Tetouan Tube 2

01/07/2025

#الحمدلله إقبال كبير من طرف الآباء والأمهات على تسجيل أطفالهم بالمدارس والكتاتيب القرآنية خلال عطلة الصيف

12/06/2025

(فَإِذَا جَاءَ أَجَلُهُمْ لَا يَسْتَأْخِرُونَ سَاعَةً وَلَا يَسْتَقْدِمُونَ)

سبحان الله العظيم 242 راكب ماتـ..ـو كلهم في ثواني
إلا هو ربي نجاه !!
الناجي الوحيد من كارثـ.ـة الطائرة الهندية اسمو "راميش كومار".

تخايل معيا طائرة كبيرة دقائق فقط بعد اقلاعها سمعو الناس صوت انفجـ.ـار هز اركان المكان، العافية شاعلة فكل موطاع، أجسـ..ـاد تتطاير..
وهو فالمقعد 11A، كان جالس حدا النافذة ، مشدود بالحزام فكرسي وعينو كايشوفو النهاية المحتومة ..
مع صوت الانفجـ..ـار كلشي انتهى فثواني الطيّارة ولات رمـ.ـاد الأرواح طـ.ـارت، والهدوء خيّم على المكان ..
لكن من وسط الدخان... ومن بين الركام... طلع هاد الراكب حي!!
"راميش" خرج بوحدو من وسط العافية والرماد ..
مشى كايخلف على رجلو والدم كايسيل من جبينو، كايشوف
بعينو جثـ..ـث 241 شخص قبل دقائق كانو جالسين حداه فطيارة كلهم ماتُـ..ـو، وهو الوحيد لي ربي كتابلو النجاة وبقا على قيد الحياة تصاب فقط ببعض الجـ.ـروح ..!!
سبحان الله العظيم ، بعض الخبراء قالو بلي نسبة نجاة شخص فمثل هاد الحادث المـ..ـروع تقدر بـ 2٪
#الهند #طائرة #الركاب #نجاة
Tetouan tube ✍🏻

05/05/2025

الأستاذ ياسين العمري قال : في مسيرة 12 سنة دالقراية جوج دأساتذة فقط هما لي كانو كايسولونا على الصلاة وكايقولو لنا :
(واش كاتصلييو اوليداتي .. !!؟)
بارك الله في كل معلم ومعلمة كايتعامل مع التلاميذ بحال الأب ديالهم وكاينصحهم بالصلاة والإبتعاد عن المخـ..ـدر!ات ورفقاء السـ..ــوء ، وأنتم واش عمركم سقساكم شي أستاذ على الصلاة ؟
#اصلاح #الشباب #التعليم

Tetouan tube ✍🏻

05/05/2025

عقلتو عليه 🥰 هذا هو الطفل "ياسين صواب" بطل مسلسل "مقطـ.ـوع من شجرة" ماشاء الله كبر وزوج وتزادلو اول مولود
ولد تبارك الله مبروووك يكبر في عزك أبا "ياسين" والله يجعله من الذرية الصالحة دباا حنا للي شرفنا ورجعنا مقطوعين من شجرة ماشي هو 😅

Tetouan tube ✍🏻

13/04/2025

05/03/2025

هادشي كايـ ـألم 🥹
"محمد البقالي" شاب تطواني في الثلاثينات من العمر متزوج
وأب لثلاثة أطفال كايشتغل في حرفة تركيب الألمنيوم "محمد" غادر المنزل ديالو واتوجه للفنيدق وكان من ضمن مجموعة ديال الشباب والقاصـ.ـرين للي دخلو للبحر في إتجاه سبتة في ليلة الجمعة للي فاتت ليلة للي كانت الأجواء متقلبة الشتى والرعد والبحر كايكل بعطوو دخلو للبحر سباحة وكان لابس بدلة الغوص ومن تماك انقطعت اخبار عليه لا هو ولا مجموعة من الشباب للى كان معهم، البحر خرج قبل يومين جثـ ـث جوج ديال شباب قاصـ.ـرين من مرتيل غالبا كانو ضمن هاد المجموعة الله يرحمهم ولحد الآن لايزال مصير باقي الشباب ومن بينهم "محمد" مجهول وفي عداد المفقودين عائلتوا كاتناشد أي واحد عندو معلومات عليه يخبرهم والله يسمعنا عليهم خبر الخير فهاد العواشر🤲🏻

Tetouan tube ✍🏻 /faro de Ceuta

05/03/2025

🫡
شباب لي كيحسو بدرويش كيف كتشفو كيبيعو فريسة 5 دراهم نالكيلو فمدينة دار البيضاء
حيت درويش كيخرج نسوق كيبقى غير يشوف ويتشهى حيت لي نزل عليها يدو طالعة فسماء فريسة هاد العام عملت القرون 15 دراهم 20 درهم وبزاااف آعباد الله كانت فرمضان كتعمل 7 دراهم اللهم إنا هذا لمنكر

04/03/2025

الله يسمعنا عليه خبر الخير هادشي والله الا كايألم 🥹
"وليد"طفـ ـل قاصـ ـر في عمرو 15 سنة من "مرتيل" دخل للبحر بالعوم فاتجاه مدينة سبتة نهار الجمعة لي فاتت بليل هو ومجموعة من الشباب معظمهم اطـ.فال مراهقين"وليد" في عداد المفقـ.ـودين هو وبعض الشباب آخرين لحدود ساعة ماكين حتي شي خبر عليهم الوالدين ديالهم علاين يحماقوا عليهم ،لبارح البحر خرج جثـ ـمان شاب قاصـ.ـر ربما كان معهم وحتى هو من مرتيل خرج في شاطئ الفنيدق لبارح كانت عندو الجنازة الله يرحمو ..
"وليد" وباقي الشباب مزال مفقوديـ.ـن الله يكون في عوان عائلتهم أطـ.ـفال مراهقـ.ـين كايسييبو راسهم في البحر في أجواء جوية متقلبة صعبة وبدون علم أسرهم ...
الى متى ستستمر هذه المآسـ ـي ?!!!

Tetouan tube ✍🏻

09/10/2024

(لاحول ولاقوة الا بالله) 🥹
حفل ختـ ـان جماعي للأطـ.فال بشفشاون يتحول لمأسـ ـاة💔

واحد الجمعية في مدينة شفشاون نظمت عملية ختـ ـان جماعي
ل 25 طـفل هاد الأطـ.فال الواليدين ديالهم ناس ضعفاء ومن أسر فقيرة المهم عملية الخـ.تان تقامت في مستشفى شفشاون والديهم كانو فرحانين غادي يخـ.تنو وليداتهم ولكن مع الأسف 5 من هاد الأطـ.فال تعرضـ.وا لأخـ.طاء طبية كارثـ.ية في عملية الخـ.تان
فيهم لتعرض لتشـ.وه كبير في اعـ.ضائهم ..
جوج منهم نقلوهم على وجه السرعة للمستشفى الجامعي بطنجة وثلاثة أخرين وصفت حالتهم بالميؤوس منها ..
قلت الشي والفقر دفعت والدين هاد الأطـ.فال للجوء للجمعيات باش يتكلفو بعملية ختـ ـانهم لكن النتيجة كانت مأسـ ـاة والله يحسن عوان والدين هاد العيال مساكن لي تعرضوا لتـ.شوه كامل في اعضائهم لي غاتأثر عليهم طول حياتهم ..

Tetouan tube ✍️

06/09/2024

انا شاب عندي 6 ديبلومات ميكانيك صيانة وكهرباء سيارات وملي كانمشي نطلب الخدمة في شركات ماكنلقاش الا جبرت فشي كراج كايعطيوني 400 درهم في سيمانا كايشوفوني شاب مزال صغير كايستغلوني وملي كنبغي نخدم حر لراسي كايصونييو عليا على أونبان وفاش كانمشي لبلاصا والعنوان ماكنجبر حتى واحد كايضحكو عليا عييت حتى فقدت الأمل وكرهت نخدم مع بنادم في هاد البلد ..
فكرت نهاجر وجيت للفنيدق بلا مانقولها لوالديا باش ندخل لسبتة بالعوم ضربت 3 ضربات جوج تشبرت فيهم والثالثة دازت عليا كحلة عمري خوفت وتخلعت في حياتي كما وقعلي دك نهار كنت داخل في بحر بليل وتصادفت مع نوع دحوت كبير بزااف ربما (أوركا)..
مانعودلكومشي قمة الرعب لي شوفتو قلبي كان غايوقف بالخلعة وشداتني رعادة وحسيت بنهاية قربت ولكن بقدرة الله تحكمت في الخوف ديالي وبقيت مكالمي حتى داز دك الحوت ومشا بحالو ماكملتش ورجعت بحالي بالعوم لشاطئ فنيدق ..
بقيت ايام ماكيدينيش نعاس بقوة تفكير فدك ليلة وخلعة لي دازت عليا من تماك وانا مريض كانشرب دوا باش نعاس..
قررت مانزيدش نغامر بحياتي ربما كانت اشارة من عند الله
ربي حفظني دك ليلة فاش سولت صيادة قالولي بلي دك حوت بليل فاش كايجيه جوع كايقرب للساحل و كايهجم حتى على البشر الا كان جيعان ..
انا كنبغي بلادي ولكن بسباب قلت الخدمة والصالير ضعيف هو لي خلاني نفكر نهاجر بهاد طريقة بغيت نقول لشباب
ماتغامروشي بحياتكم غادي تحرقو غير قلب والديكم عليكم
صبرو وتقاتلو في بلاد حتى يجيب الله تيسير انسان يطلع بالفيزا ولا شي بلان مضمون ماتلوحوش راسكم في البحر البحر صعيب وشحال من عوام بحر داه لي حد الان لا خبر عليه ووالديه محروقين عليه خوتي ربي كبير ماتفقدوش الأمل ..

Tetouan tube /✍مشاركة من متابع معنا بتصرف