07/10/2025
واحد السيد فصباح كايعاود ليا على شي مول البيض قاليا: كنت غادي نصلي العشاء وبان ليا حل دخل عندو قاليه: بشحال البيض قاليه: كاين هذا بـ24 ريال وكاين هذا بـ28 ريال..
🥚 قاليا: بان ليا ديال 28 ريال مزيان، قاليه: دير ليا شي پلاطو من هذا ديال 28 ريال حتى نخرج من المسجد ونخلصك..
🥚 السيد صلى العشاء وجا عند مول البيض لقاه جمع ليه الپلاطو خلصو فيه ومشا للدار..
🥚 ملي وصل للدار حل داك الپلاطو لقاه مخلط بديال 24 ريال والسيد طلع ليه الدم وكايعاود ليا قاليا: مابقيتش كانحمل داك المحل بسبب هاد الفعل لي دار ليا ومغاديش نسمح ليه..😤
🥚 رسالة للتجار.. شوية الصدق والأمانة، الله يجازيكم بالخير، واش معارفينش أن النبي ﷺ قال: "من غشنا فليس منا" رواه مسلم.
🎖 بسبب هاد الأفعال الناس مابقاتش كاتيق فمحلات البيع والشراء.. الناس فقدات الثِقة إلا من قليل..
اتقو الله واتقو يوما تُرجعون فيه إلى الله..💔
