El ouahid : الوحيد

11/04/2025

واش ما لحظتوش ان الجرائم كثرو بزاف مور هد رمضان !! 🤔
يوميا ولينا كنفيقو على خبر اعتداء على مواطنين موثق بفيديو فالشارع العام ...
فنظركم شنو الاسباب ديال تنامي ظاهرة الاجرام والكريساج🤔
واش هدشي تبعات الازمة الاقتصادية الخانقة ..ولا بنادم كيتأثر من المسلسلات الدموية المعروضة في تلفزيون .. ولا مبقاوش يخافو من الحبس .. ولا تأثير انتشار القرقوبي والمخدرات الصلبة بدل الحشيش لي كان يكالمي بنادم ويخليه مسالم ...
ولا غا الكاميرات كثرو وولاو يفضحو الواقع لي كان مخفي ..
شارك برأيك 🤥

11/04/2025

نص فخبارو ونص مفخباروش ونص لاخور تيقلب على الفيديو الله يستر على جيل ردو البال مع ولادكم 😱🙄
#المغرب

11/04/2025

حسن آل مكحط آل گونزاليس و حرمه الشيخة فاطمة ڤري

11/04/2025

قاليها غير تعاملي و شدي هاد 100 درهم ف الصداق.. را حنا غير طلبة 🥹

11/04/2025

11/04/2025

مشيت لقهوة café paul كاليفورنيا الي فشارع القدس باش مرة مرة نعرف شنو طاري فالمجتمع

لقيت فيها واحد النوع ديال البشار محشر و مقهور ولكن باغي يدير فيها بورجوازي

كاين اللي وجهو و لباسو مامعاونوش باش ياكل "tarte au chocolat fondant" ب 30 درهم و قهوة حليب ب 36 درهم

بقيت كنشوف فالنتوات لقيتهوم اغلبيتهوم دوك الميمات الشارفات اللي فاتهوم قطار الزواج بين 28 عام و نتا طالع

صحابات التكامش فالوجه و آيفون و الضفران مصبوغين كيصحاب ليها راها كلاص ولكن هي ديكولاص ،ماكونات اسرة مادارت وليدات ما والو

غي معكرة الشلاقم و لابسة تريكو من ديفاكطو شارياه صولد ، و داهنة وجهها بكريم ايڤروشي شارياه من بارافارماصي رخيص

و عدنها صالير ديال 7231.12 درهم و كيصحاب ليها راه وصلات لسدرة المنتهى ملي غادي تاكل حلوة ڭاسية ف café paul ب 30 درهم

و عاد كنبقا نشوف ثاني فدوك الرجال اللي حال صدايف القاميجة و صدرو مزغب و لابس ڭورميطة و موكاسان بلا تقاشر و كيكمي شيشة ايلكترونية بنكهة الفريز

باش يبان راه زعما لباس ولد الوقت ولكن هو اكبر حميدة كاتجي عندو اكرام بنت با عروب ساكنة فالهراويين

كتقول ليه شي كليمات بالفرونسي : ?Bonsoir bb ça va كيف بقيتي ؟ dsl كان عندي cours كانقرا ماستر كلاص ا ديسطونس ...

حميدة بو صدر مزغب و سباط موكاسان بلا تقاش كاتحل ليه و كيضحك و كيقول ليها : non bb عارفك Une femme solide courage a toi bb .. و كيجغم من قهوة نوار زعما مهيب ق كيزيد يقول ليها : tkt pas ma fleur

هي بديلكب كاضحك ليه ضحكة كلها خبث و استغلال و طمع و انتاهزية و كاتمص العاصير بالمصاصة و كاضور فعينيها زعما حشمانة

اكرام بنت الهراويين مدسمة الوجه كلها لابسة مدرح من ماكياجها حتا لحوايجها ، حاجة وحدة اللي مامدرحاش (راك فاهم) هي اللي كاتخلي بوصدر مزغرب و ڭورميطة كيخلص عليها عاصير باناشي لوز و طورطة ف café paul .... قطع الله يحد الباس

17/01/2025

17/01/2025

11/01/2025

04/11/2024

04/11/2024