28/10/2025
الإخوان السلام عليكم
بغيت نشارك معاكم واحد التجربة صغيرة ديالي مع الناس لي باغا تخدم
شي أسبوعين هادي كان عندي خصاص فواحد السيرفيس و خاصني ناس لي تخدم ( filles back-office) , مهم درنا الإعلان و توصلنا بعدد محترم ديال السير الذاتية، و كنشكر الدراري لي تواصلو معانا ، المهم بعد الفلترة و العشرات ديال المقابلات الهاتفية، بغيت نشارك معاكم النتيجة
- 45% ديال المرشحات ما جاوش لمقابلة العمل
- 20 % مستوى جد محدود و خصوصا فال office pack
-15% مستوى جد محترم و لكن المشكل كان يا فالصالير يا فالتوقيت .
-10% اتفقنا على كلشي و حددنا تاريخ باش يبداو ، و غير تقريبا النصف لي بداو الخدمة
حتال هنا كلشي مزيان ، الناس بدأت la formation ، حتا كنتفاجأو بالمرشحات كتنساحب ، و قبل ما تجي فالتعاليق و تقول لي حتا مش ما كهرب من دار العرس ، أنقول لك هاد العرس أش فيه :
- salaire : entre 3000 et 4000 dh
- moyen de travail : PC portable + téléphone de service + numéro professionnelle
- horaire : 44H / semaine avec possibîlité de télétravail
- avantage : mutuelle+ CNSS + plan de carrière
- poste : la saisie et le suivi des commandes et les reportings journaliers, hebdomadaire et mensuelle
مع العلم انه كنا كنقلبو على ناس fraîchement diplômé او en chômage technique بمؤهل باك +2 على أساس نعاونو الشباب يندامجو فسوق الشغل.
الخلاصة الإخوان، و أنا لا أعمم و من خلال تجربتي مع بحال هاد les profils بالذات، ولاو الشباب ما كيصبروش و عوض يسولو على طبيعة الخدمة لي غيديرو و على كيفاش يطورو راسهم و يكتاسبو خبرة و مهارات لي غادي تنفعهم فحياتهم المهنية ، كتلقاهم مشغولين بما لن ينفعهم و كيسولو على شي حوايج لي بعاد عليهم و حتا ملي ما كيبغيوش يستمرو فالعمل ما كيجيوش يتكلمو معاك و يشرحو لك السبب على أساس نلقاو شي حل ، أسهل طريقة هي ميساج عبر تطبيق هاتفي فيه " سمح ليا ما غنقدرش نكمل معاكم " و هادشي طبعا واحد النسبة قليلة ، اما البقية فراه كيبات ما كيصبح و يقدر يبلوكيك كاع او يبدل النمرة ، كيفاش بغيتي تواجه الحياة و انت ماقدرش تواجه إنسان بحالك بحالو ،
ما كرهتش تشاركو معايا التجارب ديالكم، يمكن المشكل فينا و من تجارب الناس كنتعلمو و عذرا على الإطالة
و السلام ختام .
