31/10/2025
سلام عليكم الخوت نتمنى كما كتعرفو لبارح الكروب دار ديبار واحد من أكادير مع 6 بنظام و تنسيق كبير بين جميع رحلات و سيارات .... باش يتجنبو أيتها صداع و نفلات لقدر الله يقدر يوقع كما كتعرفو فاش قربو يوصلو للقنيطرة للأسف وقعو مناوشات بين إيمازيغن و جمهور الخصم كذالك عائق الوقت مع قتراب وقت المبارة لي زاد من توتر هاد المناوشات هاد صداع كامل سبابو واحد العائلة بسيطة من مدينة رباط مشجعة لفريق الجيش الملكي كانو غادين فطريق سيار رابط بين رباط و قنيطرة وقع ليهم عطب فسيارة ديالهم و قفو على غفلة وسط طريق فإذا بالتلاثة سيارات فيها ولاد أكادير كيصطدمو بهم من لور هبطو دراري باش يطمئنو عليهم و كان منهم يوسف حتى هوا دري لله يعمر هدار من أطيب خلق الله الكبير و صغير كيعرفو و كيشهدو على حسن الأخلاق ديالو شويا و هوما يوقفو عليهم مشجعين محسوبين على جمهور الخصم كيشيو عليهم بالحجر و الفيزيات و قراعي دزاج مخلاوش ليهم حتى فين يشرحو ليهم اش واقع يوسف بحالو بحال دراري كاملين حاول يدافع على راسو من دوك الأوباش لاغير . و هادي رسالة لدوك لباجات لي كيتهمو يوسف بالإعتداء على ديك العائلة متحاولوش تبلعو دور الضحية و تلصقو شي تهم مكاينيش يوسف مدار والو دافع راسو و الهاجم يموت شرع 🫱🏻🫲🏻
