فهماتورا Fhamatora

فهماتورا Fhamatora لا تنسو الاشتراك بالصفحة وتفاعل كي يصلكم كل جديد

06/11/2024

#مشكل عضوة فالصفحة
عفاك حطي ليا هاد المشكل ..انا صراحة نتفت مرت لوسي عندها 52 عام و انا 25 عام
راجلي يتيم الام والاب قبلما نتزوجو كانو عندو مشاكيل بزاف وتواحد معاونو من غيري وفاش تزوجنا عطاني الدم ولدت جوج توام ولد وبنت فأول ولادة ليا وباقين صغار فاش ولدت خرج من دار لوراثة. شرا ليا دار قريبة لدارنا باش ماما كتجي عندي تعاوني ويونسوني هاد مرت لوسي كانت باغا ليه ختها الصغيرة عندها 34 راجلي عمرو 39 ناضت سيفطاتها ليا للدار قاتليا عافاك تبات عندك 3 يام دوز واحد كونكور وترجع رحبت بيها مع العلم انا من اللول عارفة القصة وعارفة مرت لوسي مسمومة وكتغير مني ولكن كنقول ضبر راسها جات درية كتلوا ليا على راجل بواحد الطريقة عقلكم ميفهمهاش وياربي تسمح ليا خايبة كون ازينة نضت انا خليتو خرج شديتها قتليها ليوم نشرب دمك ونقتل راسي ناضت عاودت ليا كلشي وسمعتني اوديو ختها ناري كتحرشها تلصق فراجلي كتقوليها غريع ينعس معاك ولصقي فيه ياخذك وبزاف الهدرة سيفطتها فحالها شديت الاوديو خليتو عندي هزيت ولادي ومشيت لدار الورثة ديال ناسي الله يرحمهم ساكنة فيها لوستي لكبيرة مطلقة ومرت لوسي وحدة اخرة طيبة وعرضت على كلشي يجي وطييبنا سالينا ونا نفرشخ رمانة وهي تنكر ونا نقوليها اجي تسمعي الاوديو ديالك وتا ختها سجلتها وهي تنوض كتقفقف بغات دفعني ونا هازة لبنت صغيرة ونا نحطها قدام لوسي لكبير ونا نشدها من الشعر ونتفتها وهي تسخف دبا لبنات راجلي مقلق مني بزاف وقاليا جبدتي الصداع كون غير سكتي وخليتيها ضبر راسها لبنات واش انا غالطة عافاكم نصحوني

@مشكل

11/10/2024

#مشكل عضو في الصفحة
اليوم بغيت نعاود ليكم قصتي مع طليقتي تزوجناا لمدة عشر سنوات خديتها بنت صغيرة كبرات على يدي ولدات ليا جوج وليدات صراحة مراتي بنت مثقفة و قراية و زوينة عاطيا العين كنت كنبغيها بزاف و حتا هيا كتبغيني دوزنا خمس سنوات اولى سمن مع عسل نقدرو نقولو مرتي كانت مطيعة بزاف عمرها عارضاتني ولا هزات صوتها كانت حنينة فكلشي الواليدة و خوتي كانت حسباهم بحال عائلتها كانت مفاهمة مع الوليدة و مهليا فيها انا كنت خدام بدات معايا من زيرو وقفات معايا مكان عندي والو صبرنا لبزاف ديال ضروف و صراحة صبرات و ضحات بزاف بحكم خدمتي كنشوف بزاف البنات فمرة مرة كنت كنخونها و لكن مكنخليهاش تحس وهي حيت كتبغيني كانت كتيق فيا بزاف واحد نهار كنسمعها كدوي مع بنات خالتها جابدين موضوع الخيانة و قالت ليهم كلشي يخون الأ فلان راجلي مستحيل يخوني كيبغيني انا فديك لحظة حسيت بالفخر وغير مزدت تماديت مرتي ولدات ليا جوج وليدات مقاربين كانت كدوز نهار غير فدار و مع اولاد وكانت مشطونة معاهم شي لي خلاها مكتاصلش بزاف بيا ولا تسولني فين مشيت هنا وليت داير علاقات و وليت زوج هامل زوجتو و ولادو عطيها غير لسهير و البنات مرتي بدات كتشك وكتسول وبدينا ديما مدابزين بسباب ضغط لي كدير ليا واحد نهار خرجت من دار وحسات بيا غادي لشي بلاصة خلاتني خرجت وتبعاتني و شافتني مع بنت فطوموبيل كابوس فيا صراحة معرفتش احساسها كيف كان ولكن مقالت ليا حتا حاجة موجهاتنيش جيت لدار كلقا ولادنا ناعسين وهي سهرانة انا مفراسي والو دخلت ناشط جيت نهضر معاها لقيتها فحالة نهيار كتبكي و كلت ليا شفتك وعطاتني تفاصيل انا نكرت وبديت كنغوت فالأخير عترفت ولكن معتذرتش لمدة أسبوع مكنتكلموش حتا دارت مبادرة و قالت لي علاش درتي ليا هكا وكانت مضمرة بديت كنحاول لقا سبب و خليتها تيق بلي هيا مقصرة فحقي بسبب الأولاد من وراها ولات مهتمة براسها كندخل لقا الاكل لقا ولاد ناعسين لقاها مقادة ليا وكتسناني صراحة واخا كانت كضحك وتحاول تفرحني مكنتش كنحس بديك الضحكة لولا لي مشات مرة وحدة موراها ب 20 يوم كتاشفات خيانتي ليها لمرة ثانيا واجهاتني وتخاصمنا من بعد ولات كتعاملني ببرود مكتسوقش ليا بحالا مكينش فحياتها من بعد مدة قررات انها تخرج تخدم حيت كيجيها الملل فدار فلول رفضت و لكن قنعاتني مرتي خرجات كتخدم و جمعات فلوس و قررات دير مشروعها الخاص صراحة فلول مكنتش مسوق لأي حاجة كيدير و الغرض الوحيد لي كنبغي هو تخوي ليا دار باش كنخد راحتي بالكلام من بعد بديت كنلاحظ ان زوجتي نجحات فمشروعها بدات كتلبس معايا اولادها مكتكوليش خاصني شيحاجة وليت كنحس براسي نكرة معندي حتا دور هنا وليت ابليس ماشي انسان بديت كندير مستحيل انها تفشل وكنت كنشوفها كتعذب و كتقاتل وانا غا مكنزيد فيه صراحة كنت كنتلذذ باش كنشوف راسي كندمر فخدمتها حتا فشلات فمشروعها هنا كنكول صافي غادي تكلس فدار و ترجع كيف كانت حتا كلقاها رجعات قوا من الاول ودائما كتحصل عليا الخيانة و الكذوب و كل مرة كتحصلني مكنرضاش كنوض نضربها شحال من مرة كتبغي تموت فيديا انا مكنتش كنحس براسي ولكن بغيتها ترجع كيف الاول وهي مكتفهمنيش كتعصبني حتا كنضربها طلبات طلاق كل مرة كتبغي طلق كندير مستحيل ونبين ليها حبي ليها حتا كترجع كل مرة كترجع ليا كنلقا راسي كنتقام منها مجرد مفكرات طلق مني وتخلا عليا و كتسوء معاملتي ليها كل ليلة دوزتها ظلام بلا بيها كلقا راسي كنتقام ونعذبها كثر مرتي مفرطاتش فخدمتها بقات خدامة وصراحة كنت كنحس خدامة غير باش تهرب مني كانو صحابي كيشوفو اجتهادها و كيقولو لي سعداتك بهاد مرا لي عطاك الله وانا كنت كنحس بحسد شديد من جهتها كانت ظائما كتلجئ ليا فأي مشكل و مكنكونش جنبها مكنسمعش ليها لدرجة درت بزاف ديال الحوايج لي يوقعوها تفشل كان كيبان ليا ان العمل ديالها هو سبب في دمار هاد العلاقة الحاجة الوحيدة لي دارت هو هتمات براسها وخدمتها وكنشوف راسي معندي تا قيما كنت دائما كنبغي الأضواء جبهتي فقط درت مجهود كبير باش توقع ولكن كل مرة كتخرج منها حاولت ندخلها الحبس ونخرجها غير باش تعرف راسها غالطة ولكن تاحجة مصدقات معاها تعاملها كل مرة كان هدوء و كتكوليا نصبر على ولادي وانا غا مزايد فيه فالأخير قررات طلاق انا متقبلتش نهائيا تفرق عليا منقدرش نعيش نهار واحد بلا بيها منقدرش ندخل دار وهيا مكيناش كنحس براسي غادي نحماق بلا بيها بعد محاولات كثيرة باش نصلحو حتا حل مبغاتو قررت باش رجعها بسحر سحرت ليها فعملها سحرت ليها باش ترجع ليا بعد مدة فشلات فمشروعها وهاد المرة مقدرتش تكمل ولا تحاول تاني و جات رجعات ليا انا كنت عارف انني كنأذيها ولكن كنت كنشوف غير شنو بغيت انا بغيتها هيا ديالي فاش كتبغي طلق مكنقدرش حتا نفكر انني شي نهار تكون مع واحد آخر كنت كنبغي نحماق بتفكير من بعد مرجعات ليا درزنا مدة وانا كنجدد فسحر بعدتها من معارفها عائلتها بقات ليا بوحدي كنخليها فدار رجع لقاها فدار مكتخرج موالو كالسة وساكتة كلامها قليل ضحكة مكنشوفهاش صراحة كنت مرتاح بزااف تال واحد نهار معرفتش كيفاش كنا تقلبات عليا قالت لي بغيت نمشي نشوف والديا من تم معوداتش رجعات و دفعات طلاق و طلاقنا انا كنبغيها كنبغيها بزاف منقدرش نساها كل مرة كنحاول نرجعها ولكن هي مبقاتش حتا بغات تشوفني انا دابا عارف راسي غالط فحقها ولكن هادشي كولو بسبب حبي ليها لي خلاني نكون هكا اخواني مقدرتش نكمل حياتي تدمرت كليا وليت بحال شي حمق بغيت الحل

06/10/2024

رسائل صفحة نصحوها.
جازيكم بالخير فهاد الحال كفاش نتصرف خويا عقد بواحد السيدة مكانت بناتهم تاعلاقةنهار جمع راسوحقق داتو تيسرات أمورو تقدم السيدة مشينا خطبناها كولشي داز مزيان كبرنا بيها اليوم جات عندي واحد السيدة المكتابة بغات تاخد كتوبة المهم كالت ليا واقيلا نتوما لي تناسبتو مع فلان كالت ليها اه صافي بقينا داويين كالت ليا علاش ماخطبتوش خت فلانة خير ليكم كالت ليا راه مراة خوك واش مافراسكش كانت مع سعودي ودها التماك باش إدير ليها العقد وتزوج بيها زواج عرفي ولا معرفت شنو بلا عقد بلا تا حاجة دوزات معاه عام وطاح ليها البيبي غي بالأعصاب والحالة لي كانت فيها ودارهم عند بالهم تزوجها من تما غبر ماسولش فيها كالت ليا راه واحد خوها خوا كاع دار بسباب داكشي لي دارت ماكملتش الخدمة انا سديت وجيت الدار مرضت كولي كانترعد البنات وهوما ماكالو لينا تا حاجة من هادشي تاصلت بيها كالتليها كولشي فالأول نكرات ولكن بقات كاتقفقف وبدات كاتبكي كالت ليا ستريني انا غانكولو كولشي غي خايفا من رضة فعل خوك غانكولو كولشي ولكن كانتسني الوقت المحدد عرفتو البنات دارت بيا الدنيا معرفت كفاش نتصرف معاها وشنو ندير خويا مكاينش دبا مانقضرش نسكت ومامخصصها من والو موفر ليها كولشي فراش الدار خداهم على دوقها كايوجدو العرس والبارح كانت عندي خدات 15000 درهم باش تاخد بعض الأغراض ديال الدهاز وتخيط لي بغات وغاتديها باش تدير عملية على ما أظن مانقضرش نصبرالبنات ونسكت ونبقا كانشوف كرهتها وكرهت دارهم هاد الناس مافيهمش الثقة وفالعقد مكتوب فيه بلي راها عازبة كانتمنى ماتبخلوش عليا بنصائحكم وبلا ماتكولو ليا خليك بعيدة حيت خويا مغايتقبلش هادشي لا من عندي لا من عندها وغايدير المستحيل إتخلص منها بأي طريقة !!

21/09/2024

انا تزوجت دبا شي 5 شهور والراجل لتزوجت بيه مراتو ميتة وعندو بنت وكانت عاودت ليا أختو كان كيبغي مراتو بزاف وكيموت عليها وماخلا مادار باش تزوجها قاتلي عانى باش خداها مابغاش باها هو كان كيعرفها مدة وقاتلي فاش تزوجها كان داير ليها كيشي بيضة ونهار ماتت وكانو مخرجينها قالهم صافي هنا أنا روحي خرجت ختو قاتلي خويا عمرو بكى وهو بصح كيبان من نوع لي قلبو قاصح حتا بكى على مراتو الله يرحمها دبا أنا ساكنة غير أنا وياه وبنتو ودارهم في العروبية البيت ديال مراتو سادو ماكندخلش ليه نهائيا كيدخل غير هو مزال فيه حوايجها أي حاجة خاصة بيها ونهار تزوجني دخل فراش جديد ولبارح كيهضر مع بنتو قالها أنت فنة فحال ماماك كلك غير ماماك وبقى كيتغزل بيها بصح بنتو زوينة حتا مراتو شفت تصاورها زوينة ومسرارة هو مخبي كلشي ديالها مزال عندو تصاورها وشي حاجات قبل مايتزوجو وعاد قالو ليا راه ماكانش هاكا تبدل بزاف يعني كان ضحوكي... دبا هو ماكيهضرش معايا بزاف غير كيدخل لدار ياكل يضحك شوية مع بنتو أنا يقولي كيف داز نهارك وصافي وحتا في العلاقة كادوز عادي مايقولي حتا كلمة زوينة
دازت 4ans على موت مراتو عاد تزوج واش يقدر يبغيني شي نهار كيفاش نقدر نتصرف وشحال من مرة كانشوف عينيه منفوخين واغلب الوقت 🥹

جاوبوه عفاكوم ! le monde
07/09/2024

جاوبوه عفاكوم !

le monde

Address

Gueliz

Website

Alerts

Be the first to know and let us send you an email when فهماتورا Fhamatora posts news and promotions. Your email address will not be used for any other purpose, and you can unsubscribe at any time.

Shortcuts

Share

Category