21/05/2022
تقوم شركة ريضال المسؤولة عن تسيير قطاع الماء و الكهرباء بسلب المواطنين أموالهم بطريقة قانونية لكن فيها نوع من التحايل و استغلال الثغرات القانونية ، دابة غانقلبها دارجة باش كلشي يفهم
فاش كاتوصلك الورقة ظيال الماء و الكهرباء هاد الشهر فأنت من ذاتك ماتقول هادي الورقة ديال شهر 5 يعني غانخلصها تايدخل شهر 6 حيت فيها جزء و سطر على جزء من استهلاك شهر 5 لكن القضية لي ماكتلاحظش هو أن أخر أجل باش تخلص هو 31 فشهر 5 و فاش كاتفوت هاد الأجل كاتزيد عليك فالفاكتورة د الشهر الموالي 35 درهم ديال التأخير و بطريقة قانونية حيت نتا تأخرتي واخة هادشي فيه نوع من الغبن القانوني و لكن ماعندك ماتدير و ختى الناس لي تايقراو الفاكتورة الله يكون فعوانهم واحد الفئة ماتقدرش تخلص فداك الوقت حيت ماكتخلص تال 1 أو جوج فالشهر ... واخة دابا عرفنا المشكل ، زيد كمل لقراية باش تعرف الحل
الحل هو أنك نتا و لا نتي إلا قريتي هادشي أو سمعتيه ماتبقاش تشكي غير فالفاسبوك حيت فايسبوك ماشي دار القاضي ، غاتهضر مع السانديك ديالكم و يدير طلب عند كاتب عمومي و يتوجه بيه لأقرب مدير وكالة و يدير عليه نسخة يقوليه يمضي ليه فيها الإستلام مضمون هاد الطلب هو أخر أجل للتسديد يولي 05 فكل شهر واخا يكون شهر فيه 30 يوم أو 31 يوم أو 28 يوم كنتي ساكن فحومة تجمعوا نتوما واحد ل 5 د ناس و ديرو عارضة و دوروها على الناس د الحومة يسنيو فيها و قدموها على شكل مطلب و ديك الساعة إلا ما استاجبوش للمطالب ديالكم تقدرو تنوضوها عليهم فالفايسبوك و نتوما عندكم سند قانوني ماشي بالفوضى ، أنا عارف واحد الفئة غاتقوليك مالنا فأوروبا و لا واش نتا عايش فشي بلاد أخرى لكن تانجاولكم من دابا بأن الإنسان عدو لما يجعل و الهدف ديالنا هو نطلعو النيڤو و نقصو الجهل و ما ضاع حق ورائه طالب
https://www.instagram.com/p/Cd1ZEXpsONj/?igshid=YmMyMTA2M2Y=
