موح ستوري

19/07/2025

أنا عرسي نهار 10 فشهر 8 و مبغيتكمش تحكمون عليا و تهاجموني ، درت عمالة ترقيع .... حيت مبقيتش بنت 🥺 غلطت ملي كنت كنقرا فلفاك و دبا درت العاقد مع واحد انسان اخر و الشهر الجاي كاين عرسنا ، الطبيبة قالت ليا متخافيش والو و لكن انا الوسواس كياكلني و خايفة نتفضح و لا يوقع شي غلط كنتسنى غا داك النهار باش نرتاح من قوة التفكير ، واش زعما معندي مناش نخاف حيت الطبيبة معروفة و شحال من بنت دارت عندها العملية كنعرفهم و تزوجو عادي ، أنا معرفت علاش قلبي ممرتاحش و خا شفت بنات قدامي داروها و تزوجو !

19/07/2025

مشيت عندهم للدار باش نتعرف على والدها قبل الخطوبة ، و مها كتسول بزاف على المادية ، و قال ليا بالحرف " شحال كتشد فالشهر ، شحال جامع ديال الفلوس ، و اشمن طوموبيل عندك " و قالت ليا واش نتا لي كتصرف على والديك ، أنا جاوبتها بداكشي لي كاين و الحمد لله الحالة ميسورة و لكن جاني عيب هاد الاسئلة يتسول بهاد الطريقة و فنهار الاول ، مسولاتني واش كتكمي و لا كتشربي واش هاد الاسئلة عادية فيوم التعارف

19/07/2025

قصة رعب[ راعي و الجن ] قصص رعب الواقعية بالدارجة المغربية 9isas ro3b wa9i3iya

19/07/2025

سلام عليكم خوتي انا الواليد ديالي توفى هادي شهرين الله يرحمو كان فسوق حتا مات مسكين سكتة قلبية جاو جدارمية و داوه لسبيطار مهم درنا الإجراءات كاملين حتا خرجناه من سبيطار و دفناه
دابا المشكل ان الحاجات لي كانو عندو المحجوزات معطاوهمش لينا (تيلفون و مفاتح و كارط گيشي)
منين مشات الواليدة ديالي عند الجدارمية قالو ليها سيري محكمة رباط و ديري محامي
لي عارف شي حاجة عفاكم إفيدني بيها؟؟

19/07/2025

متزوجة لمدة 17لسنة الزوج كان خدام بائع في إحدى الشركات الكبرى في دولة خليجية خدمة الصالير على قد الحال وانا كنت سطاجير مع الدولة هنا في المغرب قارية الحمد الله عندي الاجازة خطبني هذ السيد زواج عائلتو تعرف عائلتنا خليت كلشي ،وسافرت معاه درت كلشي من عندي في الزواج لان بان لي زوج متقي الله وملتزم ،سافرت معاه للدولة الخليجية كان ملتزم دينيا ،قال كلسي من الخدمة انا نخدم وانت قابلي الدار قلت مرحبا بقينا هكاك ولدت وليداتي تزاد المصروف قالا انا نخدم ونقرأ وانت قابلي الدار وغادي نطلع في الخدمة فرحت وشجعتو قابلت وليداتي نديهم للمدرسة ونديه ونجيبو للخدمة وشوية بشوية طلع في الخدمة وليت نبان ليه مرآة الدار ومقارانات مع النساء الي خدامين معاه شوف فلانة شوف فلانة شوية وليت نلقاه مصاحب معاهم ولينا في المشاكل هداك الدين مابقاش ولو هدكشي بينو وبين الي خلقو اغلب العلاقات عندو كانت الهاتف والتشات والخروج والسفر لم تصل إلى الزنا والله اعلم حاليا انا معاه في المشاكل وقال لي حياتي هذي عجبك مرحبا ماعجبك نديرو طلاق اتفاقي وتنازلي على حقوقك ونرجع نستقر في المغرب وانا ولادي ولفو واحد الحياة مانقدرش نوفرها ليهم بوحدي او بالمصروف الي باغي يعطينا
ونتمنى من الله يسهل عليا من بعد هذ العمر نخدم واخة قارية ماعمرني مخدمت مرضت بالتفكير اتمنى توجهوني باحترام ؟؟؟

19/07/2025

خوت انا كنت فبحر كالس على كرسي بلاستيك ملك ديالي او جات سلطات داتولي واش عندهم حق يديواه بغيت نتبع قانون معاهم?

19/07/2025

وحد صاحبي مزوج لكن بعد عام من زواج مرتو ناض فيها لحبوب في وجها وناضة ليها حبة كبيرة بزاف فيها لگيح في شفيفها خيبة ودارت بزاف ادوية ومشات عند اطباء والو مبغاتش تحيد ديك حبة لگيح واخا تفقصها ترجع وراجلها كيكون معاها فلفرش كيبغي ابوسها ولكن فمها فيه ديك لحبة ومبقاش قادر اصبر دابا باغي اطلقها ياك لقاضي اقبل طلاق ديالو?

19/07/2025

https://youtu.be/rZ9VcrLOPe4?si=IA_AbBNCR6Wa8xGd

قصة رعب[ راعي الغنم و الجن ] 384 #|قصص رعب الواقعية بالدارجة المغربية 9isas ro3b wa9i3iya #قصة #رعب #حقيقية #قصة موح ستوري #قصص #واقعية مرعبة حدثت ...

19/07/2025

كنتمنا نلقى شي حل لهاد الفضيحة لي طحت فيها أنا على علاقة باستادة كتقري فالعروبية فين ساكن أنا المشكل أنها حاملة و مزوجة معرفتش واش مني ولا من راجلها حيت مكنتش عارف انها مزوجة حتا حملات و هي كتقول أنا هو أب الولد و كتقول أنها غادا طلق و تزوج بيا واش ممكن نطلب التحليلات في حالة رفضت أنا نتزوج بيها

17/07/2025

أنا مريم 25 عام، وبلا ما نكذب عليكم… أنا دابا مصاحبة مع جوج ديال الرجال، وكل واحد فيهم كيعاملني بحال الملكة، وكل واحد فيهم ناوي يخطبني، ولكن… أنا ما عارفة راسي مع من نكمل.

الأول سميتو كريم، عرفتو فالخدمة، راجل طيب، ساكت، خدّام على راسو، ديما كيحاول يخليني مرتاحة، ما كيقولش كلام بزاف، ولكن كيبيّن حبّو فالتصرّف.
واحد النوع ديال الرجال اللي تحسيه "مضمون"… معقول، وكتقدري تعوّلي عليه.

الثاني هو محمد، عرفتو عن طريق واحد صاحبتي، كيف ما كيقولو "فصيح"، كيهضر مزيان، كيعرف كيفاش يدير الجو، ديما كيبعث لي مساجات، كيشكرني، وكيبغيني نبقى ديما زوينة.
معاه كنحس براسي مرغوبة، مهمّة، كنحس براسي مرأة بلي معنى الكلمة.

المشكل؟
هو أنني كنحماق على الهدوء ديال كريم، وعلى الأمان اللي كيعطيني، ولكن فنفس الوقت، القلب ديالي كيدقّ مع محمد، الضحك، والرومانسية، والكلام اللي كنت دايماً محتاجاه.
بجوج بغاو يخطبوني
كريم قال لي:
"بغيت نمشي نخطبك، عطيني الكلمة."
محمد قال لي:
"ما بغيتش نبقى غير مصاحب، خاصك تكوني حلالي."

سكت… ما جاوبت حتى واحد.
مشيت نعست وأنا قلبي مشوّك، كنقول:
"مع من غادي نعيش؟ مع اللي غادي يحميني، ولا مع اللي غادي يحييني؟"

ما كنكره حتى واحد، ولكن عرفت أن الحياة الزوجية ماشي غير حب، ولا غير أمان… خاص توليفة، خاص توازن.

ودابا، كنكتب ليكم وأنا باقة محتارة، وخا قرّبت الساعة اللي خاصني نختار…
وكنقول فقلبي:
"يا رب ما نندمش، وخا نختار واحد… حيث ماشي كل الاختيارات كتكون بين الزين والخايب، أحياناً كتكون بين الزوين واللي زوين بزاف."

17/07/2025

قصة رعب[ الحمام المسكون بالجن ] قصص رعب الواقعية بالدارجة المغربية 9isas ro3b wa9i3iya

17/07/2025

كنت كنعامل مو خايب باش متبقاش تجي عندنا بزاف. و ملي كيكون كنعاملها مزيان، مستحيل تكون قالت ليه شي حاجة.
ولكن هو دار الكاميرات فالدار بلا ما نعرف،
وسمعني واحد النهار وأنا كنهضر مع صحبتي فالتلفون،
وكنعاود ليها كيفاش كندير لمّو ملي كيكون هو فخدمتو، وكنا كنضحكو... 😳

فجأة، سيفط ليا داك الفيديو،
وكتب ليا: "منلقاكش فالدار، باش منديرش فيك شي موصيبة".
صراحة خفت، عارفة كيفاش كيتصرف ملي كيتعصب...
جمعت حوايجي ومشيت لدارنا، عند والديا

ودابا، راه بدا فإجراءات الطلاق...
وأنا ندمت، ندمت على كلشي، باغا نمشي عند مو نبوس ليها رجليها و نطلب منها السماحة غير منطلقش
ما كنتش عارفة غادي نوصل لهاد الشي كامل