هشام للتقنية hicham tech

هشام للتقنية hicham tech مــرحبــا بـــكـــم. فــي صــفـحـتـنــا.
صـــفــحــة.ريـاضــيــة⚽.وديـنــيــة🇸🇩🤲

🇸🇩 Pleastine .
(8)

18/07/2025

Hello dear followers, we apologize for the disappearance, and tomorrow, God willing, we will return with extra strength with the help of God.
🔐💪💪💪💪💯👑

03/08/2024

متابعة فضلا وليس أمرا

17/06/2024

الطريق الى الهلاك

الجزء الثاني ²
_ بقينا نلاحظوا حتى كيبان لينا الضحية خارج من الحانوت شوية حتى كيجي وراه واحد الشخص ملثم دار لو منديل على نيفو طاح وجبد سكين ذبحوا وهرب قلت ليهم ياخذوا هاذ الفيديو ناخذوه معانا لمركز التحقيق باش نعرفوا شكون الفاعل شكرنا مول الدار على التعامل ديالو معانا توجهنا للمركز وبقينا كنشوفو فالفيديو ولكن للاسف مقدرناش نعرفو الفاعل حيت كان ملثم مغطي راسو كامل وحتى يديه وما ترك حتى اثر لي يقدر يساعدنا وهكذا مرت 6 ايام كلها تحقيق وكنسولوا الناس لي قراب للضحية ربما يكون شي حد دارها ولكن ملقينا والو اما الجثة الأولى مقدرناش نتعرفو على صاحبها حيت كانت مشوهة.....

}منزل الضحية{

ام حاتم : (تبكي بحرقة) الله ياخذ فيكم الحق حرمتوني من ولدي اش دار ليكم
رعد : (واقف حاقد) كنواعد الوليدة اني غادي نخلف الثأر ونجيب حق خويا بيدي
ام حاتم: لا اولدي واش خوك قتلوه باغي حتى انت تموت
رعد : الوليدة ما بقى عندي ما نخسر غي خويا مات ...

_فواحد المقر كبير مظلم كاينين بزاااف الحراس لابسين لباس موحد وملثمين مدربين على اعلى مستوى وعددهم كبير و فواحد البيت كبير كاين مجموعة من الأشخاص باقيين شباب هوما لي حاكمين هاذ المافيا كل واحد لابس قناع فشكل ولباس موحد مختلف على لباس الحراس ...

غانم : الشباب غدا البضاعة غادي تخرج من بلاصتها باش توجه عندنا نتمناو ميوقع والو باش توصل فالامان
شهاب : ما غادي يوقع والو والبضاعة غادي توصل
إياد : بعدما غادي توصل البضاعة خاصنا نصفوها لواحد المافيا بدات كتدخل معانا للسوق وبدات تنتاشر بسرعة
رامز : اه سمعت عليها ونزيدك كنعرف رئيسهم واحد الشخص جبان عندو غي ناس اخرين كيدافعوا عليه

_ هوما كيهدروا حتى كيدخل عليهم واحد الشخص بنية جسمانية قوية ولابس لباس بوحدو وداير قناع الأسد شافوه كاملين وقفوا رغم انهم اصدقائو

سيف : (ملقب بالأسد شاب مزال عشريني ) السلام عليكم
الاعضاء: وعليكم السلام
سيف : فين وصلت خبار البضاعة
غانم : غدا غادي تخرج البضاعة من المستودع نتمناو توصل بخير
حيت متعرف منين تخرج لينا شي مافيا اعدائنا كثار
سيف : سمعوني حنا إسمنا #مــــلائكةـــ #الموت وراكم عارفين لي وقف قدامنا كيتمسح من الارض لذا البضاعة غادي توصل فالامان حيت اي واحد بغى يوقف ضدنا راكم عارفين اش يوقع لو
إياد: الأسد بغينا غي توصل البضاعة نقتلوا واحد المافيا دخلت جديدة للسوق وكتحاول توسع فالسوق
سيف :( الأسد) غادي نهدرو فهاذ شي من بعد خليت ليكم الراحة انا غادي نمشي نقضي شي اغراض

∆ملائكة الموت هو اسم هاذ المافيا لي عددها هائل بزااف وموجودين فكل الدول ومنهم اطباء ورجال شرطة ورجال أعمال أعمالها خطيرة جدا ولي وقف قدامهم يمسحوه من الارض نظرا الاحترافية مقاتيليها و الاسلحة الكثيرة لي عندهم ومكيخلوش الأدلة وراهم وفيهم قتلة مؤجورين يخدمو كل أنواع السرقة والمخدرات وسيف الملقب بالاسد هو الرئيس ديالها كان فقط حارس وبعدها رجع عضو نظرا للخبرة القتالية ديالو وفاش مات رئيس المافيا بمرض السرطان داروه بلاصتو ديما مغطي وجهه بقناع الأسد لذا يلقبوه بالاسد وعمر شي حد شاف وجهو او عرف شكون هو فقط يعرفو اسمو .... والملائكة الموت فيها عدة فروع
الفرع الاول القائد ديالو غانم الاسم ديالهم #الاشباح
الفرع الثاني القائد ديالهم اياد الاسم ديالهم #الاسود
الفرع الثالث القائد ديالهم شهاب الاسم ديالهم #الظلام
الفرع الرابع القائد ديالهم اياد الاسم ديالهم #الصقور
وكاين فرع اخر لي ميبانوش الا في الحالات الطارئة هوما ملائكة الموت لي قائدهم سيف (الاسد) كيقودهم بنفسو

∆مركز الشرطة∆
الشاف دانيار: اسعد سمعني راه جانا امر من الفوق كيضغطوا علينا باش نلقاو القاتل حيت الصحافة راه طلقت الاخبار بلي ملقينا والو خاصنا فأقرب وقت نحلو هاذ المشكل
اسعد : الشاف راه كنديرو لي فجهدنا ولكن والو والمشكل معرفناش شنو العلاقة لي بين الضحية الاول والثاني زعما يكونو قتلوا حاتم حيت بلغ الشرطة
الشاف دانيار: ممكن حنا وضعنا جميع الاحتمالات ولكن الاهم فهاذ شي خاص نلقاو القاتل وبعدها اكيد غادي يعتارف بكلشي انا دابا غادي نمشي للدار عييت وانت رجع لحي الازهار عاود سول عائلة الضحية او ورسل شوقي هو وشي رجال من عناصر الشرطة للغابة يعاودو للبحث لعل وعسى نلقاو شي دليل
اسعد : علم اشاف

_عطيت الاوامر لـ اسعد وانا توجهت للسيارة ديالي مع ركبت حتى كنلقى واحد الرسالة مكتوب فيها ....يتبع

#الاسئلة
=فنظركم شكون هي مافيا ملائكة الموت وزعما واش عندها علاقة بمقتل الضحية الأولى وخاتم ؟
= فنظركم واش رعد غادي يقدر يرجع حق خوه؟
=فنظركم شكون هو سيف ؟
=فنظركم شنو غادي يكون مكتوب فالرسالة لي لقى الشاف دانيار ؟
____ متنساوش تفاعلوا وطاغيوا اصدقائكم الأحداث لي جاية مشوقة بزاااف قراءة ممتعة

الطريق الى الهلاك الجزء الاول ¹_ 6:00 ديال صباح انا ناعس حتى كنسمع الهاتف ديالي كيصوني .... جاوبت وانا راسي ضارنيالمتصل ...
16/06/2024

الطريق الى الهلاك

الجزء الاول ¹

_ 6:00 ديال صباح انا ناعس حتى كنسمع الهاتف ديالي كيصوني .... جاوبت وانا راسي ضارني
المتصل : الشاف وصلتنا معلومة بلي شي دري لقا شي جثة مقتولة فلغابة
الشاف دانيار : سيروا نتوما سبقوني وديروا معاينة للجثة انا خالط عليكم
المتصل : علم

_توجهت للدوش غسلت وجهي وبعدها توجهت الكوزينة صاوبت كافي شربتها هزيت سلاحي ركبت طموبيلتي و توجهت لمكانة الجريمة ...

_بلا شك بغيتو تعرفو شكون انا ...انا الاسم ديالي دانيار العمر ديالي 30 عام ضابط شرطة خدمتي راكم عارفينها كيفاش دايرة كل مرة قضية وكل مرة جريمة ..ولكن هاذ الجريمة لي وقعت هي غادي تبدل حياتي بزااف وداتني فطريق كلها هلاك ...

_وصلت لمكان الجريمة لقيت مجموعة من رجال الشرطة وبعض من الشرطة العلمية كيديرو معاينة للجثة وسيارة الاسعاف كذلك كاينة شوية حتى توجه عندي اسعد (شرطي) عطاني التحية
اسعد: الشاف لقينا بلي الجثة مشوهة ومقدرناش نتعرفو عليها خاصنا ناخذوها لقسم التشريح وعلى مكيبان ان الجثة مضروبة بالرصاص فعدة مناطق فالجسم
الشاف دانيار : خوذوا الجثة لقسم التشريح وبغيت التقرير يكون عندي هاذ النهار
اسعد : علم
الشاف دانيار : شكون هذا لي لقى الجثة
اسعد : هذاك الولد
الشاف دانيار : خذيتوا الاقوال ديالو
اسعد : نعم خذينها ولكن هو فقط شاب كيفيق كل نهار بكري يدير الرياضة هنا وليوم لقى الجثة تاصل بينا
الشاف دانيار : عيط لو بغيتو
اسعد : علم

_بعد لحظات حتى كان قدامي هذاك الشاب
الشاف دانيار: انت هو لي لقيت الجثة
حاتم : نعم اسيدي انا
الشاف دانيار : كيفاش حتى لقيتيها
حاتم: انا كل يوم كنفيق مع 5:00 ديال صباح ندير الرياضة وديما كنجي هنا ولكن اليوم كنت نجري حتى لقيت الجثة هنا وتاصلت بيكم
الشاف دانيار : دابا يمكن لك تمشي ولكن فاش غادي نحتاجوك غادي نتاصلوا بك ماتمشي فين
حاتم : واخا الشاف الوقت لي بغيتوني انا موجود

_خذاو عناصر الشرطة الجثة داوها لقسم التشريح وهذاك الشاب مشى فحالوا انا ركبت طموبيلتي وتوجهت لقسم الشرطة دخلت لمكتب ديالي بقيت تم مع شي ملفات نخدم فيهم بعد 4 ساعات حتى سمعت دقات فلباب
الشاف دانيار : تفضل
اسعد : (عطاني التحية) الشاف هاهو التقرير ديال الجثة خرج
الشاف دانيار: تفضل جلس

_خذيت من عندو الملف وبقيت نقرا لقيت بلي الضحية تضرب ب 2 رصاصات على مستوى القلب و الوجه ديالو ويديه تحرقو بالنار والمشكل ان الجثة مجهولة
الشاف دانيار: واش لقيتو شي دليل ولا شي حاجة باش نعرفوا شكون صاحب الجثة
اسعد : للاسف الشاف ملقينا والو وهذا لي قتل الجثة ما ترك حتى دليل وهاذ شي كيبين على انه قاتل محترف ماشي شخص عادي عارف اش كيدير
الشاف دانيار : غادي تاصلوا بهذاك الشاب لي لقى الجثة بغيتوا
اسعد : واخا
_ اسعد بغا ينوض وكنسمع الدقان فلباب قلت تفضل حتى دخل الشرطي شوقي عطاني التحية
_شوقي : الشاف وصلنا اتصال من حي الازهار بلي لقاو شي جثة مقتولة
_ عطيت الاوامر ل اسعد و شوقي يتاصلوا بالاسعاف و الشرطة العلمية ركب معايا اسعد والشوقي خذا سيارة الشرطة هو وبعض افراد الشرطة توجهنا لمكانة الجريمة وهنا كانت الصدمة لقيت الشاب لي بلغ على الجثة الأولى هو لي مقتول مذبوح من الوريد للوريد بقاو الشرطة كيديروا معاينة للجثة وكيبعدوا الناس انا درت عند الناس قلت ليهم شكون بلغ الشرطة قالي واحد فيهم انا اسيدي عطيتو إشارة بيدي اجي توجه عندي شنو كدير نتا قالي انا صاحب هاذ الحانوت اسيدي
الشاف دانيار: عاود ليا كيفاش لقيتي الجثة
البائع : اسيدي انا جا عندي هاذ الولد حيت هو كيسكن فهاذ الزنقة وكنعرفو سي حاتم الله يعمرها دار خذا من عندي شي اغراض ومشى وانا بعدها بشي 15 دقيقة خرجت نشطب حتى لقيتو مليوح فهاذ لبلاصة وتاصلت بيكم
الشاف دانيار: وانت فالحانوت وما سمعتي والو لا حس لا غوات
البائع : لا اسيدي ما سمعت والو
الشاف دانيار: سير فحالك فاش نحتاجوك غادي نعيطو لك
_شوية حتى كنشوف سيارة تاكسي وقفات نزلت منها مرأة وراجل و واحد الشاب المرأة كتغوت وتبكي شكون قتل لي كبدتي علاش قتلوك اولدي والاب فحالى يرثى لها عيطت لهذاك الشاب لي معاهم كيبان مصدوم
رعد : نعم اشاف
_ الشاف دانيار: واش كتعرف الضحية
رعد : نعم هذا الاخ ديالي حاتم وهاذو واليدينا
الشاف دانيار: نتوما كتسكنوا غي هنا
رعد : نعم اسيدي
الشاف دانيار: فين كنتوا
رعد : اسيدي كنا عند الطبيب حيت الام ديالي مريض حتى تاصلوا بينا قالوا لينا شنو وقع
الشاف دانيار: دابا سير واسي واليديك فاش وغادي نحتاجك نسولك على بزااف
_مشى رعد وانا بقيت واقف حاير حتى توجه عندي اسعد عاطني التحية
اسعد : الشاف لقينا الضحية تعرض الخنق قبل ما يتذبح
الشاف دانيار: القضية على مكيبان لي صعيبة وغامضة حاولو تلقاو شي أدلة لعل وعسى نلقاو هاذ المجرم حيت باينة القضية مرتبطة مع الجريمة الأولى وخوذوا الجثة لقسم التشريح انا غادي نمشي لدار فلعشية نتلاقاو فالمركز
_ خذيت سيارتي وتوجهت لدار دخلت دوشت وصاوبت الماكلة كليت حيت أنا ساكن وحدي عائلتي فمدينة اخرى ومشيت تكيت وانا كنخمم فهاذ شي لي وقع حتى نعست شوية سمعت تيليفوني كيرن لقيتو اسعد قالي بلي التقرير خرج وكيما لقاو فالاول بلي الضحية تعرف الخنق عاد ذبحوه قلت شوية وغادي نجي ركبت طموبيلتي توجهت الزنقة لي مات فيها الضحية مشيت عند هذاك البائع سولتوا على دار الضحية قالي هاهي فين توجهت ليها دقيت فتح عليا واحد السيد لقيت الجيران والعائلة مجموعين راكم عارفين الجنازة كيفاش كدوز بقيت كندور فعينيا حتى شفت رعد من بعيد عيطت عليه جا عندي قلت لو نزل معايا لسيارة نسولك على شي حاجة نزلنا لسيارة
الشاف دانيار: قولي امتى مشيتو ليوم عند الطبيب
رعد : مع 8:00
الشاف دانيار: والضحية كان ديما يخرج مع 5:00 يدير الرياضة معاش رجع لدار
رعد : مع 7:30 ديما كيجي قبل ولكن اليوم جا معطل وفاش سولناه قال لينا بلي لقى شي جثة وتاصل بشرطة ولكن مع كنا مزروبين لطبيب قلنالو حتى نرجعوا ونهدرو ومن تم مشفناهش حيت كنا فطبيب حتى سمعنا اش وقع
الشاف دانيار: واش خوك مكانت عندو شي عداوة حتى مع شي حد
رعد : خويا ديما غي رياضة وكيخدم مرة مرة حتى من الاصدقاء معندوش بزااف عندو 2 اصدقاء واحد موظف فمدينة اخرى قليل فاش كيتلاقاو والثاني هاهو معنا هنا فلعزو
الشاف دانيار: ممكن تعيط لي على هاذ الصديق ديالو لي هنا
_ مشى رعد عيط على صديق حاتم حتى وصل عندي سولتو على امتى تلقى الضحية واش عندو شي اعداء
صديق حاتم : لا اسيدي هو معندوش اعداء حتى فحياتو عمرو دار الصداع ومن لبارح مشفتوش كنا فالقهوة هو مشى وانا مشيت ليوم مشفتوش حيت أنا كنكون خدام
الشاف دانيار: يمكن لك تمشي دابا متنساش غادي نحتاجوك
_ديماريت السيارة توجهت لمركز دخلت لبيرو ديالي وانا نتفكر واحد الحاجة قلت زعما مول الحانوت معندوش كاميرا فالمحل عيطت على شوقي و اسعد قلت ليهم تحركوا معايا لحانوت توجهنا عند البائع سولتوا واش داير كاميرا قالي لا للاسف كلشي ضاع انا بغيت نتحرك وهو يقولي ولكن جارنا هذا مول دار لي هنا داير كاميرا قلت لو عيط لو قال لينا هو مكاينش حتى لغدا عاد يكون حيت كيمشي عندو مو فشي مدينة اخرى مرة مرة قلت لو فاش يرجع تاصل بينا رجعنا لمركز بقيت تما شوية توجهت لدار وهكذا دازت هذيك ليلة لغد ليه نفس الحاجة درت توجهت المركز حتى جاني اتصال من عند البائع قالي بلي السيد جا توجهت انا وشوقي و اسعد لعين المكان تلاقينا السيد دخلنا لدارو فين كاين الحاسوب لي مخدمو مع الكاميرا وبقينا نرجعوا حتى ليلة أمس وهكذا بقينا نلاحظوا حتى كيبان لينا الضحية خارج من الحانوت شوية حتى ....يتبع

15/06/2024

بانوا هنا غدا اول قصة : الطريق الى الهلاك

قصة الطريق الى الهلاكقريبا ...- كونوا في الموعد
15/06/2024

قصة الطريق الى الهلاك
قريبا ...

- كونوا في الموعد

قصة مهدي وأسماءكنت كنقلب على خدمة، مخليت فين دفعت، حتى واحد مكيعيط ليا. واحد النهار كنت جالسة فبيتي كنقلب و هو يبان ليا ...
14/06/2024

قصة مهدي وأسماء

كنت كنقلب على خدمة، مخليت فين دفعت، حتى واحد مكيعيط ليا. واحد النهار كنت جالسة فبيتي كنقلب و هو يبان ليا الإعلان ديال واحد الراجل طالب فيه بنت لي تونسو و يهدر معها، و الخدمة مداخل فيها حتى حاجة جنسية، غير الهدرة صافي، و غادي يخلصها 3000 درهم للسيمانة. كان داير بلي فعمرو 45، و كان مداير تصويرا ديالو، بالحق كان كيبان شوية صغير فيها، كانت كتبان عندو تلاتين عام بحال هكاك.
باينة كذبة من السما و مستحيل تكون بصح. و لكن ديك الساعة مكانت عندي حتى 100 درهم فجيبي. قلت مخاسرة والو، أندوي معاه، كان دكشي هو هداك تبارك الله، مكانش، نبلوكيه و نقلب فبلاصة آخرة. سيفط ليه ميساج، و هو يجاوبني ديك الساعة.
" السلام حبيبة ^-^ "
لحمي بورش ملي قريتها، كرهتها ديك الكلمة، و لكن يلا كان هدشي بصح، 3000 درهم للسيمانة راها فلوس، مغاديا نعس مع حتى واحد، يلا كنت انتخلص غير باش ندوي معاه، شكون بحالي.
قلت ليه " السلام :) "
كانت سميتو مهدي، و قال ليا بلي عندو شركة ديالو، واخا مقالش ليا فاش خدام بالظبط. هدرنا شوية، من بعد و هو يسولني على البنك و دكشي ديالي باش يسيفط ليا الفلوس. كنت كنتسنا نفيق من النعاس و يطلع هدشي كلو غير حلم. و لكن مكانش حلم. بصح سيفط ليا الفلوس.
"باقا معايا؟"
دخلت للميساج و جاوبتو، قلت ليه "أنا معك، سمح ليا، ممكن نسولك واحد السؤال؟ شنو باغي فالمقابل؟"
بقيت كنشوف فالتليفون حتى جاوبني.
"بغيتك غير ديري شي حويج بساط و صافي ^-^ "
حسيت بدكشي ايدخل فيه الجنس ولا شي حاجة.
قلت ليه "بحلاش؟"
و هو يقول ليا "مثلا، أول حاجة أنبغيك ديريها هي تسخري ليا و توصلي ليا دكشي للدار عندي."
بان ليا الطلب مصعيبش، بالحق قلت ايكون شي قالب ولا شي حاجة. 3000 درهم باش نتسخر و نوصل ليه شي حاجة للدار، مكنتش عبيطة لديك الدرجة. سولتو واش من شي مكتب البريد ولا شنو؟ وهو يقول ليا "لا، أنسيفط ليك العنوان لي تمشي ليه، مبغيتش نهضر فهدشي هنا، عندك snapchat نهدرو فيه، ولا عطيني النمرا ديالك."
أول حاجة طاحت ليا فبالي هي بلي الميساجات كتمسحو ف snapchat. قلت من الأفضل نعطيه نمرتي. سيفط ليا العنوان ديك الساعة، و البلاصة فين نحط السخرة ديالو.
قال ليا "أنا مكينش فالدار دابا، و لكن راه أتلقاي الدوبل ديال السوارت محطوطين حدا الوردة الحمرة لي كينة فالجردة. دخلي للدار، و حطي السخرة فوق من الطابلة لي فالصالون. سورتي البيبان ملي دخلي للدار، و سورتيهم تاني ملي تخرجي."
ركبت فالطموبيل ديالي، دخلت العنوان فالتليفون و مشيت. قلت ليه أنا فالطريق. شوية عاود وصلني ميساج من عندو و قال ليا "كندوي معك بصح، سورتي البيبان بجوج، فاش دخلي و فاش تخرجي، عافاك!"
قلت فخاطري زاد فيه شوية، و صافي قلت ليه متخافش، انسورتهم.
الدار جات فواحد البلاصة زوينة و نقية، بالحق الدار كانت شوية قديمة مقارنتا مع الديور لي كينين حداها. دقيت فالباب، و هو يحل عليا واحد الراجل قدو قداش، لحمو كلو عامر بالوشام، يلاه بغيت ندوي و هو يقول ليا "من طرف مهدي؟" قلت ليه اه، و أنا مبلوكيا فبلاصتي بالخوف. قال ليا "وقفي هنا، متحركيش."
بقيت واقفة تماك كيف قال ليا، قلت ليه فخاطري بدوك الشوفات لي شفتي فيا، واخا نبغي نمشي منقدرش. بديت كندور فوجهي و أنا نرد البال بلي الدنيا خاوية تماك، مكان حتى واحد خارج. فعمري 21 عام، بنت صغيرة و فالزنقة بوحدها. شديت فسوارت الطموبيل و زيرت عليهم.
دازو شي 5 دقايق، الراجل خرج لعندي و هاز فيديه واحد الصندوق صغير. و هو يقول ليا "حلي الكوفر ديال الطموبيل"، حليتو، حط الصندوق لداخل و هو يقول ليا "صافي، سالينا، تقدري تمشي دابا". قلت ليه شكرا. ملي ضرت للجيهة لاخرة باش نحل الباب و نمشي، شاف فيا و هو يقول ليا " وحاجة آخرة ... حضي راسك"، شفت فيه، مجاوبتوش، ركبت و مشيت.
فالطريق خدمت الموسيقا و جهدتها لحدها، و مشيت للعنوان ديال دار مهدي. بديت كنغني باش ننسي راسي شوية. وصلت للدار، بقيت جالسة تماك كنشوف فالدار لي قدامي. كانت قدها قداش، و واعرة بزاف! الدخلة كلها بالرخام، زوينة و باينا مولاها لباس عليه.
خرجت من الطموبيل، هزيت الصندوق، و مشيت للدار، قلبت على الوردة الحمرة فالجردة، لقيت السوارت حداها. حليت البيبان و ملي دخلت، سديتهم.
و أنا واقفة تماك كنشوف فالدار من الداخل كيف دايرا، تفكرت دكشي لي قال ليا على حساب البيبان، و أنا نسورتهم ديك الساعة، واخا جاتني فشكل.
تميت غادا، و كنشوف فالأتات ديال الدار، كلشي فيها كان كيبان غالي، حتى من التريا بانت ليا غلا من الطموبيل عندي. مشيت للصالون و حطيت الصندوق. و أنا راجعة لجيهت الباب، سمعت التليفون ديال الدار كيصوني من شي بلاصة. تبلوكيت فبلاصتي.
ديك الساعة فيبرا التليفون ديالي، جبدتو و شفت الميساج لي وصلني.
"متجوبي حتى مكالمة من غير يلا كانت من عند نبيل"
خشيت التليفون فجيبي، و بديت غادا متبعا و كنقلب الصوت منين جاي. دخلت لشحال من بيت، حتى وصلت لفين كاين التليفون ديال الدار. شفت شكون كيعيط، طلعات ليا سميت مهدي. جاتني غريبة هاد القضية.
جبدت التليفون ديالي و عاودت قريت الميساج لي جاني. بديت كنتخلع شوية و قررت باش منجاوبش فالتليفون، غير كحتياط و صافي، خرجت من الدار، و تفكرت باش نسورت البيبان بجوج.
من ديك النهار بقيت مرة مرة كنتسخر للمهدي. واحد النهار مشيت بواحد مرسيديس لواحد الخلا فمدينة آخرة. ملي وصلت تماك، لقيت بلي خاصني نرجع بطموبيل آخرة لدار مهدي. مرة آخرة قال ليا نطلاقا مع شي ناس خدامين معاه فوقيتة الغدا و عطاوني واحد الشانطا باش نديها لديك الدار اللولة لي مشيت ليها، و قالو ليا بلي غادين يعرفو يلا حليتها و شفت شنو فيها لداخل. مرات آخرين كان كيقول ليا باش نمشي لنفس الدار و نبقى مع هداك الراجل لي كلو عامر وشام. لي طلعات سميتو سمير، كنت كنبقا غير جالسة، مكندير والو.
لحد الآن جمعت تقريبا سبعة المليون.
مؤخرا، مهدي قال ليا بلي مغاديش يكون فالدار و سولني باش ندوز الليلة تماك. فقت و لقيتو مسيفط ليا ميساج.
"بغيتك تباتي فالدار عندي هاد الليلة"
عمرني مطلاقيت بيه شخصيا، و لكن دويت معاه شحال من مرة فالتليفون. من بعدها قال ليا بلي غادي يخلصني 10,000 درهم باش نبات تماك، بالحق خاصني نتبع واحد الشروط.
مشيت لدارو ديك الليلة، الضو على برة و ديال دخلة الباب كان شاعل. حليت الباب، سديتو و سورتو ملي دخلت. كلشي فالدار كان كيبان طبيعي كيف العادة. مهدي قال ليا بلي غادي يخلي الشروط لي خاصني نتبع مكتوبين فورقة و غادي يحطها فوق الطابلة لي كاينا فالصالون. حطيت ساكي و حويجي فالصالون، حويجي كانو كيبانو بحال الزبل مقارنتا مع الديكورات الغالين لي كينين تماك.
دخلت للكوزينة باش نشرب، رجعت للصالون و شديت الورقة لي خلا ليا.
1) سورتي البيبان ملي دخلي.
2) متجاوبيش فالتليفون ديال الدار من غير يلا كانت من عند نبيل.
3) مدوري حتشي روبيني ديال الما مبين 21h و 11h.
4) يلا كان الباب ديال الخيزانة لي فالطابق التاني محلول، نعسي فالمكتبة ديالي. يلا كان الباب ديالها مسدود، نعسي فأي بلاصة بغيتي.
5) متحلي الباب لحتى واحد من ورا العشرة ديال الليل، واخا منعرف شكون يكون.
6) الجارديني كيجي مع 00h على قبل الجردة. يلا دق فالجاج، تخباي.
7) شعلي التلفازة و خليها خدامة الليل كامل. عنداك تنساي!!!
8) خودي أي حاجة بغيتي من التلاجة ^-^
9) أنخلصك بالصباح.
حاولت نتبع جميع القوانين و الشروط لي عطاني. بصراحة، بديت كندم على القرار لي خديت. و لكن، قلت فخاطري ملي أنا كينا هنا، و غادا نتخلص بالصباح، صافي مفيها باس، انصبر. قلت يلا تبعت القوانين، كلشي غادي يكون مزيان.
واكن واخا هكاك، جاني هدشي غريب، اش هدشي؟ مالي فدار مسكونة؟
معلينا، بقيت كندور فالدار، و كنت معولة نعس مع 21h، مدام العجب كلو كيبدا مع داك الوقت، من الأحسن نعس و نهني راسي. مع 20h05، غسلت سناني، طلقت الروبيني لآخر مرة قبل متوصل 21h.
طلعت للطابق التاني، لقيت باب الخيزانة محلول، هبطت، هزيت حويجي كاملين و دخلت للمكتابة باش نعس تماك. تأكدت بلي البيبان مسورتين غير حتياط، صافي و طلعت لبلاصتي، تكيت و شديت التليفون ديالي. موصلني حتى ميساج من عند مهدي، و ديك الساعة بديت كنفكر فعلاش كان عليا نتبع شروط غريبين بحال هادو فالدار.
داني النعاس، و هي دربني الفايقة مع 22h16 بالظبط، فقت حيت سمعت شي حد صونا فالباب، يلاه بغيت النوض باش نشوف شكون و أنا نتفكر القوانين.
5) متحلي الباب لحتى واحد من ورا العشرة ديال الليل، واخا منعرف شكون يكون.
حاولت نبقا فبلاصتي، كنحاول منتحركش، خايفة و كنتقفز لأي صوت كنسمعو.
"البوليس!! حلي الباب."
متحركتش.
"السلام، البوليس هادا! حلي و لا غادي ندخلو عليك."
بقيت جالسة فبلاصتي، متحركتش. كنحس بقلبي كيضرب على الجهد.
من البعد كان السقيل، شوية الباب صونا عوتاني.
"السلام، راه مهدي، حلي ليا الباب!"
صوتو جاني كيشبه لصوت مهدي، و لكن بالرغم من هدشي متحركتش من بلاصتي. يلا كان هو، غادي يكون عندو السوارت ديال الدار، ياك؟ علاش غادي يبغيني أنا لي نحل عليه؟
هدشي بقا غادي هاكا لتقريبا شي ساعة، ناس مختالفين كيجيو، كيصونيو، و ملي مكنجاوبش، كيمشيو.
من بعد داني النعاس، و الجارديني مجاش.
ملي فقت بالصباح، سمعت شي حد فالكوزينة. نضت بشوية، و حليت الباب ديال المكتبة بشوية باش منديرش الحس، خديت التليفون ديالي، و تميت غادا لجيهة الكوزينة.
وقفت قدام الباب ديالها و طليت.
كان مهدي! كان جالس حدا الطابلة و كيشرب فكاس ديال القهوة. هز راسو و هو يشوفني. بتاسم و قال ليا "صباح الخير". معرفتش شنو نقول ليه، جاوبتو بعليكم السلام. هادي كانت أول مرة أنشوفو شخصيا، كان كيبان بالظبط بحال التصويرة لي كان مداير فالإعلان.
"بغيتي نطيب ليك شي حاجة تفطري بيها؟"، قلت ليه واخا، يلا جات على خاطرك. سايب ليا معاه، و ملي خديت الطبسيل من عندو، قلت ليه شكرا.
كليت و شربت القهوة حتى أنا و الوقت كلو لي كنت كناكل فيه، مقلت حتشي كلمة.
"إيوا، قولي ليا، كيف كان دكشي؟"
قلت ليه عادي، حتى حاجة غريبة موقعات. قال ليا "مزيان". و بقينا ساكتين. شوية و أنا نقول ليه بلي خاصني نمشي دابا. واخا مكان عندي ميدار داك النهار و لكن كنت باغا غير الوقت لي نخرج فيه من ديك الدار.
و هو يقول ليا "لاااا، متقوليهاش، صافي مشي مشكيل، خلي حتال مرة آخرة و نهدرو."
هزيت حويجي، و خرجت. ملي ركبت فالطموبيل، ضرت نشوف الدار و أنا نلقاه واقف فالدخلة كيشوف فيا.
ملي وصلت للدار، لاحظت بلي ديك الورقة لي فيها القوانين لي خاصني نتبع باقا عندي.
7) شعلي التلفازة و خليها خدامة الليل كامل. عنداك تنساي!!!
7) شعلي التلفازة و خليها خدامة الليل كامل. عنداك تنساي!!!
عنداك تنساي!!!
بقيت كنشوف فدوك الكلمات، كنقراهم و نعاود نقراهم.
فيبرا ليا التليفون فجيبي و خلعني. قلبت الكونط ديالي فالبنكة، لقيت بلي الفلوس وصلوني، 10,000 درهم.
شفت فالتليفون، شفت فالورقة. قلت فخاطري يمكن داك القانون مكانش مهم؟
وأنا كنفكر فيها، وصلني ميساج من عند مهدي فيه:
"أنا مكينش دابا فالمدينة، نقدر منرجع حتال السيمانة الجايا، راه سيفط ليك الفلوس، سيري شري ليك شي حاجة زوينة و برعي راسك ^-^ "
بقيت كنشوف فالميساج، و نعاود نقرا فيه.
و نعاود نقرا فيه، و عاودت نقراه تاني باش منفلت حتى حاجة.
"أنا مكينش فالمدينة دابا"
فكرت فشنو وقع بالصباح، و كيف أن مهدي كان معايا فالدار، و فطرنا مع بعضياتنا.
"أنا مكينش فالمدينة دابا"
دازت شي خمسة الدقايق، و هاد المرة جاني ميساج من واحد النمرة معنديش و مكنعرفهاش.
"منسيتي والو؟ ^-^ "
تابعاها واحد التصويرة ديال مهدي و لا منعرف شكون، مصور حدا التلفازة، مجوبتش.
من بعد وصلاتني تصويرة آخرة من نفس النمرة، كانت تصويرة ديال الدار لي ساكنة فيها.
تابعها ميساج آخر.

"حضي راسك."

يتبع تفاااعلوووو خليو جيم ومتابعة لصفحة باش يوصلكم جديد القصص لي كانحط 💯💋💋💕

في البرازيل زرع هذان الزوجان ٢ مليون شجرة و قاموا بتحويل هذا المكان إلى غابة خلال 18 سنة. 💚😇
12/06/2024

في البرازيل زرع هذان الزوجان ٢ مليون شجرة و قاموا بتحويل هذا المكان إلى غابة خلال 18 سنة. 💚😇

01/06/2024

زينوا الفيسبوك بعلم فلسطين 🇵🇸

🟥⬛️⬛️⬛️⬛️⬛️⬛️⬛️⬛️⬛️⬛️⬛️⬛️⬛️
🟥🟥⬛️⬛️⬛️⬛️⬛️⬛️⬛️⬛️⬛️⬛️⬛️⬛️
🟥🟥🟥⬛️⬛️⬛️⬛️⬛️⬛️⬛️⬛️⬛️⬛️⬛️
🟥🟥🟥🟥⬜️⬜️⬜️⬜️⬜️⬜️⬜️⬜️⬜️⬜️
🟥🟥🟥🟥🟥⬜️⬜️⬜️⬜️⬜️⬜️⬜️⬜️⬜️
🟥🟥🟥🟥⬜️⬜️⬜️⬜️⬜️⬜️⬜️⬜️⬜️⬜️
🟥🟥🟥🟩🟩🟩🟩🟩🟩🟩🟩🟩🟩🟩
🟥🟥🟩🟩🟩🟩🟩🟩🟩🟩🟩🟩🟩🟩
🟥🟩🟩🟩🟩🟩🟩🟩🟩🟩🟩🟩🟩🟩


31/05/2024

شكرًا لكونك أحد أبرز المتفاعلين ودخولك إلى قائمة التفاعلات الأسبوعية الخاصة بي! Souad Sø, Hicham Jou, Post Oussama

23/05/2024

سؤال: ماهي الكلمتان الخفيفتان في اللسان ثقيلتان على الميزان حبيبتان إلى الرحمان

23/05/2024

إقترب لعيد:

اللهم لا تكسر رجلا امام اولاده في هاد لعيد
اللهم ولا تحرم يتيما ولا فقير من فرحة لعيد💔🥹

Address

Imilchil

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Telephone

+212623141142

Website

Alerts

Be the first to know and let us send you an email when هشام للتقنية hicham tech posts news and promotions. Your email address will not be used for any other purpose, and you can unsubscribe at any time.

Contact The Business

Send a message to هشام للتقنية hicham tech:

Shortcuts

Share

Category