28/08/2026
محمد الحساني Lhassani Mohamed
شاب من الناس، . عمره ما كان ديال الكراسي ولا ديال الصور.
الناس كاملين كيقولو: "هاد العام دور محمد الحساني". حتى هو وجد راسو، وجد الملف، ووجد النية باش يخدم البلاد بالمعقول.
وفآخر لحظة... تسحبات التزكية.
تزكية أول ترشح ديالو، اللي حلم بيها وخدم عليها، تعطات لواحد آخر.
واحد ما عندو لا علاقة بالميدان، لا تجربة، لا تاريخ. فقط الاسم تبدل.
واش هادي هي المكافأة ديال ولد الشعب اللي بغا يخدم؟
واش أول خطوة فطريق التغيير خاصها تكون بهاد الطريقة؟
اليوم محمد ما خسرش غير ترشح. خسر الثقة. ولكن اللي ما خسرهش هو حب الناس ليه واحترامهم ليه.
كنقولو لمحمد: ما تحبسش. أول مرة كتكون صعيبة، ولكن ماشي هي الأخيرة.
والحق ما كيضيعش، واللي خدام بصدق الناس ما كتنساه.
