توجيه 360

توجيه 360 منصتكم الرقمية الخاصة بالتوجيه الاكاديمي
(25)

14/06/2025

بغيت غير نعرف دوك اللي كيجيبو 19 ولا 19 ونصف كيفاش كيديرو ليها 🙂 واش ماكينعسوش

14/06/2025

ماناويينش تقيدو في التكوين المهني
راه بااادي
المهم اليوم غانختارو شي تخصص نتكلمو على آفاقو

13/06/2025

باش تجيب استدراكية فموديل في سلك الإجازة خاصك تجيب فيه غير 1 ولا 2 هانتا دايز استدراكية.
اما صحاب ماستر حاجة اخرة باش يدوزو استدراكية فمادة خاص يجيبو فيها على الاقل 7 لا جابو فيها تحت من 7 كيمشي داك الموديل للعام الجاي

13/06/2025

واش فراسك باللي يمكن للاسدس الثاني يكومبوزي ليك الاس1 والعكس صحيح أكيد البعض منكم عارفها.
والشرط باش تكومبوزي إس بإس هو مايكون حتا موديل فهاذوك الاسات بجوج هابط تحت من 5

13/06/2025

الوثائق اللي غاتخصك باش تدفع لمنحة التعليم العالي ماتنساش تأبونا وتبارطاجي مع صحابك باش يعرفو
🧑‍🎓 صحاب الباك سوا ليبر ولا عادي ولا استدراكية ها اشنو غايخصك:
1 نسخة من شهادة البكالوريا: نسخة مطابقة للأصل لشهادة البكالوريا التي تحملها.
2 نسخة من البطاقة الوطنية: نسخة من البطاقة الوطنية للتعريف.
3 شهادة عدم العمل: من السلطات المحلية (إذا كنت غير عامل).
4 نسخة من بطاقة العلاج المجاني بالتعريفة المنخفضة (RSI): إذا كنت مستفيدًا من بطاقة العلاج.
🧑‍🏫 أما صحاب ماستر يعني اللي شدو اجازة وبغاو يدفعو ليها ها اشنو غايخصك :
1 نسخة من شهادة التسجيل في السنة الأولى ماستر: نسخة من شهادة التسجيل في السنة الأولى من الماستر يعني حتا كتسجل وتاخذ اطيسطاسيو عاد يمكن تدفع ليهم على عكس منحة الاجازة.
2 نسخة من شهادة البكالوريا: نسخة مطابقة للأصل لشهادة البكالوريا.
3 نسخة من البطاقة الوطنية: نسخة من البطاقة الوطنية للتعريف.
4 شهادة عدم العمل: من السلطات المحلية.

🖥️ وجب التنويه لكلا المسلكين
إضافة لكل هذا يجب ان تمتلك
رقم "مسار": لإدخاله عند تقديم الطلب عبر البوابة الإلكترونية.
السجل الاجتماعي الموحد: يجب أن تكون مسجلًا مع أفراد أسرتك في السجل الاجتماعي الموحد (RSU).
ضروري يكونو غاع الوثائق مصادق عليها يعني مݣاليزيا في الجماعة المقاطعة...

13/06/2025

بالنسبة لمنحة التعليم العالي راه بااقي عليها الوقت.
كيف جرات العادة غايبدا التقياد في عشرينات شهر 7 يعني الاواخر حتا كتسالي الاستدراكية ديال صحاب الباك وماغايسالي التقياد فيها حتا يسالي شهر 9.

13/06/2025

صحاب الباك اليوم بالليل النتائج ديالكم غاتوصلو بيهم ردو البال لبلاصة الرسائل ❤️
الله يسمعكم خبار الخير

13/06/2025

اليوم في صفحتنا غانتكلمو ان شاء الله على الطريقة كيفاش تدفع لمنحة التعليم العالي كونو في الموعد

12/06/2025

كلية الحقوق ايت ملول شعبة القانون بداو كيعلنو على نتائج الدورة الربيعية بالتوفيق ليكم

12/06/2025

انا متقبلتش ف المنحة على سباب مؤشر واش الى هبط المؤشر وعاوت دفعت هد عام للمنحة نقدر نتقبل؟
الجواب: لا مايمكنش ليك اصلا تدفع ليها طلبك غايتلغى حيتاش المنحة كندفعو ليها مرة وحدة فقط لا توجد محاولة أخرى

12/06/2025

شنو هوما الشروط باش تسجل في منحة التعليم العالي للناس اللي غايشدو باك 2025 ماتنساوش تابعو صفحتنا للمزيد من المعلومات.
🧾 تكون شديتي باك ديال 2025 سوا باك عادي ولا من الاستدراكية ولا حتا باك ليبر ماكاينش التم.ييز فهاذ الشي ولاااكن كاين شرط هو أنه لا خديتي باك ليبر هو أنك ماتكونش ديجا خديتي باك عادي بمعنى: عندك غير نيفو باك وخرجتي من القراية ورجعتي درتي باك ليبر اه مقبولة تسجل أما لا كنتي خديتي الباك( سوا تسجلتي في المنحة مني خديته ولا لا) ومني درتي باك ليبر بغيتي تسجل في المنحة لا غير مسموح ليك خاص باك ليبر يكون اول باك كتحصل عليه
🗓️ تكون مغربي الجنسية + السن: ماتكونش فايت 26 سنة فعمرك مني دوزتي الامتحان ديال الباك هاد العام باش يكون مقبول تقيد في منحة التعليم العالي: بمعنى 26 عام ولتحت راه مسموح تقيد ماتسمحش لشي حد يقول ليك ماكيقبلوش اللي عندهم 26 عام.
🖥️ الاستحقاق الاجتماعي: أيه اسيدي المؤشر اللي كانو كيحسبو عليه واش واليديك كيستحقو ديك 500 درهم في الشهر غايوليو يحددو ليك بيه واش كتستاهل المنحة. يقدرو يحددوه في 9.30 يعني اللي عندهم هاد القيمة ولتحت في المؤشر ديال واليديهم راه مقبولين واللي عندهم اكثر مايتقبلوش(هذا غير مثال).
💳 موظف عام ولا خاص ولا عامل ولا كتزاول نشاط تجاري ومقيد في la cnss ماعندكش الحق تدفع للمنحة.
بغيتو منشورات اخرين ضغطو الجيم ولا مافهمتوش شي حاجة بانو عندي في التعاليق نجاوبكم

07/06/2025

مع الاسف عيد بلا قطبان في العادة:
مليحة وكويمينة والعائلة مجموعة وشي براد داتاي مشحر بالنعناع، وجدك كيقلب على القطيب اللي فيه اللحم رطب وباباك كيسول على التقلية واش طابت ولا باقا يا سلاااااام 😔

Address

El Jadida
24000

Website

Alerts

Be the first to know and let us send you an email when توجيه 360 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category