29/09/2025
أنا تزوجت بخاليجي فالعمر ديالي 36 سنة، وربي عالم أني ماكانش قصدي طمع وإنما كنت باغا نأسس أسرة ونعيش حياة مستقرة. قضيت معاه حوالي 8 سنين، ومن بعد توفى الله يرحمو. ولكن ملي وصلنا لمرحلة ديال الورث تفاجأت أنه كان مطلقني فنهار اللي وصلت عندو فيه، وهادي صدمة كبيرة بالنسبة ليا.
دابا أنا عندي 44 سنة، العمر داز وضاع مني، ولكن ولادو جزاهم الله بالخير عطاوني واحد البركة من عندهم حيث بقيت فيهم. السؤال اللي محيرني دابا واش نرهن؟ ولا نكري؟ ولا شنو ندير بهاد لفلوس؟ أما الشرا، اللي عندي مايكفيش.
وبغيت نصيحة منكم حتى فالمجال اللي ممكن نخدم فيه باش نقدر نصرف على راسي ونعيش بكرامة. الله يسهل على الجميع.
