26/06/2025
🔴 كي تركب ولا تركبي فالكار احترم نفسك و احترم الركاب مام انتي ثان .
🔴 كي تركب فالكار ما تقعدش تهدر و تسَمع فالغاشي.
🔴 كي تركب او تركبي فالكار و صاحبك راكب بعيد عليك ما تقعدش دور ليه و تهدر شوف قدامك كي تلحقو للوجهة نتاعكم احكمو قهوة و اشبعو من بعضاكم.
🔴 كي تركب فالكار ما تزيدش لصوت نتاع تلفون ولا كيتمان حتى الاخرين يسمعو اسمع وحدك مام البنات كيف كيف
🔴 كي تركب فالكار و تشوف طفلة ما تقعدش تخزر فيها ولا تبدا تتشارو عليها انت و صاحبك احشم على روحك .
🔴 كي تركب فالكار دير في بالك مكاش لي حاب يسمع قصة حياتك مالا شد فمك و الا بنت شدي فمك.
🔴 كي تركب فالكار ما تقعدش تجياح و تهرج باش تضحك الناس راهم يضحكو عليك و ناس ما تحبش الجياحة.
🔴 كي تركب فالكار راهم راكبين معاك ناس اخرين و عائلات مالا احترمهم و ما تقعدش تهدر و تضحك...
🔴 كي تركب فالكار ما تحكمش بلاصة و بلاصة تحط فيها قشك احكم بلاصة و ما تخيرش لي يساميك. واحترم روحك متلبسش الشورت أستر روحك
🔴 اصحاب الكيران يا الناس الملاح راكم مسؤولين على وش يصرا كي تشوف ظاهرة غريبة اهدر و سكتو لي يهدرو بزاف راك انت مول شي
و كاين بعض الشوافرا و الروسوفور احترمو نفوسكم و سڨم روحك شوي و ديرها اختك او مرتك هاذوك لي يركبو معاكم
في الاخير كيما تحب ناس تحترمك كي تكون مع عائلتك أو أختك أو أمك أنت كذلك أحترم غيرك
