09/09/2026
تخيل جريدة La Razón الإسبانية دارت مقال كامل كتطرح فيه سؤال صادم: «علاش المغرب ديما كيربح ؟» 😳🇲🇦
🟢 العنوان بوحدو كافي باش يخليك توقف: «¿Por qué siempre gana Marruecos?: las claves de la batalla diplomática»… يعني ببساطة: علاش المغرب ديما كيربح؟ ومفاتيح المعركة الدبلوماسية فين كاينة؟
🟢 المقال كيسلط الضوء على الطريقة اللي ولات كتتعامل بها الرباط مع الملفات الحساسة، بأسلوب مبني على النفس الطويل، التراكم، والصبر واختيار التوقيت المناسب، بدل الدخول فكل مواجهة وردّ الفعل على كل تصريح.
🟢 وهنا كيبان الفرق الكبير… المغرب ماشي ضروري يجاوب اليوم على كلشي، وماشي ضروري يكشف الأوراق ديالو كاملة.راه بعض المرات كيكون الهدوء هو جزء من الخطة، والقرار الحقيقي كييجي من بعد، فالوقت اللي كتكون فيه الظروف مناسبة.
🟢 وهاد الأسلوب كيخلّي بعض الأصوات فإسبانيا ترجع تتذكر قصة الكركرات. لأن اللي وقع تما كان درس واضح من الحنكة المغربية : أزمة، توتر، انتظار… ومن بعد تحرك مغربي فالتوقيت اللي اختارتو الرباط، وتبدلات المعطيات على الأرض فثانية وحدة ..
🟢 وهاد الشي كيخلّي ملف سبتة ومليلية أكثر حساسية بالنسبة لإسبانيا. لأن المغرب ما كيشوفهمش غير كمدينتين حدوديتين؛ بل كيبقاو بالنسبة للمغاربة مدينتين فوق التراب الإفريقي، مرتبطتين بالمغرب جغرافياً وتاريخياً، وملف السيادة عليهما ما غاديش يمحيه لا الوقت ولا تغيير الخطاب السياسي.
🟢 والأهم أن المغرب اليوم عندو أوراق أكثر من قبل: علاقات دولية أقوى، حضور إفريقي متزايد، شراكات استراتيجية ومشاريع اقتصادية وبنيات تحتية كتخليه يلعب بأدوات مختلفة تماماً.
🟢 لذلك، السؤال اللي خاص يتطرح ماشي غير: «شنو غادي يدير المغرب؟»… ولكن: «إمتى غادي يتحرك المغرب؟» وهنا بالضبط كتكمن قوة سياسة النفس الطويل.
🟢 المغرب ما محتاجش لا للتهديد ولا للضجيج ولا للمزايدات. عندو الحق يدافع على مصالحو وسيادتو بالوسائل السياسية والدبلوماسية المشروعة، وبالطريقة اللي كيشوفها مناسبة.
🔥 الإسبان كيسولو علاش المغرب ديما كيسبق… والجواب يمكن يكون بسيط: حيث المغرب ما كيلعبش بنفس السرعة ديال الآخرين. كيسكت، كيراقب، كيراكم المعرفة ومن بعد كيتحرك.
سبتة ومليلية قضية ما ماتتش… والكركرات علمتنا أن الهدوء المغربي متيكونش ضعف، بل ممكن يكون تمهيد لضربة قاصمة لظهر الاعداء
🇲🇦🇲🇦
#فرنسا🇨🇵_بلجيكا🇧🇪_المانيا🇩🇪_اسبانيا🇪🇸
#المغرب🇲🇦تونس🇹🇳الجزائر🇩🇿تركيا🇹🇷
🇲🇦🇲🇦🇲🇦
#الله الوطن #الله 🇲🇦🇲🇦
