19/01/2025
شفت فمجموعة من المنشورات ان الحكومة غاتصرف الشطر الثاني من الزيادة لي كانت تقررات فالحوار الاجتماعي الآخير ابتداءا من هاد الشهر و ماشي الشهر 7 كيما فالصورة 1 و بزاف د الناس كيسولو على هاد البلان؟؟
فنظري الشطر الثاني د الزيادة لي غايتصرف هو ديال موظفي التربية الوطنية و لي كان تحدد فالحوار الاجتماعي القطاعي ديالهم لي دار قبل الحوار الاجتماعي المركزي لي شمل باقي الموظفين.
أما فيما يخص الشطر ديال 500 درهم أعتقد (في نظري) أنه ماغاديش يتصرف، بكل بساطة حيت فمختلف المراسيم ديال مختلف الفئات المهنية (متصرفين، تقنيين، مهندسين....الخ) الشطر الثاني غايتصرف ابتداءا من الشهر يوليوز 2025 كيما فالصورة 2 أسفله، و مايمكنش أن المحاسب العمومي يصرف هاد الزيادة ابتداءا من الشهر 1 و هو ماعندوش أساس قانوني يبني عليه ( لي هو هاد المراسيم لي ذكرت الفوق و لي مذكورة فيه ان الشطر الثاني د الزيادة غايكون ابتداءا من يوليوز 2025 و ماشي من شهر يناير)..
ملاحظة : الزيادة لي غاتكون هاد الشهر هي لي غاتجي نتيجة التخفيض الضريبي لي كاين فقانون المالية 2025..
Yassin Atbir - ياسين أتبير
