22/08/2025
تصريح أشهر صاحب دراجة نارية في الحملة 🎙️:
لبارح كنت شاد طريق هو يشير ليا لبوليسي بيديه قال ليا وقف، قلت ليه إحترامتي وقفت لهم حيت أنا عندي لوريقات ديولي والمطور ما مپريپاري ما والو حتى لبلاكة باقي مركبتهاش حيت مزال موفات 60 يوم، المطور عندي باقي جديد و وقفت لهم بكل ثقة في النفس حيت كنحتارم الأمن وطلبو ليا لوريقات وقالو ليا أنعبرو ليك سرعة المطور وانا على نيتي طلعتو فوق ألة السرعة هو يعطيهم 74 في السرعة ما فهمت والو تصدمت، هادشي حشومة أنا خدام بيه على وليداتي باقي صغار وأنا احترمت الأمن ملي عيطو عليا وقفت لهم ماشي أنا لي مشيت نعبر الدراجة ديالي، ملي سولوني كيف جاك هادشي قلت لهم هادشي مزيان حيت حنا ناس بعقولنا ماشي من داك نوع لي كنجريو بالمطور وكنديرو بيه ألعاب بهلوانية ولا كنهرب البوليس أنا أحترمتهم أنا راه فعمري 57 سنة، ملي جيت عندهم هاد صباح مكاينش لي استشر معايا وانا دبا وقفوني على خدمتي هادشي راه حشومة اللهم إنا هذا منـ..ـكر، 10 سنين وأنا في الديار الإطالية عمرني تحـ..ـكرت حتى جيت لبلادي وهادشي كيطيحو فيه غير ناس المزيانين ولي داخلين سوق راسهم وأنا المطور كنترزق بيه على وليداتي 🤷♂️
