21/06/2025
الفيديو ديال هاد السيد طلع ليا بالصدفة اليوم، وقلت نخليه نشوف القصة ديالو، وصدقني أثرت فيا بزاف 💔
السيد كيحكي بالدموع وبواحد الحرقة كبيرة على بنتو الصغيرة “غيثة”. مشاو للبحر بحال الناس كاملين، حفر ليها حفرة باش تلعب فيها وكان حاضي معاها. دار دورة صغيرة باش يشرب شوية الما، وفجأة سمع الاصطدام والناس كيغوتو، رجع يجري ولقى كارثة!
طوموبيل 4×4 دازت وسط الزحام وبكل تهور، رويضة دازت فوق راس بنتو، وحدا الحديدات ديال الجيتسكي حتى هي ضرباتها. مشى يجري وهو مصدوم، لقا بنتو كلها دم، فكها معوج وراسها محلول. هزها للمستشفى ديركت.
فالمستشفى جات عائلة السائق، وحد السيدة من عائلة غيثة قالت خاص هاد السيد يتعاقب، جاوبها واحد من عائلة السائق بجواب صادم: “حنا عندنا الفلوس”، وكأن الفلوس تقدر تشري كلشي، حتى العدالة!
الأب قال فتصريح مؤلم: “يعني دابا بنتنا تموت عادي؟”
هو ما طالب بوالو، غير بالعدالة لابنته.
غيثة تصابت فالرأس والفك، ودابا راقدة فالسبيطار، والأب كيقول وهو كيعيط وكيبكي: “من نهار الحادث وأنا ما قدرتش نرجع للدار، كنتفكرها، كانت هي لي كتحل ليا الباب، كتجري عليا، كتحضني، وتقول لي بابا جا… هي كلشي فحياتي 😓”
#الاخون كلشي ابرطاجي.. ممكن انا و لا نتا نكونو بلاصة هاذ سيد
صافي لي معندو الفلوس اموت...
