17/09/2025
رسالة سيدة عبر الصفحة 🙏✅️
السلام عليكم خوتي خواتاتي!
كنتمنى تكونو على خير وبخير. كنكتب هاد المنشور وأنا فواحد المرحلة مهمة ف حياتي، أنا وراجلي على أبواب تكوين أسرة والاستقرار، هادي شهر باش درنا العقد وبنعمة الله تتم الصالحات ولكن هاد المرحلة لي حنا فيها دبا فيها تحديات كبيرة، وأكبرها هي إيجاد شقة للكراء بثمن مناسب.ونديرو ليها الفراش وتابعنا بزاااف ديال المسؤولية وحنا دبا ف زيرو ما عندنا حد من غير الله وراجلي على قاد الحال خدام ب 3000 درهم وانا عندي مشكل صحي ما كنقدرش نخدم وهو مسكين كيتقاتل باش يوفر ليا شي حاجة والو بسيطة لمهم داير جهدو وكتر ولكن تيقوا بيا ما كنقدرش نشوفو كيموت باش يخليني مرتاحة وما يحسسنيش اني عاهة عليه وما كنعاونو بوالو عرفتي ربي عوضني بأحسن جزاء على صحتي عطاني ولد ناس لي كيخاف عليا كتر ما كيخاف على راسو وهادشي كيخليني نتحدى اي ظرف باش نقدم ليه اليد مساعدة ونخليه يفرح وينقص هموا
كما عارفين، الظروف صعيبة والأسعار مرتفعة بزاف، ولقينا راسنا محتاجين للمساعدة ديالكم. حنا كنقلبو على شقة صغيرة ونقية، فيها بيت وصالون، تكون في أي بلاصة فمدينة طنجة، الأهم يكون الكرا ف المتناول ديالنا.
إلا كان شي واحد فيكم كيعرف شي حد عندو شقة للكراء، أو سمع بشي حاجة تقدر تناسبنا، عفاكم متخلوش علينا وبارطاجيو معانا المعلومة. كل بارطاج وكل معلومة ممكن تسهل علينا بزاف ديال الأمور.
تبارك الله عليكم والله يسر للجميع. دعواتكم لينا بالتوفيق
#رسالة #منقول #برطاج
