29/05/2024
المغرب مني تنسمعو هاد لإسم تنتقسمو لزوج دناس لأول تيسمعها تيحس بالوطنية و تيشوف لون لحمر ولخضر هادا هو لي عطاتو لبلاد شي حاجة يا إما باه فلان ولا تيعرف شي حد ولا هدا مكيف شي سلعة جديدة من عند سيمو لمهم نمشيو لنوع تاني لي منهم انا سميتي وداكشي من بعد لمهم ديك لكلمة تنسمعها تنتشائم حيت معطاتنا والو بروجولا مخلينا مدرنا قرينا تخرجنا قلبنا دماغنا حفيناه معاهم والو قرينا حتى طابو رجلينا وحطينا فراشة فراس درب ولمشكل هو حتى ديك لفراشة مخلاوكش تحطها لمغرب وي لا تستغرب لمهم غيرتها قلت نتعلم شي حرفة بديت مع شي بنايا يديا طابو هادشي خاصك تولف عليه فصغرك دبا معندو مين يدخل دماغك عمرتيه بحروف و أرقام مساوين بنسبة لهاد ناس والو شفت خدمة أخرى لي ساهلة شويا درت سيكيريتي فواحد لفيلات ليل كامل بارك شاد كرسي لبرد شتا صيف ديما نتا لمسكين لي معندو حيلة لي جات تتضرك لمهم مغيرها ومحرك حتى يدير لله تاويل ديال لخير لواليد خدام وحتى خويا لكبير تيصرفو على دار لواليدة و ختي صغيرة وخويا أنا متنعطيهم والو أصلا داكشي لي تنشد متيقدنيش حتى فحوايجي وتسركيل ومول لحانوت و زيد وزيد ولبلية كيفاش تشوف هادشي كامل قدامك ومتبلاش لمهم من لحامدين شاكرين لعيب ماشي فلبلاد ولا لي مسيرينها لعيب فلي متيدويش على حقو هدا هو لي خاصو يتعاقب دبصح اما هادوك لقاو علامن يلعبو ، لمهم هادي هيا حياتي لخدمة فليل جري وتقلاب على ما حسن بنهار وحتى دار ممخلينش من جهدهم لواليد معمري ننسى خيرو بطليب ورغيب و لفلوس دخلوني لواحد لجماعة حدانا قاليا حسن ليك ولكين معجباتنيش سيكيريتي حسن ليا واش قريت حتى عييت وفلخر نبقى نقاد لواحد خلق وشهادة الحياة أش هاد زبل تتضحكو عليا هدا هو لي صام حتى صام وفطر على *رية ولكن منقدر نقول والو للواليد خدام تاني وتنقلب فين نخشي حماري حتى انا ومنين نزيد نربح معاهم رشوة قهيوة فطور كادو مرحبا وي كلشي حلال فهاد لبلاد بديت تنجمع مصيريف تنعاون دارنا وحتى راسي بديت تنجمع رزيق دار باركين عليا تزوج تزوج من نيتكم أولاد ناس واش انا يلاه مكافي مع راسي بقالي غير نعدب شي وحدة معايا مزال موصلتش فين باغي تنجمع فلوس تنعاشر بنادم وغادي طالع رئيس لأرشيف شويا كملات 5 سنين ديال رئيس لجماعة وداك خونا هادي تاني مرة غيترشح هاد لعام باغي يخرج صافي جمع حصيصة قلت صافي هادي هيا خدمتي لي باغي خاصني ناخد بلاصتو
