Videos Time

Videos Time Contact information, map and directions, contact form, opening hours, services, ratings, photos, videos and announcements from Videos Time, Video Creator, oujda, Oujda.
(1)

انا عروسة جديدة نشرت ملابسي داخليا رجعت لقيتهم هكا😭💔 شنو هادشي ؟؟! 😳😭
09/06/2026

انا عروسة جديدة نشرت ملابسي داخليا رجعت لقيتهم هكا😭💔 شنو هادشي ؟؟! 😳😭

البنات أنا تعرفت عليه فواحد القهوة كلاص فمراكش كيكونو فيها غا الناس لي لباس عليهم، هو جاني ديريكت قال ليا الى بغيتي زواج...
09/06/2026

البنات أنا تعرفت عليه فواحد القهوة كلاص فمراكش كيكونو فيها غا الناس لي لباس عليهم، هو جاني ديريكت قال ليا الى بغيتي زواج المتعة مرحبا اما يديرني فالوراق قال ليا ميمكنش حيت هو مزوج فالامارات و مبغاش المشاكل، و بغا يكتب ليا واحد الدار عندو فمراكش و يعطيني الفلوس ندير مشروع ديالي، انا فكرت بعقلية و قلت واقلة نستغل الفرصة، و لكن خايفة يكون هادشي حرام و لا ممقبولش فالدين ديالنا.

أنا ماكنت باغا نحكي هاد الشي، ولكن بصراحة وليت محتارة… تزوجت عن حب وراجلي فالأول كان عادي، ولكن مع الوقت لاحظت عليه تصرف...
09/06/2026

أنا ماكنت باغا نحكي هاد الشي، ولكن بصراحة وليت محتارة… تزوجت عن حب وراجلي فالأول كان عادي، ولكن مع الوقت لاحظت عليه تصرفات غريبة.
دايما كيقول ليا أحسن حاجة فالمرأة هي رجليها، وكيبان عليه كيعشق رجليا بطريقة زايدة على القياسز، صراحة بعض المرات كيشكرني بكلام زوين وكنحس براسي فرحانة، ولكن فمرات أخرى كيبدا يقول شي هضرة ويدير تصرفات كتوصل لدرجة انه كيبغي ياكل رجليا فعليا وليت كنشك واش طبيعي
وليّت كنقول مع راسي واش ندير ليه خاطرو ونسكت، ولا خاصني نواجهو ونقول ليه واش نتا طبيعي؟ ولا نمشيو نشوفو شي طبيب؟
بغيت نعرف، واش هدشي اللي واقع معايا طبيعي؟ ولا عندي الحق نتقلق؟

#رسائلكم #منقول

‎نعاود ليكم على التجربة ديالي مع التعدد ‎الحمد لله أنا متزوج من عام 2006 بالزوجة اللولة‎ومن بعد فـ 2012 تزوجت الزوجة الث...
07/06/2026

‎نعاود ليكم على التجربة ديالي مع التعدد
‎الحمد لله أنا متزوج من عام 2006 بالزوجة اللولة
‎ومن بعد فـ 2012 تزوجت الزوجة الثانية
‎وفـ2018 تزوجت الزوجة الثالثة
‎والزوجة الرابعة تزوجتها فـ 2024
‎
‎بصراحة الخوت التعدد فيه راحة نفسية وفيه خير كبير، والله الرزق كيزيد مع التعدد وما كينقصش، والراحة النفسية حتى هي كتزاد
‎
‎أما بالنسبة للسكن، أنا عندي دار مكونة من 4 طوابق
‎كل زوجة عندها دار ديالها بوحدها
‎
‎ما خاصش الراجل يبقى أسير لمرأة وحدة، هاد الشي فيه ظلم
‎تعددوا الله يبارك فيكم، تعددوا.

#رسائلكــــــــم #رسائلكم #منقول

أنا مزال عاد متزوجة دبا سيمانة وعندي واحد المشكل شوية صعيب… راجلي كياكل دغيا وأنا كناكل بشوية. ملي كنجلسو ناكلو بجوج، هو...
07/06/2026

أنا مزال عاد متزوجة دبا سيمانة وعندي واحد المشكل شوية صعيب… راجلي كياكل دغيا وأنا كناكل بشوية. ملي كنجلسو ناكلو بجوج، هو كيسالي الماكلة وأنا ما كيخلي ليا والو، وهو ما كينتبهش لهادشي. وأنا كنتقلق بزاااف وكنحس بحالو ما مهتمش بيا.
الله يخليكم بلا ما شي حد.يضحك عليا، حيت هاد الموضوع مأثر على نفسيتي بزاف.

#رسائلكــــــــم #رسائلكم #منقول

‎سيمانة لي فاتت خطيبي قالي خاص قبل ما نديرو الفاتحة والعقد نجيبلو شـهادة العذ...رية، نهار الثلاثاء مشيت جبتها وعيطت ليه ...
07/06/2026

‎سيمانة لي فاتت خطيبي قالي خاص قبل ما نديرو الفاتحة والعقد نجيبلو شـهادة العذ...رية، نهار الثلاثاء مشيت جبتها وعيطت ليه تلاقينا، خرجت الورقة من صاكي وعطيتها ليه وقلتلو هنا كاتسالي القصة والله يرزقك من جهة أخرى، ملي رجعت بدا كيتهمني فشرفي ومشيت وخليتو، ودابا من البارح وهو كيعيط ويصيفط المساجات. ملي عاودت لماما مشات هدرت مع بابا وعيط ليه قال ليه يجي يدي حوايجو وما بقا بيناتكم حتى حاجة ، صاحبتي قالت علاش درتي هكا، راه ما فيها والو، بزاف ديال البنات كيجيبو هاد الشهادة لرجالهم، وأنا بغيت غير نسول المتزوجات واش حتى هوما دارو هاد الشهادة قبل الزواج ولا غير هو لي كان باغي يفهم عليا.

#رسائلكــــــــم #رسائلكم #منقول

أنا خديجة، عندي 32 عام، وهاد السر مخبيتو 10 سنين...تزوجت وأنا صغيرة، وكنت كنحب راجلي بزاف. عشنا أيام زوينة وصعيبة بحال أ...
07/06/2026

أنا خديجة، عندي 32 عام، وهاد السر مخبيتو 10 سنين...
تزوجت وأنا صغيرة، وكنت كنحب راجلي بزاف. عشنا أيام زوينة وصعيبة بحال أي زوجين، ورزقنا الله بولد وبنت.
منذ مدة، مرضات أمي مرض خطير واحتاجات عملية مستعجلة. كنت محتاجة الفلوس وما بغيتش نزيد نثقل على راجلي لأنه كان أصلاً غارق فالديون.
بعت الذهب ديالي كامل باش ننقذ أمي، وخبيت عليه الأمر. قلت غير من بعد نخبره.
دازت الشهور والسنين، وكل مرة كنت كنقول غداً نقولها ليه.
هاد الأسبوع، عرف الحقيقة بالصدفة من أختي.
توقعت يغضب بسبب الذهب، ولكن الصدمة كانت فشي حاجة أخرى. قالي: "علاش ما وثقتيش فيا؟ علاش خبيتي عليا هاد الشي عشر سنين؟"
ومن داك النهار وهو ساكت ومتبدل معايا.
أنا كنت باغية نحميه من الهم، وهو كيشوف أنني خنت الثقة ديالو.
واش أنا غلطانة حيث خبيت عليه الموضوع؟ ولا هو خاصو يقدر الظروف اللي كنت فيها؟

#رسائلكم #منقول

أنا راجل متزوج من 7 سنين، فالأول كانت حياتنا زوينة وكلشي مزيان، مع الوقت تبدلات مرتي، وولات كتغوت عليا على أبسط حاجة، وم...
07/06/2026

أنا راجل متزوج من 7 سنين، فالأول كانت حياتنا زوينة وكلشي مزيان، مع الوقت تبدلات مرتي، وولات كتغوت عليا على أبسط حاجة، وما بقاتش كتحترمني قدام الدراري ولا قدام العائلة.
كنت كنصبر ونقول يمكن عندها ضغوطات، ولكن الوضع زاد سوء، إلا دخلت للدار وماجبتش شي حاجة قالت عليا بخيل، وإلا سكت قالت ماكنهضرش، وإلا هضرت قالت كنقلب على المشاكل.
نهار مرضت وبقيت أسبوع فالدار، كنت كنتسنى منها كلمة زوينة ولا شوية اهتمام، ولكن حسيت براسي بوحدي، فداك النهار بديت كنفكر: واش هاد الزواج باقي فيه معنى؟
مرة جلسنا نهضرو بصراحة، وقلت ليها بلي معاملتها كتوصلني بزاف، تفاجأت ملي بقات ساكتة ومن بعد بدات كتبكي، وقالت ليا أنها حتى هي حاسة بالتعب والضغط ومالقاتش كيفاش تعبر.
من تما بدينا نحاولو نفهمو بعضياتنا أكثر، ما تبدلش كلشي فنهار واحد، ولكن على الأقل رجعات بيناتنا الهضرة والاحترام.
دابا بغيت نعرف رأيكم: واش الصبر هو الحل؟ ولا كاين وقت خاص الإنسان يوقف ويقول كفى؟

#رسائلكم #منقول

تزوجت بسيد الرجال لقيتوا فالفراش زيرو. أنا تزوجت فشهر 5 درت العقد شهر 8 عاد درت العرس ومشيت مع راجلي جلست معاه 10 أيام ا...
06/06/2026

تزوجت بسيد الرجال لقيتوا فالفراش زيرو.
أنا تزوجت فشهر 5 درت العقد شهر 8 عاد درت العرس
ومشيت مع راجلي جلست معاه 10 أيام السيد عندو شي مشكل هاد 10 كاملة 3 د المرات لي حاول يدخل بيا وماقدرش من غير مرة وحدة ومادخلش بيا مزيان ناض السيد كيقلب على الد***م قلتلو را مادخلتيش مزيان جلس معايا مور هادشي سيمانة ماحاولش مرة أخرى بدعوى انه عيان مرة أنا كيضرني خليني نرتاح وبدا كيتعامل معايا خايب نهار قبل المشكل الكبير جلست معاه هضرت معاه قتلو علاش درتي هاكا قاليا أنا توسوست حيت ماخرجش الدم قلتلو نمشيو عند الطبيبة وهي غاتقولك شكاين مشينا قالتلو السيدة مافيها والو ناض السيد مع ذالك هزني وحطني فدارنا قالك ماكايتيقوش هو ومو بالأطباء وماكايتيقوش بشهادة طبية حيت كنت دايراها قبل العرس نضت مشيت عاودت درت شهادة طبية اخرى لقيت بلي السيد ماوصلش أصلا للبكارة وبلي مازالة بنت صورتها صيفطتهالو هزها السيد مشا دفع عليا طلاق الشقاق قبل البناء وكاتب فالمحضر بلي أنا كنرفض يعاشرني ورفضت أنه يختلي بيا ودابا كيطالب بنصف الصداق فيدني الله يرحم الوالدين.

#رسائلكم #منقول

البنت دارت طلب الرحلة عبر التطبيق، وياسين مسكين وصل للمكان، ركبات البنت وركب معاها واحد الشاب (اللي غايبان من بعد بلي عس...
06/06/2026

البنت دارت طلب الرحلة عبر التطبيق، وياسين مسكين وصل للمكان، ركبات البنت وركب معاها واحد الشاب (اللي غايبان من بعد بلي عسكري مزال خدام). تحركات الطوموبيل، وتحرك معاها الغدر؛ فجأة، ومن اللور، امتدت يد المتهم الرئيسي وجر حبل غليظ دورو على عنق ياسين، خنقو بدم بارد والطوموبيل غادية، والدافع؟ طمع أعمى باش يشفروا ليه الطوموبيل، التليفون، وسنسلة د الذهب!
ياسين لاحوه فالكراسا د اللور، ما ماتش ديك الساعة، بقى كيحتضر وكيصارع الموت فصمت مرعب. وبكل خسة ونذالة، المتهم الرئيسي شد الكيدون وزاد بالطوموبيل والضحية موراه كيموت، ومشا حتى لمدينة سلا فين حط صاحبتو (خليلته)، ورجع عاوتاني لجهة الدار البيضاء. هاديك الليلة كاملة، هاد المجرم دار بالطوموبيل (وجثة ياسين لداخل) عند صحابو وعائلتو (منهم خالو اللي فالقوات المساعدة - البلير)، مجمع مع هاداك وضاحك مع هذا، وبلا ما تهز فيه حتى ذرة د الإنسانية.
الجريمة البشعة.. حرق الجثة باش يمحيو الحقيقة
ما بغاتش تسالي البشاعة د هاد النفوس المريضة عند الخنق والسرقة؛ بل قادتهم الدناءة ديالهم لأبعد من ذلك. توجهوا بالضحية لمنطقة "دار بوعزة" (أولاد عزوز)، وتما، فالمشهد اللي تيبورش اللحم، كبوا عليها البنزين وشعلو العافية فجثــ ة الشاب ياسين كاملة، فمحاولة يائسة باش يطمسوا معالم الجريمة وماتعرفش الهوية ديالو.

ملي طاح فالمصيدة د رجال الدرك الملكي، حاول هاد المتهم الرئيسي قدام النيابة العامة وقاضي التحقيق يلبس قناع الضحية، ويدعي بلي مريض نفسي (بسيكوباط) وبلي كان تحت تأثير المخدرات وما عاقل على والو. ولكن كواليس المحكمة فضحاتو وسقط القناع؛ حيت شافوه كايضحك ويتسامر مع خليلته بكل برود، بحال إلى هاد الروح اللي زهقوها ما عندها حتى قيمة!
العدالة كتحرك.. والقصاص جاي
التحقيقات العميقة كشفات المستور، وطاحو فالمصيدة شبكة مكونة من 9 د الناس (7 د الرجال وجوج عيالات)، وتفرقات التهم ديالهم بين القتل العمد، التمثيل بجثة، الاختطاف، وعدم التبليغ.
واليوم، قاضي التحقيق قرر يصيفط 6 منهم رهن الاعتقال الاحتياطي لسجن عكاشة فكازا، فانتظار الكلمة الأخيرة د القضاء العادل.
💔 مات ياسين شهيد وهو كيطلب رزقه، وخلا وراه عائلة محروقة وقلوب مكلومة. نسأل الله أن يرحمه برحمته الواسعة ويسكنه فسيح جناته، وكنطالبو بأشد العقوبات لهاد القتلة باش يكونوا عبرة لأي واحد كتسول ليه نفسو يسترخص أرواح الأبرياء.

#إندرايف

Address

Oujda
Oujda
6000

Website

Alerts

Be the first to know and let us send you an email when Videos Time posts news and promotions. Your email address will not be used for any other purpose, and you can unsubscribe at any time.

Shortcuts

Share

Category