Pêche & Partage - صيادة و استفادة

12/06/2023

مصارعة التونة العنيدة، فرجة ممتعة

02/05/2023

الرايس وليد و لوح جبد،
لا عطاك العاطي لا تحرث لا تواطي

28/04/2023

Marlin blanc ! Poisson adoré des pêcheurs sportifs
صيادتو زوينة و ماكلتو عيانة 🤷🏻‍♂️
لحمو حمر و مكنزز داير بحال Gibier
لا ينصح للأكل حيت لحمو عامر بال Mercure
هادي المعلومات العلمية 😉
أما العملية هي خاصو يتقطع طراف رقاق و يتصهد فالبلانشا و ما يتعطلش فالطياب و شوية ديال الحامض و بالصحة و الراحة
من بعد هده التجربة، غادي توليو تديرو ليه No kill

27/04/2023

خيرات البلاد 🇲🇦🇲🇦🇲🇦🎣💤 اللهم بارك

25/04/2023

هادشي فبلادنا، هادشي فالمغرب 🇲🇦 ماشي غير فيوتوب
العود، dorade coryphène, dolphin fish, mahi mahi
من أحسن ذكريات الصيد، سمكة عجيبة سبحان الله و عطا الله ما يتقال فحقها، اللي بغا شي معلومة مرحبا بيه، افادة على قدر المستطاع و استفادة للجميع

23/04/2023

مقتطفات عيساوية 🙂 ريحة جامع الفنا🪱🪱
ظاهرة طبيعية سبحان الله كا تسما في الصحراء (المروضة)
تكاثر بعض الطحالب في الماء، الله أعلم ما هو السبب، كا يولي ماء البحر مريض، لون مغموق و كا يقلال فيه الأوكسجين، هادشي كا يبرزط أسماك الصنور (الفرخ) و كا يخرجو للكوشطة مجبرين، ما عليك إلا تجيب شي غانجو مليح و شي خنشة فين تجمع الحناش

21/04/2023

21/04/2023

خيرات الداخلة ما شاء الله 🫶

18/04/2023

سمكة أولاح، محبوبة الصيادين لما توفره من مقاومة و قتالية
عندها بزاف ديال السميات: Lichia amia, la liche, leerfish, Garrick,
من فصيلة ديالcarangidaes, كا تعتبر كدلك من les poissons pélagiques
** كا تعيش في مجموعات صغيرة (كا نقولو ليه الفرك) صيادة بالفطرة، من الأسماك اللي كا تهاجر و كا تتواجد فالمصايد الصخرية، كا تقدر تخرج حتال الجناب تابعة البوري و الحوت الصغير.
** الموسم ديالها : كا تكون موجودة فالصحراء المغربية في فصل الشتاء، الداخلة في يناير و فبراير، كا يكون فيها الجو زوين، المناخ معتدل إلى دافئ، و الصحراء معروفة بالتيارات المائية السخونة مقارنة مع شمال المملكة،
** كا تصيد الأكثرية بالطعوم الحية، الطعوم الإصطناعية و الجر بالمراكب الترفيهية (la traine)
** كا تعتبر MEDLURES من أحسن الطعوم الإصطناعية اللي كا نصيدو بها، و نفتخر كل الفخر لأنها صنع مغربي %100 ( Achouri Med) و فيها أشكال و أوزان و ألوان متعددة من 80gr إلى 120gr
** بالنسبة للقصبة، من 3m إلى 4,5m و شحال ما كانت القصبة طويلة و خفيفة كان أحسن باش تعاون الرايس فالتشحاط،
** الخيط اللي كا نديرو ليه (tresse) رقيقة ما أمكن 20mm 25mm. الحوت شي مرات كا يكون بعيد و لازم تشحط بعيد فمحاولة الوصول للفرك
** الرقم القياسي العالمي المسجل لحد الساعة بغض النضر عن الخيط المستعمل هو 27,8kg و 1,41m في سجلات l'IGFA (international game fish association)
اللي ما كايعرفش هاد المنظمة، هي منظمة عالمية ملتزمة بتعزيز ممارسات الصيد الأخلاقية المسؤولة، من خلال العلم والتعليم وصنع القواعد وحفظ السجلات والاعتراف بالإنجازات البارزة. (تسجيل الأرقام القياسية عل حساب الخيوط المستعملة) باش تسجل رقم قياسي خاصك ضروري تحترم شي حوايج بحال استعمال الميزان و السمطة ديالهم.... ما إلى ذلك
💥 بعض الأرقام القياسية بغض النضر عن الخيط:
* ساركانة Tassergale : 87cm & 14,4 kg
* الدانتي Denti (dentex) 14,25 kg
* الصنور أو الفرح Congre : 60,44 kg
* الجمل African Pompano : 1m & 22,9kg
التونة العنيدة 😁 ،Bluefin tuna - Thon rouge: 678,58kg
و كيف القاعدة : و الله أعلم / تحياتي للجميع

16/04/2023

معلومة إضافية على الدرعي : الذكر كا يقدر يولي نثوة 😲😱 (والله أعلم)
* الدرعي فالزيادة ديالو يكون ذكر و عندو القابلية يولي نثوة
* مع الوقت كاين شي دراعا اللي كا ينقصو ليهم بعض الهرمونات و كا يوليو نثاوي و يساهمو فالتوالد و التكاثر
* الدرعي كا يتوالم و يتكيف مع الضروف فين عايش، من بعد ما كان ذكر فاش كان كلفوط يقدر يولي نثوة (و يقدر يرجع من بعد ذكر سبحان الله)
* هاد التحول كا ياخد وقت، سنوات و على حساب المرعى و ضروف العيش