03/12/2025
مريح فواحد الكوان دابا فالشركة فهاد البرد ملوي عليا كاشكول و ضارب واحد الطويݣية مبطنة دافية و حاضي شي نتوات كيحلو فلانش بوكس ديالهم من بعيد
حقاش ملي كيبغيو يتغداو كيتخباو باش ماتشوفش وحدة عندها صالير 8876.67 درهم و 850 درهم بريم غوندمو و كاتغدا بطوسط ديال بيم فيها فرماجة ديال درهم و كاشير و بنانة ..
و ايلا سولها شي حد كاتقوليه كليت sandwich charcuterie avec dessert بنت القهرة و الجوع و التسقريم ... الحاصول الموظفات ما صالحات لا لزواج لا لوليدات لا لمعاونة فالحياة و المصاريف ..
الموظفة صالحة غي تونسك فالخدمة و تهضر معاها و تضحك معها دوز بيها الوقت بينما وصلات 6 العشية و تمشي فحالك... تقول ليها : وي زينب صاڤا ؟ كيف دايرة مع هاد الشتيوة ؟ بسلامتك صبات الحمد لله ، اللهم اسقنا غيثا نافعا ... امضرا شنو قاليك موسيو البوشتاوي ؟ راه جا البارح كيسقس عليك ... باينة العفريتة غادي تاخدي بوسط superviseur ...
و تقوليك هي : هيهي اويييلي ماقادة علا صداع داك البوسط يخليه عندو ( و هي فقرارة نفسها راها تموت و تاخد البوسط ما خلات سبابط مالحساتهومش ما خلات تحلوين ما خلات تقزاب و تزيار و عكر حمر باش تعجب سي البوشتاوي و يعطيها البوسط)
شد بيها الستون و تقرقيب الناب و فالعشية سير عند مراتك نيڤو باك جالسة فالدار تلقاها موجدة ليك شي براد اتاي سخون و مسمن بطحين الفينو مقرمش بالزبدة و العسل كيدوب ديلمو و شي اومليطة بالزيت البلدية جبتيها من مكناس كاتݣطع فالقرجوطة و عيش البساطة و الدفئ العائلي ..
و خلي الموظفة مݣروضة لكتاف لابسة ليبوط و مونطو مع سي البوشتاوي راها عاطيها شي ضواسا مهمين اليوما بالليل باش تاخد بوسط superviseur... تا قطع الله يزيدنا شتوة
#موظفة #موظف #الشركة #العمل
#منقول
