تقنية بالدارجة - Tech Darija

تقنية بالدارجة - Tech Darija ​"قناة تقنية مغربية 100% 🇲🇦 كنشرحو ليك عالم التكنولوجيا، الهواتف، والهميزات بالدارجة وبلا تعقيد. تابعنا باش يوصلك الجديد!"
(1)

🔥 شاومي 17T جاي فالطريق: شحن 67W ومعالج Dimensity 8500.. والكاميرا بقات هي هي 📸👇​تسريبات جديدة خرجات على هاتف Xiaomi 17T...
29/04/2026

🔥 شاومي 17T جاي فالطريق: شحن 67W ومعالج Dimensity 8500.. والكاميرا بقات هي هي 📸👇
​تسريبات جديدة خرجات على هاتف Xiaomi 17T، واللي كيبان أنه غيطلقوه الشهر الجاي 👇
​⚙️ الأداء (Performance):
​المعالج: Dimensity 8500 🚀 (ديال دمير).
​الرام: 12GB (باش تخدم مرتاح).
​السيستيم: Android 16.
​🔋 البطارية والشحن:
​البطارية: كبيرة 6500mAh 🔋.
​الشحن: شحن سريع 67W ⚡.
​📸 الكاميرا:
​مكاينش شي تغيير كبير، بقات تقريبا بحال الموديل اللي فات.
​📅 فوقاش غيخرج؟
​غالبا غنشوفوه فشهر ماي 🔜، يعني قبل بـ 4 أشهر من الوقت اللي مولفين كينزل فيه!
​🤔 شنو بالك؟
كتفضل يتهلاو فالمعالج والأداء، ولا كيهمك يطوروا الكاميرا أكتر؟
​ #تقنية #شاومي

رجوع عرض نجمة 6 بـ30 درهم فالشهر… واش بصح ولا غير هضرة؟ 🤔🔥حتى لدابا، ما كاين حتى شي إعلان رسمي من الشركات كيثبت بلي هاد ...
27/04/2026

رجوع عرض نجمة 6 بـ30 درهم فالشهر… واش بصح ولا غير هضرة؟ 🤔🔥
حتى لدابا، ما كاين حتى شي إعلان رسمي من الشركات كيثبت بلي هاد العرض راجع، وما كاين حتى تأكيد من مصادر موثوقة
حتى لدبا كاين فقط العروض المعتادة .
أما عرض 30 درهم 💸، راه غير إشاعات كيدورو فالسوشيال ميديا، كيهضرو على احتمال يرجع ولا يتبدل، ولكن ما كاين حتى شي تأكيد رسمي حتى الآن ⚠️

واش الشاحن اللي كدير لتيليفونك "قنبلة موقوتة"؟ 🤔🔋​السلام عليكم العائلة! بزاف منا كيخسر ليه الشاحن الأصلي، وكيمشي لأقرب ح...
27/04/2026

واش الشاحن اللي كدير لتيليفونك "قنبلة موقوتة"؟ 🤔🔋
​السلام عليكم العائلة! بزاف منا كيخسر ليه الشاحن الأصلي، وكيمشي لأقرب حانوت كيشري شاحن بـ 30 أو 50 درهم حيت "كيشحن دغيا". ولكن واش فراسك بلي هاد القضية تقدر تخرج ليك على التيليفون؟
​ها علاش خاصك ترد البال:
​السخونية المفرطة: الشواحن الرخيصة ما فيهاش أنظمة حماية، كطلع الحرارة ديال التيليفون وهادشي كيدكدك البطارية.
​عدم استقرار "الفولتاج": يقدر في أي لحظة يوقع "سيركوي" (Circuit) ويتحرق ليك البرد (Motherboard) ديال الجهاز.
​السرعة الوهمية: كيبان ليك "Fast Charge" طالعة، ولكن في الحقيقة البطارية كتنفخ مع الوقت.
​نصيحة "Tech Darija":
إلى ضاع ليك الشاحن الأصلي، حاول تشري ماركات معروفة (بحال Oraimo، Anker ) واخا زايدين شوية في الثمن، لكن كتشري امانك نتا و امان تيليفونك.
​
لي عندو شي سؤال مرحبا :

​

هاد الموضوع ديال “ترجمة X” (تويتر سابقاً) وشنو كيبان فيه من تغييرات ونتائج، خلا بزاف ديال الناس يهضرو عليه فالفترة الأخي...
27/04/2026

هاد الموضوع ديال “ترجمة X” (تويتر سابقاً) وشنو كيبان فيه من تغييرات ونتائج، خلا بزاف ديال الناس يهضرو عليه فالفترة الأخيرة. الفكرة هي أن بعض الميزات الجديدة، خصوصاً الترجمة الأوتوماتيكية، ولات كتكشف بزاف ديال المحتوى اللي قبل ماكانش واضح للناس بسبب اللغة.
فاش الناس ولات كتفهم المحتوى بلغات مختلفة، ولات كتشوف آراء وسلوكات من مجتمعات أخرى كانت مخبية نوعاً ما. هاد الشي خلا البعض يحس بالصدمة، حيث الصورة اللي كانت عندهم على هاد المجتمعات كانت مثالية شوية، ولكن مع الترجمة ولات الأمور كتبان كما هي، فيها الزوين وفيها الخايب.

الامتناع على استعمال الإنترنت فالتليفون لمدة جوج سيمانات خلا الصحة النفسية تتحسّن أكثر من الأدوية ديال الاكتئاب، وحتى ال...
27/04/2026

الامتناع على استعمال الإنترنت فالتليفون لمدة جوج سيمانات خلا الصحة النفسية تتحسّن أكثر من الأدوية ديال الاكتئاب، وحتى القدرة على التركيز اللي كانت كتنقص تقريباً لمدة 10 سنين ولات تحسّنت!
هاد الدراسة كانت عشوائية وشارك فيها 467 واحد. الباحثين استعملو تطبيق “Freedom” باش يحبسو الإنترنت فالتليفون كامل، وخلاو غير الويفي فالدار ولا فالكومبيوتر.
النتائج كانت مدهشة:
• نقص وقت استعمال التليفون بـ 49٪ (من 314 دقيقة لـ 161 دقيقة فالنهار).
• تحسّن واضح فالصحة النفسية، والإحساس بالراحة، والتركيز المستمر عند 91٪ من المشاركين.
والقدرة على التركيز ولات بحال إلى رجعات لـ مستوى ديال واحد صغر بـ 10 سنين!
• التأثير على الصحة النفسية كان أقوى من تأثير أدوية الاكتئاب فدراسات سابقة!
وبيّنات الدراسة أن هاد النتائج كتعطي دليل سببي بأن قطع الإنترنت من التليفون يقدر يحسّن الحالة النفسية.

📱 **Infinix Smart 20** واش كيستاهل فلوسو؟ 🤔 💰 **الثمن فالمغرب:** كيدور بين 950 و 1100 درهم (حسب المدينة و ستوكاج ).🔋 *...
27/04/2026

📱 **Infinix Smart 20**
واش كيستاهل فلوسو؟ 🤔

💰 **الثمن فالمغرب:** كيدور بين 950 و 1100 درهم (حسب المدينة و ستوكاج ).

🔋 **المواصفات:**
✅ شاشة كبيرة 6.6 بوصة
✅ بطارية 5000mAh كتدوم نهار كامل (15w) سرعة شحن
✅ رام 3GB / تخزين 64GB او 4/128
✅ بصمة الوجه
✅ تصميم عصري وخفيف
✅بصمة فزر الباور

🎯 **واش يستاهل؟**
إلى كنت باغي تلفون للاستعمال اليومي (واتساب، فيسبوك، يوتيوب، مكالمات) وبثمن اقتصادي، فهو اختيار مزيان.
لكن ماشي موجه للألعاب الثقيلة ولا الاستخدام المكثف .

شنو رأيك فيه؟ 👇🔥

بزاف منكم كيتشكاو أن التليفون كايتشرجا بزاف والبطارية كاطير دغيا. سامسونج خدامة دبا على تحديث جديد بنظام One UI اللي كير...
26/04/2026

بزاف منكم كيتشكاو أن التليفون كايتشرجا بزاف والبطارية كاطير دغيا. سامسونج خدامة دبا على تحديث جديد بنظام One UI اللي كيركز بضبط على "توفير الطاقة الذكي".
​هاد التحديث غيخلي النظام يطفي أي حاجة كتاكل الضو فـ "الخلفية" وما محتاجهاش، وغيزيد فـ عمر البطارية بنسبة كتوصل لـ 15%.
​سؤال ليكم: شحال من ساعة كيدوز ليك تليفونك دبا؟ وشنو هو الموديل اللي عندك؟ (كتب لينا فـ التعليقات باش نعرفو واش سامسونج بدات كتحسن فعلا).
​ #المغرب

Address

Tangier

Website

Alerts

Be the first to know and let us send you an email when تقنية بالدارجة - Tech Darija posts news and promotions. Your email address will not be used for any other purpose, and you can unsubscribe at any time.

Shortcuts

Share

Category