18/09/2025
عرسي نهار الحد و عرفت باللي راجلي كان مع بنت جيرانهم و سيفط مو تخطبها له و أم البنت رفضاتو و بقا مع ديك البنت دوزو الحماق بجوج و فاش كاتفارق معه كايتبعها في الزنقة يطلبها ترجع له وصلات به الدرجة أنه خطفها وتجرحات من يديها و باس الدم اللي في يديها ، كاتبلوكيه و كايرجع يتبعها يفوت في الزنقة باش ترجع له . و هاذ السيمانة كنت خارجة أنا وياه نشريو شي حوايج و هي دايزا من الدرب شعرها كحل و زوينة و لابسة مزيان و هو بقا كايشوف فيها و لكن هي دورات وجهها ، هي قارية وقريب تتخرج و راجلي خارج من السادس ابتدائي و كايشرب و كان ديما كايفسد و مرة خدام مرة جالس غاكيتسخر للناس أو يقاد لهم الجردة ، دابا نهار الحد العرس ما عرفتش شنو ندير أنا غانسكن مع دارهم و أنا ما قارياش بحالها واش زعما غايبقا فيها الحال و نفقصها حيث تزوج بيا و ماشي هي .
