Ladies Talkes

23/10/2024

كان كيقولي مول الخضرة: من شحال هادي كانت كتجي عندي واحد السيدة كل يومين، وكتسولني على ثمن الموز، وأنا كنت كنقول ليها الثمن، وكتسالم وتمشي بلا ما تشري. واحد النهار من بعد ما مشات، قلت مع راسي: هاد السيدة مسكينة ما عندهاش الفلوس باش تشري. وقررت، إلى رجعات، نعطيها جوج كيلو ديال الموز بلا ما ناخد منها حتى ريال.

فعلا، رجعات، وكتسولني نفس السؤال: "بشحال الموز اليوم؟" جاوبتها: "اليوم فابور، ها جوج كيلو هدية مني ليك." ولكن رفضات تاخدو بأي شكل من الأشكال، وقالت لي: "ما محتاجاش"، وشكرتني ومشات.

من بعد، غبرات واحد السيمانة، ورجعات، وسولاتني نفس السؤال. جاوبتها وقلت مع راسي: "أكيد هاد المرة غادي تشري." ولكن لا، شكرتني بحال ديما ومشات. هنا قلت مع راسي: "لازم نعرف القصة ديالها." قررت نتبعها. وقفات قدام مدرسة، بحال إلى كتسنى شي حد.

خرج ولدها من المدرسة، وقال ليها واحد الحاجة اللي بكاتني. قال ليها: "ماما، واش جبتي لي الموز اللي وعدتيني بيه من جوج سيمانات؟" جاوباتو: "الفلوس اللي جمعت ما كافياش، ولدي. غير حق الغدا اللي عندنا. إذا شريت ليك الموز، إخوتك غادي يباتو بلا عشا. وكل نهار كنجي نسول على ثمنو، يمكن يولي أرخص، ولكن هاد السيمانة غادي نجيب ليك، ما تخافش."

هنا بكيت على عفة النفس ديال هاد المرا. عرضت عليها الموز بلا مقابل ورفضات، وقالت لي بأن كاينين ناس اللي محتاجين كتر منها، مع أنها، والله، هي اللي محتاجة. خدامة باش تعيل وليداتها، ولما سولتها على قصتها، اكتشفت بأن راجلها ميت من سنين بعد ما مرض. هنا قررت نعرف دارها، وكل سيمانة كنحط ليها الفواكه بلا ما تعرف شكون اللي دايرها. وهي كتحمد الله وكتدعي مع اللي كيدير الخير، ولكن ما عارفة شكون هو.

وما نكدبش عليكم، من النهار اللي بديت ندير هاد الخير، وأنا ما عرفت منين كيجي الرزق والبركة فخدمتي.

23/10/2024

عَنْ أَبِيْ عَبْدِ اللهِ النُّعْمَانِ بْنِ بِشِيْر رضي الله عنهما قَالَ: سَمِعْتُ رَسُوْلَ اللهِ ﷺ يَقُوْلُ: (إِنَّ الحَلالَ بَيِّنٌ وَإِنَّ الحَرَامَ بَيِّنٌ وَبَيْنَهُمَا أُمُوْرٌ مُشْتَبِهَات لاَ يَعْلَمُهُنَّ كَثِيْرٌ مِنَ النَّاس،ِ فَمَنِ اتَّقَى الشُّبُهَاتِ فَقَدِ اسْتَبْرأَ لِدِيْنِهِ وعِرْضِه، وَمَنْ وَقَعَ فِي الشُّبُهَاتِ وَقَعَ فِي الحَرَامِ كَالرَّاعِي يَرْعَى حَوْلَ الحِمَى يُوشِكُ أَنْ يَقَعَ فِيْهِ. أَلا وَإِنَّ لِكُلِّ مَلِكٍ حِمَىً . أَلا وَإِنَّ حِمَى اللهِ مَحَارِمُهُ، أَلا وإِنَّ فِي الجَسَدِ مُضْغَةً إِذَا صَلَحَتْ صَلَحَ الجَسَدُ كُلُّهُ وإذَا فَسَدَت فَسَدَ الجَسَدُ كُلُّهُ أَلا وَهيَ القَلْبُ) رواه البخاري ومسلم .

🔵شرح الحديث:

1️⃣أولا، هاد الحديث قسم الأمور فالدين ل 3 ديال الأقسام: الأمور لي حلال و واضحة بحال: أكل الطيبات🔵 و 🔵 الأمور لي حرام و واضح التحريم ديالها بحال الخمر و الزنا و السرقة و غيرها. و 🔵 أمور لي تتشابه على الناس و تتجي فالوسط.

2️⃣ثانيا، الإنسان خاصوا يبعد على هاد الأمور لي تيغلب عليه الشك فيها. و ايخصوا إماا يمشي يسول للعلماء و ياخد حكم شرعي مضبوط ليها، حيت العلماء غاادي يعرفوا جوااب ديالها. أو الإنساان يبعد عليها فخطرا و يتهنى. و أحسن حاجة تتبقى هي أن الإنسان يسول و يبحث على المعلومة.

3️⃣ثالثا، الأمور لي متشابهة تقدر تأدي بالإنسان أنه يرتكب شي حااجة لي حرام و باينة. حيت النفس فاش تتبدا شي حاجة لي خايبة، تتبدا تتجر لما هو أسوء.

كيماا تنقولوا حناا بالدارجة "من هاادي لگاارو" ليوما دير شي حااجة و تقول راها هانية ولا مااشي حرام و تقلب على شي مبرر خاوي، و من بعد تلقى رااسك فشي كبيرة من الكبائر.

4️⃣رابعا، من هاد الحديث العلماء استخلصوا واحد القااعدة لي هي: "وجوب سد الذرائع إلى المحرمات".
بمعنى: لحاجة لي مااشي بالضرورة حراام و تكون مباحة، و لكن تقدر توصلك للحرام من بعد. مثلا، نتاا موظف و عندك شي سلطة، ماخاصكش تقبل هدايا من عند الناس ( لي هي فالعادة مباحة) حيت تقدر تأدي بيك لأنك تااخد رشوة ( حاجة لي حراام).

و مثال ٱخر من القرٱن:
{ولا تسبوا الذين يدعون من دون الله فيسبوا الله عدوا بغير علم }(الأنعام: 108)
هنا الله تعالى تيقول للمسلمين أنهم مايسبوش ٱلهة الكفار ( حاجة لي عادية ) حيت يقدر دوك الكفار يسبوا الله ( حااجة لي محرمة).

5️⃣خامسا، الحاجة لي تتحدد وااش الإنسان غادي يبعد على هاد الشبهات ولا لا هي صلاح القلب ديالو. يلا كان القلب صاالح، الأعمال و حياة الإنسان أتكون صالحة كذلك، و العكس صحيح.

و القلب تسمى بهاد السمية حيت تيتقلب من حال لحاال، و هادشي علاش النبي كان تيدعي "يا مقلب القلوب ثبّت قلبي على دينك" بااش يثبت الله قلبوا على الدين، و يلا النبي صلى الله عليه كان تيدعي بهاد الدعاء، فحنال محتاجين ليه كتر و كتر باش نحافظوا على قلبنا فالدنيا و الٱخرة "يوم لا ينفع مال ولا بنون ، إلا من أتى الله بقلب سليم } ( الشعراء : 88-89)

انتهى،

17/10/2024

14/09/2024

✍️‏أعط الرجل وظيفة، سيتم تأسيس أسرة جديدة في المجتمع.
🦋أعط المرأة وظيفة، سيتم تأسيس ماركة جديدة في المول.
✍️أعط الرجل وظيفة سيصرف مال الأمة في الأساسيات (زواج،بيت، أرض، مزرعة، استثمار في مشاريع من اجل أجيال قادمة....).
🦋أعط المرأة وظيفة ستصرف مال الأمة في الكماليات (سيارات فارهة، مكياج، مجوهرات، شنط، عطور).
🍂لذلك فإن إعطاء الوظيفة للرجل نماء للمجتمع، وإعطاءها للمرأة نماء للرأسمالية.
💧زد على ذلك أنها أخذت وظيفة رجل كان سيتزوج امرأة، فأعطتنا مشكلتين: رجل عاطل وامرأة عانس.👌
🌴ولو أعطينا الوظيفة للرجل لحللنا المشكلتين، تزوجت العانس واشتغل العاطل، ثم عاد المال إليها مهرا ونفقة.🤗

31/07/2024

تخيل راسك فحلم .. كاتحلم راسك فعرس .. الدقايقية و السرباية و الحيحة و حداك طابلة فيها 4 ديال بنات جالسين .. نتا جالس معا صاحبك كتهدرو حتى شويا جا عندكوم السرباي و حط طبصيل ديال شلاضة 😂 شويا درتي تهدر مع صاحبك و معا الدورة شتي واحدة من دوك البنات الربعة كاتشوف فيك و صاحبك كايهدر معاك مكتجاوبوش .. و الدقايقية باقيين كايطبلوا و خونا السرباي داز لطبلة واحدة أخرى ... شحال عندك من دماغ؟
غالبا واحد ياك ..دابا شكون كان فداك الحلم كايلعب جميع دوك الأدوار فنفس الوقت 😂😂 .. ؟ علما أنك فايق الدماغ ديالك ميقدرش يدير الميلتيطاسكين .. (الاسنتاج 1 ).

دابا تخيل جبنا 2 ديال الناس .. واحد عادي و واحد حيدنالوا الحواس كاملين خلينا غير السمع .. و عطيناهوم يسوكو طوموبيل شكون غايسوك حسن؟؟ غالبا مول الحواس كاملين ( الاستنتاج 2 )

دابا تخيل جبنا 2 ديال الناس .. واحد عادي .. و واحد زدنالوا 2 ديال الحواس اخرين ( الزوم ف 10 .. و السمع ف 10 ) و عطيناهوم يسوكو طوموبيل .. شكون غايسوك حسن ؟ غالبا مول الحواس الزايدين ( الاستنتاج 3 )

دابا من 2 و 3 واش منقدروش نستنتجوا بلي الحواس لي عدنا كيطبقوا واحد المحدودية على المعطيات لي كايدخلوا لدماغ و الدماغ من خلال داك المعطيات لقليلة لي عندوا مكيخدمش بالكفائة ديالوا كاملة و الدليل في الاستنتاج 1 الدماغ بوحدوا كايدير داكشي كامل ...

السؤال المهم من هادشي كااامل .. واش من بعد هاد التطور كامل الأجسام ديالنا باقي ماوصلات الشكل المثالي ديالها لي يخالينا نخدمو دماغنا بكل الكفاءات لي عندو.

ب.س : الأجسام ديالنا كاتطور بوتيرة سرع من الأدمغة ديالنا بمراحل .. و هادشي غير من 300000 عام لدابا الى خدينا اوائل الهوموصابيان حتال الناس ديال دابا.

31/07/2024

✌🇲🇦🇵🇸

30/05/2024

لا ترقص 🇲🇦 على جُرْحِ إخوانك 🇵🇸 ... !

حملة مقاطعة مهرجان موازين ...

27/05/2024

الفيديو الأكثر إنتشارا في أمريكا
يوتوبر أمريكي يسقط من ارتفاع 26 متر خلال إختبار طائرة شراعية بمحرك في صحراء تكساس وطلب النجدة من (siri) في الأيفون بالاتصال برقم 911 الذين وصلو لاحقا لانقاذه

تعرض لكسر في الحوض والرقبة والظهر والضراع اليمنى ، تطلبت عمليات جراحية مستعجلة ونجا بحياته في النهاية

11/04/2024

السيدة أم عبد السلام، زوجة إسماعيل هنية، كانت ترقد في المستشفى بسبب وعكة صحية أصابتها قبل عدة أيام، ولم تعلم باستشهاد ثلاثة من أبنائها وعدد من أحفادها إلا اليوم، حيث توجه إليها زوجها وأعلمها بالخبر، فحدمت الله ثم توضأت وصلت ركعتين شكرًا لله، وبعدها تم التقاط هذه الصورة لها مع زوجها ❤

11/04/2024

:
السوكو شينبوتسو هو طقس كان كيمارسو زعماء البوذيين بين القرن 11 و حتى لبداية القرن 19 ، حتى تمنع من طرف الإمبراطور ميجي عام 1877...
فاش كيبدا الراهب البوذي يكبر بالسن ويحس براسو محتجز وسط الجسد ديالو الضعيف ... كيبدا يجوع راسو ويقلب من الماكلة وكيشرب بعض الاعشاب اللي كتعاونو يفقد الشحوم والدهون فالجسم ديالو ، و بعد مدة كيدخل الراهب لقبر مخصص ليه وكيموت تما من بعد فترة قليلة وكيخرجوه الاتباع ديالو ويحطوه فمتحف على انه ممياء مقدسة ...

مراحل طقس التحنيط الذاتي Sokushinbutsu:
طقس السوكو شينبوتسو كيستمر لمدة 1200 يوم ، أي 3 سنين و ثلاثة شهور ، و وكيتكون من ثلاث ولي هي :
1 – المرحلة الأولى :
فاش كيوصل الراهب سن الثمانين أو التسعين كيقرر يدير طقس السوكو شينبوتسو ، فكيتبع نظام غذائي قاسح ، كيوقف من الماكلة لي موالف وكيكتفي بالمكسرات والحبوب والتوت وما شابه ، باش يتخلص من الدهون ، وهاد العملية هي أهم عامل لنجاح التحول . زائد ممارسة تمارين جسدية وكتستمر هاد المرحلة ألف يوم.

2- المرحلة الثانية :
فهاد المرحلة كيقلص الراهب المكلة إلى ابعد الحدود ، كتوكلي ماكلتو فقط جذور الأشجار و أوراق أشجار الصنوبر ، و كيتوقف من ممارسة التمارين الجسدية و وكيبدلها بالتأمل العميق ، حيت هاد التأمل كيعاونو ينسى الجوع وكيعانو على الانتقال للمرحلة الأخيرة ، وفهاد المرحلة كيشرب الراهب اتاي اليورشي Urshi و هو اتاي مستخلص من شجرة فيها اوراق سامة كتستعمل فصباغة ماعن الفخار و الأثاث ، و لكن الرهبان كيخدموها فهاد الطقس، حيت كتسبب فقدان السوائل من الجسم ، و كتزيد التبول و القيء و الإسهال ، وكيترسب السم ديالها فجسد الكاهن باش يحفظ الجثة ديالو من الحشرات و البكتيريا من بعد .

3- المرحلة الثالثة و الأخيرة :
من بعد هاد تمارة الكحلة و المعاناة الطويلة من الجوع و والحريق كيطلع الراهب لجبل وكيدخل واحد الغار ضيق وكيسدو عليه الاتباع ديالو وكيخليو ليه أنبوب دقصب الخيزران باش يتنفس ، وكيبقا تما بلا ماكلة أو شراب بحال الدفن الدفن حياً ، و كيقضي الراهب المكلخ ايامو الأخيرة بالتأمل العميق و وكل صباح كيضرب جرس تحط معاه فالغار باش يعرفو اتباعو انا الزغبي الكعبي مازال حي ، و والصباح لي مكيضربش داك الجرس كيعرفو راه مات ، فكيحيدو أنبوب التنفس من الغار وكيسدوه مزيان ، ومن بعد ألف يوم ، كيحلو الغار ويخرجو الجتة لي ولات مومياء بوووع مامي خخخ، أي أن الراهب نجح فالتحول ل سوكو شينبو تسو ، طفرو زعما ، من بعد كيديوه للمعبد وكيقدسوه ويعاملوه أنه مازال حي ، وكيبدلو ليه حوايجو كل عام وكيتحط فضريح فيه البخور باش يزوروه الناس ويقدسوه .

بس : بينات الدراسات الحديثة بالأشعة السينية أن بعض المومياوات فيها حجيرات صغار ، بمعنى ممكن يكونو كلاوهم باش يخففو ألم الجوع .

طقس التحنيط حياً ماشي حاجة ساهلة ، فمن القرن 11 إلى بداية القرن 19 ، يالاه 24 راهب لي نجح بالتحول ل مومياء ، و وفشلو بزاف نتيجة عدم القدرة على تحمل المشقة خصوصاً أن عمرهم ديباسا الثمانين عام ، بلا منساو ان طقس اليابان شديد الرطوبة اللي كيسبب تلف المومياء ، و بهذا فصعيب تبقى المومياء سليمة .

و أول واحد نفذ طقس التحنيط الذاتي فهو الراهب كوكاي و واللي تعرف من بعد بلقب كوبو دياشي ، هاد الساط عاش باليابان قبل ألف عام وهو مؤسس مدرسة الشنجون ( كلمة الحقيقة ) .
و كان الراهب تيتسو ريوكاي أخر واحد كيدير الطقس ، تم دفنو فعام 1878 ، و بعد ألف يوم ماقدروش أتباعو يخرجوهمن الغار ، حيت قرار منع هاد الطقس كان صدر عام 1877 من الإمبراطور ميجي ، و وحيت خافو على راسهم صبرو تا لقاو الفجوة ، وتسللو للضريح وخرجو المومياء وبدلو تاريخ الوفاة ل 1862 زعما قبل صدور قرار المنع .

و المومياء الأشهر باليابان ، فهي مومياء الراهب شاينيو كاي لي كاين فمعبد داين شي بوو فمنطقة منت يودو ، حيت هاد الساط كيحلم من صغرو يتحول لمومياء مقدسة ، وفشلات محاولتو الأولى حيت مقدش يتحمل ، و لكن فعام 1784 قدر يحقق الحلم ديالو وهو بعمر 96 عام فاش ضربات المجاعة بعض مناطق اليابان ومات بسبابها مئات الآلاف من السكان ، فقرر هاد الصاط يطلع للجبل والتحول ، حيت بالو انه بهاد البلان ايعاون بزوال المجاعة ، و من بعد 3 سنين انتهت المجاعة عام 1787 و نجح الراهب بالتحول لمومياء ، على هادشي كيقدسوه اليابانيون وكيحترموه لأنه كيمثل ليهم روح المثابرة و التضحية .

و لكن ماشي غاع المومياوات كتاخد حقها من التقديس ، فكاين لي تسرقات وتهربات باش تباع فالسوق السوداء ، وهادشي لي طرا ف يناير عام 2015 فمحافظة سونجون خير خان بمنغوليا ، حيت تشدو شي مهربيين بممياء مهربينها على أنها بضاعة مغطيا بجلود الحيوانات ، و وتخدات وتحطات فمتحف اولان باتور عاصمة منغوليا .
و صرح الباحثون أن المومياء كترجع لراهب عاش بالجزء الشرقي من الهند قبل من 200 عام ، و وكتبان المومياء بحاله ممتازة ، حتى شي وحدين صحابهم أن الراهب ربما كان فحالة تأمل عميق ويقد يفيق ويرجع للحياة.

ملاحظة :
- اعتاقد الرهبان فهاديك الوقت أن هاد النوع من التحنيط هو نوع من الانتقال لمرحلة من مراحل التأمل وماشي انتحار.

المصادر:

http://listverse.com/2016/03/24/10-facts-you-should-know-about-self-mummification/

http://io9.gizmodo.com/the-gruesome-and-excruciating-practice-of-mummifying-yo-1515905564

https://en.wikipedia.org/wiki/Sokushinbutsu

11/04/2024

توجد مرحلة في الحياة تدعى "المرحلة الملكية Royal level" !.. عندما تصل لهذه المرحلة، لن تجد نفسك مضطرا للخوض في أي نقاش أو جدال، ولو خضت فيه لن تحاول أن تثبت لمن يجادلك بأنه مخطىء ... فلو كذب عليك أحدهم ستتركه يكذب عليك، وبدل أن تشعره بأنك كشفته، ستستمتع بشكله وهو يكذب مع أنك تعرف الحقيقة ! .. ستدرك بأنك لن تستطيع إصلاح الكون، فالجاهل سيظل على حاله مهما كان مثقفا، والغبي سيظل غبيا !.. سترمي كل مشاكلك وهمومك والأشياء التي تضايقك وراء ظهـرك وستكمل حياتك ... نعم ستفكر في أشياء تضايقك من وقت لآخر ... ولكن لا تقلق؛ ستعود للمرحلة الملكية مرة أخرى .. ستمشي في الشارع ملكا مبتسما ابتسامة ساخرة وأنت ترى الناس تتلون وتتصارع وتخدع بعضها من أجل أشياء لا لزوم ولا قيمة لها ! .. ستعرف جيدا أن فرح اليوم لا يدوم وقد يكون مقدمة لحزن الغد والعكس ! سيزداد إيمانك بالقضاء والقدر، وستزداد يقينا بأن الخيرة فيما اختاره الله لك ... إذا وصلت يوما لتلك المرحلة لا تحاول أن تغير من نفسك، فأنت بذلك قد أصبحت ملكا على نفسك، واعيا جدا ومطمئنا من داخلك ! ..
كلما تقدمنا في العمر زاد رشدنا، وأدركنا أننا إذا لبسنا ساعة ب300أو 3000 فستعطيك نفس التوقيت .. وإذا امتلكنا (محفظة نقود) سعرها 30 أو 300 فلن يختلف ما في داخلها .. وإذا عشنا في مسكن مساحته 300 متر أو 3000 متر فإن مستوى الشعور بالوحدة واحد .. وفي النهاية سندرك أن السعادة لا تتيسر في الأشياء المادية؛ فسواء ركبت مقعد الدرجة الأولى أو الدرجة السياحية، فإنك ستصل لوجهتك في الوقت المحدد .. لذلك لا تحثوا أولادكم أن يكونوا أغنياء بل علموهم كيف يكونون أتقياء، وعندما يكبرون سينظرون إلى قيمة الأشياء لا إلى ثمنها .. سرعة الأيام مخيفة!! ما إن أضع رأسي على الوسادة إلا ويشرق نور الفجر، وما إن أستيقظ إلا ويحين موعد النوم .. تسير أيامنا و لا تتوقف!
وأقول في نفسي: حقا، السعيد من ملأ صحيفته بالصالحات.. الأحداث تتسارع من حولنا، والأموات يتسابقون أمامنا..
إعملوا صالحا.. ألقو السلام - رددوا مع الأذان -حافظوا على الصلوات - حصنوا أنفسكم - صلوا الأرحام - حافظوا على من يحبونكم بصدق - ابتسموا للناس - إحفظوا شيئاً مِن القرآن - تصدقوا - سبّحوا - إستغفروا كبروا - صُوموا - صلوا على النبي عليه الصلاة والسلام - علقوا قلوبكم بالآخرة فالدنيا لا تدوم على حال ولن تخلدوا فيها .