29/06/2025
المهم راه توضح الدور ديال المدير التقني أو شكون مكلف به 😛 عندكم ما ضيفو أولا غدي تبقى عندكم اسطوانة الاشخاص أو مخليين المنظومة الفاشلة في راحة تامة
✅المدير التقني الجديد غا تخلصو الجامعة ماشي الفرقة و هادشي كاين من هادي مدة
✅المدير التقني ديال المكتب الشريف للفوسفاط ماعندو علاقة بالجامعة و الفرقة يعني كاينين جوج : واحد مقابل مشروع ديال ocp (متلا داكروز حاطينو فكازا مقابل رجاء و وداد و مركز التكوين الجهوي ، و فالرباط كاين ميكاييل عندو ليفار و الفتح و ..) و التاني هو للي كايكون خدام وسط الفرقة
✅اللعابة للي غادي يمشيو ماشي المدير التقني للي تايحيدهم نظرا للضعف ديالهم او البسالة تاتكون تقارير من المدربين ديالهم و تايكون تصويت على كل واحد فيهم من المدربين و المدير التقني و هادو كاملين ما تيسواو والو مع مدير الاكاديمية و الرئيس للي تا يوقع
✅المدير التقني الجديد غايخدم على الوليدات للي لقاهم قبل وغادي يبني على الخدمة ديال المدير التقني السابق يعني ما يمكنش يفشل العام الاول من غير ايلا مالقا والو فالصونطر
✅المدير التقني غير مسؤول على الأمل و الجنيور حيت ماشي هو للي خدم معاهم 4 سنين ولا 5 سنين
✅المدير التقني ماشي هو للي تايحيد و يعين المدربين : ocp تا يدوزوك من عين الإبرة حيت هوما للي تا
يخلصوهم ماشي الفرقة
✅مربط الفرس مايمكنش تكون عسكري و خدام عند ocp و هادشي جانا كجمهور من عند الله ياك حنا سنين و تانقولو خاص ولاد الفرقة و ولاد الكرة يخدمو ها ocp داروها لينا
نتمنى تبقاو مركزين على موضوع التكوين العام الجاي ✌️✅
