Nokhab Sahara - نخب الصحراء

Nokhab Sahara - نخب الصحراء منصة إخبارية تعنى بشؤون الصحراء تجدد على مدار الساعة

الجمعيات والنقابات تفقو بالإجماع على التقدم بمراسلة لوالي الجهة باش يوضح ليهم سبب إقصائهم من اللقاء التشاوريمدينة العيون...
16/11/2025

الجمعيات والنقابات تفقو بالإجماع على التقدم بمراسلة لوالي الجهة باش يوضح ليهم سبب إقصائهم من اللقاء التشاوري

مدينة العيون عرفات هذ العشية الموافق لـ 15 نونبر 2025، توافق بالإجماع من بين عدد من الهيئات الجمعوية والنقابية، من بعد ما دارو إجتماع فمقر الجمعية المغربية لحماية المستهلك مع ديك الخمسة ديال لعشية. هاد اللقاء خرج بقرار صياغة مراسلة رسمية موجّهة للسيد والي جهة العيون الساقية الحمراء، عامل إقليم العيون، باش يوضح ليهم فيها سبب هذ الإقصاء لي...

👇المقال كامل فأول تعليق

16/11/2025

🔴 الجمعيات والنقابات تفقو بالإجماع على التقدم بمراسلة لوالي الجهة من أجل التوضيح بخصوص الإقصاء من اللقاء التشاوري.

ولاية العيون والجيل الجديد من الأخطاء التواصلية … نمنعك من الحضور ولكن نصيفط لك باش تنشر !! فالأخير، هاد الواقعة ماشي غي...
16/11/2025

ولاية العيون والجيل الجديد من الأخطاء التواصلية … نمنعك من الحضور ولكن نصيفط لك باش تنشر !!

فالأخير، هاد الواقعة ماشي غير حدث عابر، بل رسالة مُقلقة حول مستقبل الحكامة الترابية والتواصل العمومي فمدينة العيون، المنع عمرو كان حل والإقصاء ماشي من شيم رجال الدولة، رجل الدولة الحقيقي هو الرجل لكيتمتع بروح الحوار وروح التوازن والموازنة... ماشي انتهاج سياسة الإقصاء والمنع لي غير كيزيد يأزم الوضع ويسخط الناس، اليوم وفظل المغرب الحديث القرار العمومي وبناء نموذج تنموي فعلي ومندمج، محتاج لمقاربة تشاركية حقيقية ماشي شكلية مبنية على ميولات شخصية ورغبات ذاتية، اليوم خص اعادة النظر فالتعامل مع المنظومة الإعلامية المحلية وخص يكون عندها بلاصتها الطبيعي كأي شريك، دون إقصاء أو تهميش...

👇الخبيرة كاملة فأول تعليق👇

15/11/2025

🔴 ميناء بوجدور … بين غنى البحر وفقر الإنسان : حكاية مرسى يضيق بأهله وسط خيراتٍ لا تُعدّ ولا تُحصى

🎞️ تقرير : هدية الرافع، كريم تكنزا، لارباس الرگيبي

14/11/2025

🔴مسيرة تنموية متجددة بالصحراء .. محمد الإمام ماء العينين، القنصل الفخري لدولة العاج ورجل الأعمال، يشيد بالتحولات الكبرى للأقاليم الجنوبية ويهنّئ جلالة الملك

🔴 شاعلة بسباب اللقاء التشاوري فالعيون .. دخلو تشوفو شواقعهاد الليلة شاعلة فمواقع فالفايسبوك وفگاع مواقع التواصل الإجتماع...
14/11/2025

🔴 شاعلة بسباب اللقاء التشاوري فالعيون .. دخلو تشوفو شواقع

هاد الليلة شاعلة فمواقع فالفايسبوك وفگاع مواقع التواصل الإجتماعي، بسبب السخط الكبير ديال الناس والفاعلين والجمعويين لي حسّو براسهم اليوم خارج اللعبة التنموية، بعدما تقصّاو كل الإقصاء وكاملين من اللقاء التشاوري لي اعتبروه شي وحدين “لقاء الفضيحة”، وشي وحدين آخرين وصفوه بـ”اللقاء السري” لي معندو تا علاقة بروح المقاربة التشاركية...

👇التبرگيگة كاملة فالرابط فأول تعليق

🔴گالك اسيدي اللقاء التشاوري لي دار فالعيون تحول للقاء مغلق قصاو فيه كولشي وجمعوا فيه غير هوما بيناتهم ..اليوم وللأسف الع...
13/11/2025

🔴گالك اسيدي اللقاء التشاوري لي دار فالعيون تحول للقاء مغلق قصاو فيه كولشي وجمعوا فيه غير هوما بيناتهم
..اليوم وللأسف العيون ولات عبارة عن فضاء مقجوج وفضاء مهيمن عليه رغم ما وصل ليه من تنمية وإزدهار وشوارع مزوقة وساحات مفرقة ووو... إلا وكيبقى فضاء ممل وفضاء فيه ممارسات لا تنم عن التنمية ولا حتى على الديمقراطية واليوم هدشي لي وقع فالولاية مكيتمشاش مع المغرب الحديث ولا حتى مع رؤية ديال سيدنا الله ينصرو والله يحفظو لينا...

🔻المقال كامل مكمول غتلقاوه فأول تعليق فالسطر🔻

13/11/2025

🔴 العيون .. الإقصاء من اللقاء التشاوري يشعل فتيل غضب فعاليات مدينة بالعيون

😳 شعلات البارح فاللقاء التشاوري ديال الداخلة .. والمنتخبين مفهموا والو، لدرجة شي وحدين ركبهم الشلل فكرسي لي گالسين علي...
12/11/2025

😳 شعلات البارح فاللقاء التشاوري ديال الداخلة .. والمنتخبين مفهموا والو، لدرجة شي وحدين ركبهم الشلل فكرسي لي گالسين عليه نتيجة لداكشي اللي تگال

بارح شهدات مدينة الداخلة واحد من أهم اللقاءات التشاورية اللي كتساهم فبلورة جيل جديد من البرامج التنموية الترابية المندمجة، فإطار التوجيهات الملكية السامية لصاحب الجلالة محمد السادس نصره الله، واللي كتركّز على سقل الرؤية التنموية باش تولي منسجمة مع التحولات المجتمعية والاقتصادية والاجتماعية اللي كتعرفها بلادنا. الهدف هو تحقيق تنمية عادلة ومندمجة، كتستجيب لتطلعات المواطن المغربي وتواكب التحولات الكبرى اللي كيشهدها النموذج التنموي الجديد.

اللقاء حضرو فيه الوالي إلى جانب الخطاط ينجا رئيس الجهة، والراغب حرمة الله رئيس الجماعة الترابية للداخلة، وسيدي صلوح الجماني البرلماني، وعدد من رؤساء المصالح الخارجية والمنتخبين والبرلمانيين. الحضور كان وازن، والبروتوكول حاضر، ولكن النقاش فهذ المرة خرج عن النمطية والرتابة اللي كتعرفها اللقاءات الرسمية.

المراقبين والمحللين السياسيين صنّفو اللقاء على أنه واحد من أكثر اللقاءات التشاورية ديمقراطية فجهات الصحراء، بحيث كل الفئات الاجتماعية خذات الكلمة بحرية غير مسبوقة: من البطّال للمثقف، من الفاعل الجمعوي للمناضل السياسي. الكلمة كانت مفتوحة، والمايكروفون تحوّل لرمز ديال المشاركة المواطِنة.

البداية كانت كلاسيكية، بتقديم من مدير المدرسة الوطنية للتجارة والتسيير والمندوب الجهوي للتخطيط، اللي عرضو بالأرقام نقاط القوة والضعف فالمشاريع الجهوية. ولكن منين تسلّم الكلمة المواطنون، تحوّل اللقاء إلى ما يشبه “برلمان شعبي” على الهواء الطلق.

أول مداخلة هزّت القاعة كانت ديال واحد البحّار، اللي خرج فخطاب جريء فوجه المنتخبين، وانتقد التهميش اللي كيعاني منو أبناء الداخلة فالتوظيف والإدارة. قال بالحرف: “الداخلة ما بقاتش كتسيرها ناسها، ولات كتحكم فيها مافيات من الرباط ومن مدن الشمال.” كلامو كان قوي، مليء بالرموز السياسية والاقتصادية، ووجّه أصابع الاتهام نحو منظومة الزبونية والمحسوبية اللي كتخنق الكفاءات المحلية.

زاد البحّار وقال: “كتمنعو القوارب المعيشية بحجة استنزاف الثروة البحرية، وساكتين على سفن البيلاجيك اللي كتمسح البحر ومساحتو معاه!”، فهنا تحرك النقاش، وبدات الوجوه الرسمية كتتبدّل، وبعض المنتخبين بقوا غير كيتبادلو النظرات بحذر، حيت الرسالة كانت واضحة: الشعب فاهم اللعبة.

من بعد جات مداخلات أخرى بنفس الحِدّة، كتفضح غياب العدالة المجالية واحتكار المناصب من طرف أبناء الأعيان. شاب آخر قال: “السياسة فهاد البلاد ولات توريث، بحال البقع فطريق زعير، خاصها تتفكّر من جديد وتتحرّر من الاحتكار.”
هاد الجملة كانت أشبه بطلقة رمزية فوجه الطبقة السياسية التقليدية.

وجات مداخلة صحفي محترف، اللي بأسلوب رصين قال: “خصنا فضاء للصحافة المحلية، لأن الإعلام هو السلطة الرابعة، وهو شريك أساسي فالحكامة الترابية الرشيدة.” وانتقد ضعف أداء بعض الجماعات القروية اللي ولات مجرد آلية لاستنزاف الميزانيات بدل إنتاج التنمية.

فالجانب الآخر، تميّز اللقاء ببرودة أعصاب السيد الوالي، اللي أبان على حس تواصلي عالي ومقدرة على الاستماع، واستوعب مختلف المداخلات بنضج رجل الدولة. فالمتتبعين شافو فيه نموذج للمسؤول اللي كيخدم بتبصر وكيوازن بين لغة الدولة ولغة الشارع، واللي فاللقاء تلقى بزاف ديال الشكر على خدمتوا بحكم أنو كان رقم صعيب فالمعادلة التنموية لي شهدتها مدينة الداخلة ، ولي حتى الشاب الراغب حرمة الله كان فيها كرقم، بحكم تموقعوا على رأس جماعة الداخلة، ولي تأكد مرة أوخرى أنه نموذج للشباب السياسي الواعي، اللي قدر يبرهن أن مسألة إشراك الشباب فالحكامة المحلية ماشي مغامرة، ولكن خطوة في الاتجاه الصحيح لي بيه كتبنى الدولة وكترقى المؤسسات.

لقاء الداخلة البارح ما كانش مجرد لقاء عابر، بل كان لحظة فرز سياسي واجتماعي جديدة، كشف على أن وعي ساكنة الصحراء وصل لمستوى ناضج وبعيد، وأن صوت الناس ولات عندو مكان فالمشهد العمومي.
الداخلة اليوم كتعيش مخاض انتقال من “زمن التسيير التقني” إلى “مرحلة الحكامة التشاركية”، مرحلة كتطلب قطيعة نهائية مع صحاب الريع والزبونية لي سنوات وهوما منغمسين فالريع السياسي و الإقتصادي بلا حسيب ولا رقيب، اليوم داخلة بدات كتوجه نحو الإنفتاح على جيل جديد من الشباب والفاعلين اللي عندهم الكفاءة، الإرادة، والرغبة فخدمة الصالح العام.

🔴 محمد بوبكر بالداخلة .. القرار الأممي انتصار كبير للوطن ومرحبا بإخوانا فـتندوف فبلادهمفخرجة إعلامية، عبّر محمد بوبكر، ا...
12/11/2025

🔴 محمد بوبكر بالداخلة .. القرار الأممي انتصار كبير للوطن ومرحبا بإخوانا فـتندوف فبلادهم

فخرجة إعلامية، عبّر محمد بوبكر، العضو فمجلس جهة الداخلة وعضو فمجلس الجماعة وكذا فالمجلس الملكي الاستشاري للشؤون الصحراوية، على الفخر ديالو بالإنجاز الكبير اللي حققو المغرب تحت القيادة ديال الديبلوماسي الأول، سيدنا الله ينصرو، من بعد ما خرج القرار التاريخي...

👇المقال كامل بالفيديوا غتلقاوه فالرابط فأول تعليق👇

12/11/2025

🔴 محمد بوبكر عضو المجلس الملكي الاستشاري للشؤون الصحراء وسياسي بجهة الداخلة .. القرار الأممي انتصار للوطن ودعوة مفتوحة لأبناء تندوف للعودة إلى أرض الكرامة والعيش الكريم

🔴مستشارو سيدنا الله ينصرو دارو إجتماع مع زعماء الأحزاب باش يحطو تصور معقول لمبادرة الحكم الذاتي بالصحراء المغربيةبأمر من...
10/11/2025

🔴مستشارو سيدنا الله ينصرو دارو إجتماع مع زعماء الأحزاب باش يحطو تصور معقول لمبادرة الحكم الذاتي بالصحراء المغربية

بأمر من ملكنا العزيز والغالي جلالة الملك محمد السادس، الله ينصر، تعقد اليوم لثنين 10 نونبر 2025 اجتماع فالديوان الملكي، حضرو فيه مستشارين ديال سيدنا لي هوما الطيب الفاسي الفهري، عمر عزيمان، وفؤاد عالي الهمة، ومعاهم زعماء الأحزاب الوطنية اللي كاينين فمجلس النواب وحتى المستشارين، وكان معاهم حتى وزير الداخلية ووزير الخارجية والتعاون الإفريقي والمغاربة المقيمين برا البلاد....

👇تفاصيل البلاغ غتلقاوها فالرابط فأول تعليق👇

Address

Laayoune

Telephone

+212600196021

Website

Alerts

Be the first to know and let us send you an email when Nokhab Sahara - نخب الصحراء posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nokhab Sahara - نخب الصحراء:

Shortcuts

Share

Category