28/07/2025
مراحل تطور الحياة فالصيف 💔
فاش تتكون فالمراهقة كيوسلغ للصيف كتبغي تمشي للبحر لي فيه الإكتضاظ و البلبالة باش تعيش الاجواء و تشوف البشر و تشوف التيتيز و يدوز نهار شاخض.
فالاعراس ماكرهتيش تجلس حدا الجوق باش تعيش الاجواء و تشوف الروينة و البلبالة .
فهاد الوقت كتخرج مع خوك كبر منك ولا باك لي كيبغي يمشي لبلاصة كالم و مافيهاش اليشري لكن نتا غادي و ساخط عليه.
و كبقى طرح على راسك اسئلة واش هادو مراض غادين ييا لبحر خاوي اش غنشوف انا القرش ؟؟ اتا بغيت نشوف البلبالة يعني نتا كنرتاح فاش كتشوف الروينة و الزحام.
مع الوقت ماحدك كتكتبر و نتا كتبعد على البلايص العامرة ، فالبحر كتحوال تجنب البحورة لي عامرين او كتحاول تمشي فالصباح بكري و ترجع بحالك مع كيبدا البحر يعمر.
كتولي ضرب كلمترات على رجليك كتقلب على شي بحر فيه غا بارسولك و الشمش لا غير.
فالاعراسات ديال العائلة كتولي تخرج برا و تشد كرسي و كتمزك الجوق تا يوصل العشا تطلع تعشا و تمشي بحالك .
ماكيبقا عندك لا مع صداع لا مع هراج لا مع زحام لا مع مخالطة البشر
كتحول من كائن عزيز عليه يشوف بنادم إلى كائن ولا يتنجب بنادم ، ماكيبقا يهمو لا تيتيز لا ستا حمص همه الوحيد هو يدوز نهارو وهو شاف اقل عدد ممكن من البشري وعاد كتفهم علاش باك ولا خوتك كانو يديوك لبحورة خاوين غا نتا و الحجر لا زحام لا تيتيز لا ستا حمص.
تحية لاي واحد وصل لهادشي 👌
