديال كسكسو واعرة بزاف وفيها كاع ٲنواع الخضر ... ولكن طيبتيه بلحم الخنزير ... نفس القضية فاش كيتبنى الزواج الحلال بالحرام للٲسف ... ما كاين ما حسن من الطاجين الحلال والكسكسو الحلال ... اللي كاع المكونات ديالو .... حلال ... المهم ذاك الصباح ... حسيت ماشي هي هديك ... وكتخطط لشي حاجة .. صافي كلت ما نبقاش نقرب منها ... كنقصد العلاقة الجنسية ... المهم جات عندي وكان الباب محلول ودخلات ... دايما كنسى الباب ديال البيت محلول للٲسف .. دخلات كلت ليها سيري طلعي لداركم دبا يجيو واليديك ... بقات عليا صافي تبدلتي ... صافي ما بقيتيش كتبغيني ... إلخ .. وبدات كتبكي ... ملي شفتها كتبكي قدامي لقيت راسي مضطر نحاول نهدئها ونسكتها وحقا ٲنا غلطت سمحي لي وكذا ... شوية حتى لقيت راسي معاها في ذاك الشي .. البنت سلاحها خطير سلاحها هو الٲنوثة ديالها وذيك دموع التماسيح والتمسكين ... دبا المشكيل بعد مدة قصيرة من ورا هاد الشي ... وقع ذاك الشي اللي خفت منو .. صيفطت لي مساج مع 1 ديال الليل وكالت ليا راها حاملة .. جمد ليا الما في الركابي والقلب ديالي كان غادي يسكت ... دبا ما عرفت ما ندير فهاد الكارثة الخوت ... واش ندير ليها الإجهاض وما عارفش فين كيديروا ذاك الإجهاض ... ٲنا ما غاديش نتخلى عليها حيت كنبغيها ولكن ما نقدرش نتزوج حاليا ... شي نصيحة عافاكم .. وشكرا

#حكايتي #ترند

16/08/2025

#أعراس ريفية
#أعراس صنهاجة منوعة

16/08/2025

منقول
انا كنت كانتوحم وتشهيت كعب غزال ومالقيتش لي يصايبو ليا
جا راجلي خرجني لباتسري ياخد ليا الحلوى انا مشيت حدا بلاصة فين كاين كعب الغزال وبقيت واقفة هو مشا يخلص مشافنيش وهي تجي ديك لي خدامة فباتسري مسكينة قالتي ياكما كاتوحمي جاوبتها ب اه و خدات خنيشة وبقات تعمر ليا ثمن رابعة و قالتي ليا صافي ولا نزيدك قلت ليها صافي طريق كامل وانا ندعي معها ربي يسهل ليها ما صعب
السؤال ديالي البنات كيفاش كيعرفو بلي كتوحمي؟؟؟
#منقول

15/08/2025

كنت حاضرة فسبوع مع العائلة، الجو زوين، الموسيقى شاعلة، والناس كيشطحو وناشطين. حتى أنا نضت شطحت شوية مع البنات، عادي، ماشي شي حاجة خارجة على المألوف.

ولكن الصدمة جات من بعد…
فجأة، لقيت راسي ففيديو كيدور وسط العائلة فـ”الواتساب”، وكلشي كيتفرج فيه، والأسوأ من هاد الشي، هو أنهم صيفطوه لبابا، وهو معروف أنه ما كيقبلش بحضور بناتو لمناسبات فيها شطح أو تصوير، وحتى شي حاجة سميتها “تمشي وتشطحي” ما كاينة عندو فالقاموس.

منين شاف الفيديو، ما قال والو، ما تعصبش، ما دار لا صداع لا والو ، غير جمع راسو، عيط لمحامي صاحبو، وحكى ليه الموقف.
جاوبو المحامي وقال ليه:
“نهار التلات جي عندي، ونقدمو شكاية ضد أي واحد صور أو نشر الفيديو، وكلشي غادي يتحاسب قانونياً، وبما أن بنتك هي الضحية، الشكاية غادي تكون باسمها.”

أنا صدمني الموقف، حيث بصراحة، ما عرفت شكون اللي صور، ولكن كاين اللي قال ليا باللي مرت خالي هي اللي شداتني فالكاميرا.

المشكل دابا هو أن الوالد واخا نبغي نهدّي الأمور، ما قابلش يتنازل، وعندو موقف صارم:
“ما كاينش اللي يجي يفضح بنتي وسط العائلة ويتمسخر بيها.”

وزيادة على هاد الشي، مرت خالي اللي قيل باللي هي اللي صورات، يلاه والدة، وممكن ما كانتش تقصد، ولكن الضرر وقع.

أنا دابا فوسط واحد الخلاط:
• نبغي نهدّي الوالد،
• وفنفس الوقت حاسة بالإحراج،
• ومحتارة واش نضغط باش يتنازل،
• ولا نخلي الأمور تمشي قانونياً، وخا هادشي غادي
يخلق مشاكل كبيرة فالعائلة... 🤔

#حكايتي #ترند

15/08/2025

السلام عليكم بغيتك تنشر القصة ديالي بدون دكر الإسم
،""تعرفت عليها عن طريق العائلة وصافي تفاهمنا وتزوجنا. فليلة الأولى اكتاشفت أنها ماشي بنت، وكنت باغي نخرج نفضحها، ولكن طلباتني وكتزاوك، حيث عائلتها صعاب ويقدرو يوضعو حد لحياتها.

سترتها، وتافقنا تدوز شهر ونطلقها. دازت ديك 7 أيام الأولى فداك الشهر، كنخليها فالدار وكنمشي نخدم، كنرجع كنعس فالصالون وهي فالبيت. مرة مرة كتسولني واش نطيب ليك شي حاجة، وحسيت بها ندمات، وعاودات ليا الحقيقة بلي شي واحد ضحك عليها.

أنا بيني وبين راسي بغيتها صراحة، وكنفكر منطلقهاش، ولكن معمري بينت ليها، ديما كنتفاداها باش نكمل داك الشهر ونتفارقو. هي كل نهار كتفكرني وكتقول ليا وخا نطلقو، معمري نسا ليك هاد الخير، وكتطلب مني السماحة حيث مقدرتش تقول الحقيقة فالأول.

دابا أنا كنشوف راسي خسرت فلوس العرس وداك التخربيق كامل، والسيدة مافيها حتى عيب، غير داك الغلط لي أي وحدة تقدر توقع فيه. أنا ارتاحيت لهاد السيدة، وكنشوف فيها زوجة ديال الزمان، ولكن واش الماضي ديالها يقدر يأثر على علاقتنا ولا لا؟

واش نقدر مع الوقت نثيق فيها، حيث كل مرة كيجيوني شي أفكار فشكل وكنسول راسي. بغيت الناس لي بعقلهم ينصحوني: نزعم ولا نرجع لور ونطلق...

#حكايتي #ترند

15/08/2025

#رسائلكم
كنت حاضرة فسبوع مع العائلة، الجو زوين، الموسيقى شاعلة، والناس كيشطحو وناشطين. حتى أنا نضت شطحت شوية مع البنات، عادي، ماشي شي حاجة خارجة على المألوف.

ولكن الصدمة جات من بعد…
فجأة، لقيت راسي ففيديو كيدور وسط العائلة فـ”الواتساب”، وكلشي كيتفرج فيه، والأسوأ من هاد الشي، هو أنهم صيفطوه لبابا، وهو معروف أنه ما كيقبلش بحضور بناتو لمناسبات فيها شطح أو تصوير، وحتى شي حاجة سميتها “تمشي وتشطحي” ما كاينة عندو فالقاموس.

منين شاف الفيديو، ما قال والو، ما تعصبش، ما دار لا صداع لا والو ، غير جمع راسو، عيط لمحامي صاحبو، وحكى ليه الموقف.
جاوبو المحامي وقال ليه:
“نهار التلات جي عندي، ونقدمو شكاية ضد أي واحد صور أو نشر الفيديو، وكلشي غادي يتحاسب قانونياً، وبما أن بنتك هي الضحية، الشكاية غادي تكون باسمها.”

أنا صدمني الموقف، حيث بصراحة، ما عرفت شكون اللي صور، ولكن كاين اللي قال ليا باللي مرت خالي هي اللي شداتني فالكاميرا.

المشكل دابا هو أن الوالد واخا نبغي نهدّي الأمور، ما قابلش يتنازل، وعندو موقف صارم:
“ما كاينش اللي يجي يفضح بنتي وسط العائلة ويتمسخر بيها.”

وزيادة على هاد الشي، مرت خالي اللي قيل باللي هي اللي صورات، يلاه والدة، وممكن ما كانتش تقصد، ولكن الضرر وقع.

أنا دابا فوسط واحد الخلاط:
• نبغي نهدّي الوالد،
• وفنفس الوقت حاسة بالإحراج،
• ومحتارة واش نضغط باش يتنازل،
• ولا نخلي الأمور تمشي قانونياً، وخا هادشي غادي
يخلق مشاكل كبيرة فالعائلة... 🤔

#حكايتي #ترند

Address

Casablanca

Website

Alerts

Be the first to know and let us send you an email when عالم القصص posts news and promotions. Your email address will not be used for any other purpose, and you can unsubscribe at any time.

Shortcuts

Share

Category