09/09/2025
كيبقا من أحسن الفيديوات لي شفت.. باش تبقى عاقل على الخير لمدة 22 سنة خاصك تكون ولد الخير وكابر في الخير، الاخ شعيب ملي كان صغير كان ساكن في الكاريان عائلتو مافحلهاش ماديا والاب ديالو بصير مكايشوفش.. شعيب عاش الفقر في الصغر ديالو ومكانش عندو باش يشري الكتوبة والدفاتر، ملي كان كيقرا في المستوى الرابع كولشي شرا اللاوازم المدرسية إلا هو كيدخل للقسم ويبدا يشوف فيهم حتى عيط عليه هاد الأستاد لي كان كايقريه شرا ليه الأدوات وكاع داكشي لي خاصو في العام كامل من ماله الخاص والجيست زوين لي دار معاه الاستاذ فاش عطاهم ليه قال ليه سير لداركم مطلعش القسم باش ميشوفكش دراري لي كيقراو معاك، من وراء هاد المدة كلها "22 سنة" رجع كيقلب عليه وهداه عمرة ليه كشكر و إمتنان على داك التعامل لي دار معاه في الصغر ولي ساهم أنه كمل قرايتو... الأستاذ دموع الفرحة نزلو ليه وعجبو الموقف لي دار معاه التلميذ ديالو فيديو للتاريخ أخويا شعيب ❤️✅
