ما تزرعه في حياتك، تنام عليه في نهايتك. الخيارات لا تموت معك، بل ترافقك إلى القبر.
#عبرة
#تأمل
#طريقك
#تذكرة
#الآخرة
#فكر
#واقع
27/12/2025
فاش كطبق الافكار لي فراسك 🤣🤣🤣🤣
#ريلز #ترند #مشاهدات
20/12/2025
ترك جنازة ابنه 😢
13/12/2025
تبوريشة 💔😭🇲🇦
لبارح فالعشية كنت فواحد جوطية (سوق للسلع المستعملة) لبلاصة لي كيتقداو منها الفقراء باش يشريو حويجات رخاص.. كنت كنقلب على شي لعيبة نشريها حتا حضرت لواحد الموقف اقسم بالله حتا لحمي بورش عليا.
تخايلو واحد رجل كبير جا سول واحد مول لفراشة حاط شي سبرديلات وشي سلعة سلام سلام
ولدي شحال ديك سبرديلة؟
الشاب : 70 درهم أعمي
الرجل الكبير حذر راسو وتم غادي باينة غتكون جاتو غالية وهو يعيط ليه لولد مول سلعة
شحال تخلص ليها أعمي صاوب ليها ودي سبرديلة
رجل لكبير قاليه بزاف عليا اولدي منقدرش
وهنا لولد مول لفراشة قال واحد لكلمة قالو:
عمي قوليا غير الله يرحم الوالدين وهز سبرديلة فابور خودها بصحتك.
الرجل الكبير بقا كيشوف وهو يقوليه الله يرحم والديك ولكن متعطينيش سبرديلة الله يرحم والديك من القلب وبلا متعطيني اولدي
مول لفراشة مشا هز سبرديلة ودارها ف ميكة وقالو والله حتا تشدها فابور خودها بصحتك وراحتك
بقا سيد كيقول لو لالا منقدرش ولكن والو لصقها لو بزز،، سيد بدأ كيجبد شي ديرهمات وكيحسب بغا يعطيه ولكن والو مبغاش يشد من عندو قاليه سير بصحتك خلصتيني بديك الله يرحم الوالدين.
رجل شد سبرديلة دارها ف بيكالتو المتواضعة القديمة وهو يركب ومشا بحالتو.
منكدبش عليكم كانت عندي 30 درهم جبتها بغيت نعطيها ليه نتعاون معاه مبغاااااش مسكين قالي واش انا منديرش الخير رآه حتا انا مسلم حتا انا خاصني نصدق ونتعاون مع المحتاج
هاد لولد تكون عمرو ديك 30 سنة ومن نظرة لولة الله يسمح ليا مكنتش كنضن انه يدير هاد الجيست ياربي تسمح لي منساش واحد الكلمة قالها لي قالي مسكين حنا ديال بعضياتنا والا متعاوناش مع بعضنا شكون غيتعاون معانا وبالخصوص ناس الكبار رآه هوما البركة ديالنا.
بقيت غا كنشوف فهاد الموقف وممتيقش أنني حضرت ليه وأنه باقي بنادم فيه الخير وبكل صراحة الفقراء والله حتا رجال الشباب ديال الأحياء والله تا رجال كيجبوها حلال طيب رغم أنه مزيود خاسر فواحد البلاصة لي مقحطة ورغم ذالك كيجيبوها من فم سبع تحياتي لأي شاب خدام على راسو وتحياتي لهاد شاب لي كاين ف جوطية سوق السبت أولاد النمة ياربي يوصلو هاد المنشور باش يشوف شحال من واحد غيدعي معاه 🤲
حنا ديال بعضنا بغيت اي واحد قرأ هادشي يدعي مع هاد سيد مجرد دعوة الخير.
كيفما تعاون مع سيد المحتاج بغيت على الأقل ناس تدعي معاه بالتيسير والرزق ✌️✌️
متخليهاش عندك ✌️✌️✌️✌️
ها أول جادوغ وبرطاج ودعوة الخير من عندي انا ❤️❤️
#منقول
Be the first to know and let us send you an email when Nabil RCT posts news and promotions. Your email address will not be used for any other purpose, and you can unsubscribe at any time.
